18-vjecarja pi 50 tableta paracetamol

**labja** · 02-07-2011, 05:05 PM

Gjendja e rënduar psikike e krijuar nga provimet e maturës e ka çuar një 18-vjeçare drejt vetëhelmimit. Ndërhyrja në kohë e familjarëve dhe e mjekëve e kanë lënë në tentativë këtë formë të vetëvrasjes, ndërsa dëshmitë e vajzës dhe të afërmve të saj kanë çuar në zbardhjen e shkakut të gjendjes depresive. Maturantja nga Kruja është dërguar në fundjavë në urgjencën e Spitalit Ushtarak e helmuar dhe nga kryerja e veprimeve të para hetimore rezultoi se e reja ka tentuar të vetëhelmohet nëpërmjet marrjes së rreth 50 tabletave paracetamol. Nën presionin e provimeve të maturës dhe rezultateve të tyre vajza ka kaluar në një gjendje të rënduar, e cila e ka shtyrë drejt vetëhelmimit për t’i dhënë fund presionit që duket se nuk po e përballonte dot më.