Verdhëza infekton nxënësit

[carolina]

Verdhëza ka prekur edhe fëmijë të shkollave të qytetit të Korçës. Mjekët janë vënë para faktit se në dy ditët e fundit nga
shkollat e qytetit po konstatohen raste të fëmijëve me hepatit, por ndërsa nuk mund të flitet ende për shifra alarmante, kjo nuk përjashton
mundësinë e prekjes të një numri më të madh fëmijësh, të cilët nga kontakti me njër itjetrin në ambientet e shkollavemund të jenë bartës të verdhëzës.
Nga ana tjetër, në pediatrinë e qytetit janë paraqitur plot tetë fëmijë të prekur nga hepatiti A. Aktualisht në ambientet e spitalit në qytetin juglindor qëndrojnë të shtruar gjashtë fëmijë, të gjitha raste të reja të përhapjes së verdhëzës.Rastet me verdhëz, sipas mjekëve të këtij spitali, kanë prekur edhe dy fëmijë nga shkollat nëntëvjeçare të qytetit, të cilët dy ditë më parë janë shtruar në repartin infektiv për shkak të
kësaj sëmundjeje. Por më alarmante për mjekët është situata në fshatin Mbroje, nga ku po shtohet dita ditës përhapja e hepatitit tek
fëmijët e shkollës.
Kështu ndërsa një muaj më parë nga shkolla e fshatit u konstatuan rastet e para të verdhëzës, prekshmëria që mendohet
se vjen nga kontakti i fëmijëve të infektuar me njëri-tjetrin ka çuar në infektimin e tetë nxënësve.
Me të njëjtën diagnozë kanë ardhur në spital vetëm në dy ditë edhe gjashtë fëmijë të rinj, që janë mbajtur të shtruar në repartin infektiv. Dy nga fëmijët janë nga qyteti dhe pikërisht nga shkollat "Ismail Qemali" dhe "Sevasti Qirjazi". Sipas mjekëve nga këto dy shkolla, edhe një vit më
parë janë shtruar në spital fëmijë të prekur nga verdhëza. Nga ana e mjekëve pediatër deklarohet se numri i të prekurve në krejt zonën e Korçës mendohet se është edhe më i madh, por vetëm një pjesë e fëmijëve sillen për trajtim shëndetësor në spital, pjesa tjetër marrin mjekime në shtëpi.
Mjeku pediatër Luan Belortaja thotë se nuk mund të flitet për një epidemi në qytet, pasi fëmijët e shtuar deri më tani vijnë nga shkolla të ndryshme. Por infektimi nga verdhëza mund të ketë prekur edhe fëmijë të tjerë, të cilët kanë qenë në kontakt me të sëmurët.

Me të njëjtën diagnozë kanë ardhur në spital vetëm në dy ditë edhe gjashtë fëmijë të rinj.