Policia njofton:Shtetase e paidentifikuar,njoftoni nëse e njihni!

[EMAUS]

Policia ka lëshuar një deklaratë për shtyp me anë të cilës njofton se në ambientet e Komisariatit të Policisë Fier, ndodhet një shtetase e
paidentifikuar, e sëmurë mendore, e moshës rreth 55 vjeç, e cila nuk jep asnjë të dhënë për identifikimin e saj.

Kjo shtetase rezulton të jetë dërguar në Spitalin Rajonal të Fierit më datë 03.07.2011, nga ku janë njoftuar strukturat policore për të
ndihmuar në identifikimin e saj, pasi kjo shtetase, për shkak të sëmundjes së saj nuk është e aftë të tregojë asnjë të dhënë
identifikuese.

Për këtë arsye, Komisariati i Policisë Fier kërkon mbështetjen e mediave për të ndihmuar në identifikimin e saj duke bërë publike foton
e kësaj shtetaseje.

Njoftimi për identifikimin e kësaj shtetaseje është dhënë në mediat lokale të qytetit të Fierit, por deri tani nuk është paraqitur asnjë familjar apo i afërm i saj dhe prej dy ditësh kjo shtetase po qëndron në ambientet e Komisariatit të Policisë Fier.

Kontaktoni me policinë ose me gazetën elektronike ALBNOW nëpërmjet e-mailit albnow@hotmail.com

[MAJDI]

Ncnc Sa gjyna , Ka shum familje qe e len vetn nuk e marin jan njerzit te poshter