Plumba mbi nje grua, nuk i la ti vrisnin te birin

[labja]

Dy vëllezër janë arrestuar nga policia e kryeqytetit, pasi dyshohen se kanë tentuar të vrasin një grua. Ngjarja ka ndodhur dy net më parë në Tiranë, kur dy vëllezërit kanë qëlluar 17 herë në vilën ku qëndronte denoncuesja, bashkë me të birin. Madje, ky i fundit mendohet se ka qenë shkaku i konfliktit. Policia e Tiranës deklaroi zyrtarisht se nga shërbimet e hetimit dhe të parandalimit të krimit të Komisariatit Nr. 3, u krye arrestimi i vëllezërve Shkëlzen dhe Gëzim Pjetërnikaj, përkatësisht 32 dhe 29 vjeç, banues në Tiranë. “Arrestimi i tyre u krye sepse dy ditë më parë, rreth orës 00:40, në rrugën ‘Gjergj Legisi’, pranë vendit të quajtur ‘Nishtulla’ kanë tentuar të vrasin me automatik shtetasen Dile Leka”, deklaroi zyrtarisht policia. Ata mendohet se kanë qëlluar me automatik “Kallashnikov” 17 herë në drejtim të banesës, por pa sjellë ndonjë viktimë. Policia shpjegoi se djali i Lekës ishte zënë me disa persona. Dy vëllezërit, pas këtij sherri, kishin shkuar te banesa e tij, një vilë private dhe i kishin kërkuar të dilte jashtë. Në këto momente ka ndërhyrë nëna e tij, Dile Leka, e cila nuk e ka lejuar këtë takim. Duke bërë presion dhe kërcënime, dy vëllezërit nuk janë larguar, por kanë nxjerrë automatikun dhe kanë qëlluar në katin e dytë të vilës. Menjëherë, policia ka shkuar në vendin e ngjarjes, por ata kanë arritur të largohen. Më pas, duke u ndihmuar edhe nga të dëmtuarit, uniformat blu kanë arritur të identifikojnë dhe të shoqërojnë autorët e ngjarjes. Sipas policisë, po punohet për dokumentimin e plotë të kësaj ngjarjeje.

[Erinaa]

Nena cdo her sakrifohet per femijet e saj, e nuset e sotit e pam ca kan bar ne nje tem tjeter