Tiranë, 5 të rinj rrahin 3 policë.

[Altin111]

Agresorët lirohen nga gjykata: Të hetohen në arrest shtëpie

Tre punonjës të Patrullës së Përgjithshme në Drejtorinë e Policisë së Tiranës kanë rënë pre e dhunës së katër agresorëve gjatë 24 orëve të fundit. Uniformat blu janë përleshur në dy raste, duke bërë të mundur arrestimin e agresorëve, ndërkohë që ata janë lënë sërish të lirë nga gjykata. Rasti i parë është shënuar në rrugën "Karl Gega". Sipas të dhënave zyrtare, forcat e Komisariatit të policisë Nr. 3 kryen arrestimin në flagrancë të Alfred Kolës, 23 vjeç, i dënuar më parë për "heqje të paligjshme të lirisë; Vilfred Kolmarkut, 32 vjeç; Gjovalin Kokës, 24 vjeç dhe Leonard Lleshit, 26 vjeç. Arrestimi i tyre u bë pasi në rrugën "Karl Gega", në bashkëpunim me njëri-tjetrin, duke përdorur dhunën fizike, kanë kundërshtuar gjatë kryerjes së detyrës dy punonjës policie. Policët kishin shkuar të qetësonin grupin, pasi ata ishin duke konsumuar alkool, por kanë rënë pre e dhunës. Dy policët morën mjekimin e nevojshëm dhe më pas denoncuan rastin në prokurori. Ndërkohë, pa kaluar shumë kohë, një rast tjetër është shënuar nga efektivat e Komisariatit të policisë Nr. 6. Policia e Tiranës deklaroi se u realizua kapja dhe arrestimi i shtetasit Flogert Hasa, 23 vjeç, banues në Yzberisht. "Arrestimi i tij u bë pasi u kap në rrugën "Ali Kelmendi" në Kombinat, duke kundërshtuar, goditur, fyer dhe kanosur për shkak të detyrës një punonjës policie", detajoi policia. Sipas të dhënave të kësaj të fundit, u kryen veprimet procedurale dhe materialet për dy rastet e lartpërmendura i kaluan prokurorisë: për prishje të qetësisë publike, kundërshtim të policit të rendit publik, goditje për shkak të detyrës dhe kanosje. Në lidhje me të dyja rastet, efektivët e dhunuar, ku sipas ekspertëve kanë edhe shenja dhune, kryen kallëzime penale në prokurori ndaj agresorëve të tyre. Ndërkohë, dje pesë agresorët kanë dalë para togave të zeza për vlerësimin e masës së arrestit, pasi prokurori kishte lëshuar për ta urdhrin e arrestit. Ndryshe nga ky urdhër-arresti, në seancën e vlerësimit prokurori ka kërkuar arrest shtëpie për të pesë agresorët. Pasi trupi gjykues ka dëgjuar pretendimet e akuzës dhe të mbrojtjes, ka vendosur që agresorët e policëve të lihen në arrest shtëpie.

[ReniX]

Keshtu eshte kur ska shtet, ngen dore mbi uniformat