Shkodër, ngjarja e rëndë ndodhi në sytë e djalit 17-vjeçar.

[Altin111]

Xhelozia, burri vret gruan e më pas veten

Shkodër, ngjarja e rëndë ndodhi në sytë e djalit 17-vjeçar

Për motive xhelozie, një 45-vjeçar ka qëlluar për vdekje gruan e tij dhe më pas është vetëvrarë me të njëjtën armë. Ngjarja e rëndë ka ndodhur mëngjesin e djeshëm në një lagje të qytetit të Shkodrës. Viktimat janë Tonin Nikolli dhe gruaja e tij Eleni Nikolli, 35 vjeçe. Krimi brenda familjes ka ndodhur rreth orës 08.00 të mëngjesit në lagjen "Tre Heronjtë" të qytetit verior në ambientet e brendshme të familjes Nikolli. Në mëngjes herët, autori dhe njëkohësisht viktimë e këtij krimi të rëndë, Tonin Nikoli, është parë të dalë nga banesa duke pirë kafen e mëngjesit në afërsi të shtëpisë. Më pas është kthyer në banesë, kur ka parë gruan e tij të veshur për të dalë për në punë. Në atë moment ka nisur një debat, ku si pikënisje ka pasur xhelozinë. Disa minuta pas debatit, Tonini ka qëlluar për vdekje me një plumb në kokë gruan e tij, pasi ka parë trupin e pajetë të bashkëshortes të mbuluar në gjak Tonini është vetëqëlluar me një plumb në kokë. Në momentin që është kryer krimi në banesë, në dhomën tjetër ndodhej djali 17-vjeçar i kësaj familjeje, që pasi ka dëgjuar krismat ka parë nënën dhe babanë të vrarë me plumb në kokë. Pas kësaj skene tragjike, fëmija i vetëm i kësaj shtëpie ka lëshuar britmën duke kërkuar ndihmën e xhaxhait dhe të fqinjëve aty pranë, por gjithçka ka qenë e kotë, pasi viktimat burrë e grua kanë gjetur vdekjen në çast. Grupi hetimor, pas marrjes në pyetje të fëmijës e disa të afërmve dhe pas skicimit të vendit të ngjarjes, ku autori Tonin Marku është gjetur i vdekur me pistolete në dorë, ka arritur në përfundimin se burri ka qëlluar fillimisht me një plumb në kokë gruan e tij, duke i shkaktuar vdekjen e saj në vend dhe më pas ka qëlluar veten për vdekje po me plumb në kokë. Mënyra se si janë gjetur trupat e viktimave, me distancë nga njëri-tjetri, goditjet në kokë nga e njëjta pistoletë dhe ajo që e përforcon më shumë mosmarrëveshjet e vazhdueshme dhe të rënduara në çift, kanë bërë që ekspertiza e policisë ta klasifikojë ngjarjen si krim brenda familjes. Sipas policisë, shkak i këtij krimi të rëndë mendohet të jetë bërë xhelozia dhe mosmarrëveshjet në çift, ku prej disa kohësh marrëdhëniet e çiftit Eleni dhe Tonin Nikolli kishin pasur mjaft probleme, të cilat përfunduan në mënyrë tragjike me vdekjen e bashkëshortëve dhe një fëmijë të lënë jetim. Por, nga fqinji mësohet se "autori i këtij krimi të rëndë, njëkohësisht dhe viktimë e këtij krimi, njihet si një njeri i qetë në zonën ku banonte Marku. Por, kohët e fundit, marrëdhëniet e tyre ishin acaruar për problemet e tyre të brendshme. Jemi të habitur si ka mundësi që Tonini të vrasë gruan dhe veten, pasi nuk njihej si njeri agresiv apo problematik për shoqërinë, përkundrazi njihej si natyrë e qetë që shikonte punën e tij". Marrëdhëniet e rënduara në çift në qytetin e Shkodrës pasqyrohen dhe nga divorcet e shumta që bëhen në këtë qytet, kështu që nga fillimi i vitit numërohen mbi 270 divorce, që i bie çdo ditë, përveç të dielave, në gjykatë të bëhet një divorc, por për të mos mjaftuar kjo, mosmarrëveshjet në çift po shoqërohen me krime mjaft të egra dhe tragjike.

[ReniX]

ca ti thosh ketyre. i lane femijet jetim!!! (e sigurt policia qe ska qene nje person i trete?)

[eugjeni]

shum gjynah,
sa keq per cunin qe pa kete ngjarje te tmerrshme sdo ti hiqet kurre nga koka edhe kur te behet gjysh