Ministrja e Shëndetësisë së Italisë, në Shqipëri.

[Altin111]

Ministrja e Shëndetësisë së Italisë, vizitë një ditore në Shqipëri

Ndoka – Turco: Memorandum Mirëkuptimi për të gjitha nivelet e Sistemit Shëndetësor

Shqipëri – Itali: Shkëmbime eksperiencash dhe informcioni mbi zhvillimet teknologjike në fushën e shëndetësisë dhe të shkencave mjekësore

Ministri i Shëndetësisë, Nard Ndoka, priti të sot në një takim pune, homologen e tij, Ministren e Shëndetësisë së Republikës së Italisë, znj. Livia Turco. Gjatë këtij takimi, u nënshkrua një Memorandum Mirëkuptimi, me synim dhënien e një dimensioni të ri marrëdhënieve dhe bashkëpunimeve në të gjitha nivelet e sistemit shëndetësor.

" Qëllimi i kësaj vizite, shënon pikën kulmore të marrëdhënieve tona në sektorin shëndetësor. Ne sapo nënshkruam memorandumin që do të mundësojë bashkëpunimin e gjithëanshëm në fushën e shëndetësisë”, u shpreh Ministri i Shëndetësisë, Nard Ndoka. Ai gjatë fjalës së tij, informoi delegacionin Italian, duke bërë një ekspoze të funksionimit të sistemit tonë shëndetësor dhe vazhdimin e reformave të marra.

“Unë e njoha znj. Turco për reformat e thella që po kryhen në sistemin tonë shëndetësor, për miratimin përfundimtar dy ditë më parë të Strategjisë së Shëndetësisë 2007- 2013 dhe angazhimin tonë për të bërë hapat e duhura që çojnë në një modernizim të shpejtë të sistemit, një menazhim efiçent të tij, dhënien e shërbimeve me standarte më të larta për të gjithë qytetarët në nevojë”, tha ministri Ndoka, duke falenderuar homologen e tij Turco për vizitën e saj në Tiranë dhe për mbështetjen e pakursyer për shëndetësinë shqiptare.

Ministri shqiptar, e vlerësoi Italinë si një partnere kryesore në rrugën e zhvillimit e modernizimit të shtetit dhe shoqërisë shqiptare.
“Vizita e znj, Turco konfirmon marrëdhëniet e shkëlqyera dhe miqësore që ekzistojnë midis dy vendeve tona, si dhe intresin e angazhimin e qeverisë italiane për të ndihmuar Shqipërinë në rrugën e saj të reformave, progresit dhe integrimit të saj në Bashkimin Europian dhe në NATO”, u shpreh Ndoka, duke përfunduar se Ministria e Shëndetësisë shqiptare do të punojë intensivisht për zgjerimin e bashkëpunimit me qeverinë Italiane dhe institucionet e saj homologe, si partnere kryesore dhe mike të Shqipërisë.

Duke falenderuar homologun e saj për pritjen, znj. Turco theksoi se interesi i përbashkët në fushën e shëndetësisë është konsolidimi edhe më tej i marrëdhënieve dypalëshe.
“Dëgjova me vëmendje reformat që keni ndërmarrë dhe hapat që keni përmbushur, mendoj se keni marrë një sistem që reformon në tërësi sistemin shëndetësor, ku përfshihen çështje që edhe sisetimi ynë shëndetësor përballet çdo ditë. Janë tema që ndihmojnë në ngritjen e një sistemi efektiv shëndetësor që ndikon jo vetëm në kurimin e sëmundjeve, por edhe në parandalimin e tyre”, vlerësoi znj. Turco, duke theksuar se bashkëpunimet e deritanishme në fushën e shëndetësisë midis dy vendeve ka dhënë fryte positive.

Ajo tha, se shkëmbimi i eksperiencave midis dy palëve është një nisëm mjaft e rëndësishme për shëndetësinë e dy vendeve.
“Unë bëj pjesë në një shtet që ka për zemër bashkëpunimin me Shqipërinë dhe zhvillimet që ajo përmbush, por kam dhe një interes personal kundrejt popullit tuaj që lind nga njohja ime e ngushtë me shumë individ të komunitetit shqiptar në Itali”, u shpreh znj. Turco, duke falenderuar përfaqësuesit e komunitetin shqiptar për kontributin e çmuar që japin në Itali.

“I uroj qeverisë shqiptare dhe instituciove të saj që të vazhdojnë me bindje në rrugën e reformave të ndërmarra për të forcuar dhe konsoliduar ligjshmërinë dhe demokratizimin e institucioneve në vend”, duke theksuar se Qeveria italiane mbështet fuqishëm refomat e qeversië shqiptare për stabilizimin dhe demokratizimin e vendit dhe impenjimin e Shqipërisë për të qënë pjesë e BE.
*
Memorandumi i Mirëkuptimit, marrëveshja e nënshkruar sot nga Qeveria Shqiptare dhe ajo Italiane, mundëson që palët kontraktuese të bashkëpunojnë në sfera prioritare si: shkëmibimi I informacioneve dhe dokumentit mbi shëndetin në sektorët me interes të përbashkët; promovimin e kontakteve mes institucioneve, spitaleve dhe organizimeve që veprojnë në fushën e shëndetësië në të dy vendet; shkëmbimin e informcionit mbi aparaturat e reja, produkete famaceutike dhe zhvillimet teknologjike në fushën e shëndetësisë dhe të shkencave mjekësore; shkëmbimin e delegacioeve dhe personelit mjeksor; promovimin e pjesëmarrjes së specialistëve në koferenca dhe takime shkencore të organizuara nga secila palë.

Bashkëpunimet e tjera me Italinë janë fokusuar edhe në: diagnostifikimin e pacientëve shqiptarë të prekur nga patologji që kërkojnë ndërhyrje të specializuara të cilat nuk mund të bëhen në Shqipëri dhe kurse profesionale për personelin mjekësor; bashkëpunimin midis QSUT-së dhe Rajonit të Lombardisë për ndihmesën e pacientëve shqiptar që nuk mund të kurohen në vendin tonë; Marrëveshjen midis Agjencisë Spiatlore “Ospedale Maggiore e Cermas dhe spitali Bilisht në Korçë; Marrëveshjen rajonale me spitalin e Pizes “ S. Chiara ” dhe QSUT-së për trajtimin e pacientëve shqipatrë atje; Bashkëpunimin me spitalin San Giovani Bosco dhe spitalin pediatrik Regina Marghrita.

Tirane, me 19 Nëntor 2007

MEMORANDUM MIRËKUPTIMI NDËRMJET MINISTRISË SË SHËNDETËSISË TË REPUBLIKËS SË SHQIPËRISË DHE MINISTRISË SË SHËNDETIT TË REPUBLIKËS SË ITALISË MBI BASHKËPUNIMIN NË FUSHËN E SHËNDETIT DHE TË SHKENCAVE MJEKËSORE

[Nerti]

do Zoti bejne dicka per shendetesine ne Shqiperi se eshte pertoke!!!