"Maniaku" shpon gomat e 20 makinave

[Altin111]

Durrës, mania e Lefter Kozit është dëmtimi i automjeteve të të tjerëve

Zbulohet maniaku i automjeteve. Është një i sëmurë psikik, i cili për shkak të shëndetit mendor nuk mund të ndalohet për shkatërrimin e pronës së tjetrit. Drejtuesit e makinave të parkuara përgjatë rrugës që lidh qendrën e qytetit me mauzoleumin e dëshmorëve nuk kanë mundur të rimarrin udhëtimin, pasi njëra nga gomat e automjetit ka qenë e shpuar. Ndryshe nga të tjerë të sëmurë mendorë që akuzohen për kryerjen e krimeve në dëm të personit, mania e Lefter Kozit është dëmtimi i automjeteve të të tjerëve. Të parkuara ndanë rrugëve dhe në trotuare ato janë kthyer në objekt shqetësimi dhe sulmi për të. Prej kohësh në Durrës ishin konstatuar makina të dëmtuara, por asnjëherë nuk ishte menduar se të gjitha rastet e veçuara të kishin një autor të vetëm. Pak kohë më parë, shërbimet e policisë ranë në gjurmët e Kozit 39-vjeçar. Shefi i Komisariatit të Durrësit tregon për gazetën se ka qenë një denoncim për dëmtim të një automjeti pranë stadiumit "Niko Dovana" të qytetit bregdetar ai që çoi në identifikimin e autorit, i cili u shoqërua, po shpejt u la i lirë vetëm me një tërheqje vëmendjeje për shkak të gjendjes shëndetësore. Dy mbrëmje më parë, në një numër të konsiderueshëm automjetesh, u vu re çarja e gomës së parë. Sinjalizimet e mbërritura nga zotëruesit e mjeteve e çuan policinë në piketimin e autorit që rezultoi të jetë i njëjti me rastin e mjetit të dëmtuar në stadium. Lefter Kozi është shoqëruar menjëherë në ambientet e komisariatit të policisë. Në polici thonë se dy mbrëmje më parë janë evidentuar mbi 20 automjete të dëmtuara prej tij. Burimi policor bënë të ditur se në bashkëpunim me Prokurorinë e Rrethit Gjyqësor Durrës po punohet për sistemimin e tij në spitalin psikiatrik për ta izoluar nga shoqëria dhe dhënë ndihmën e nevojshme mjekësore. Masë kjo që mendohet të shërbejë dhe për shmangien e ndonjë tjetër vepre penale akoma më të rëndë se ajo e shkatërrimit të pronës së tjetrit. 39-vjeçari përdorte një gozhdë të madhe për të dëmtuar gomat e para të automjeteve në shenjë proteste ndaj bllokimit të rrugëve prej tyre, po dhe si një rebelim ndaj fatit të tij.

[ReniX]

ishalla po i gjejne nje sistemim.

[PoLiGrAfIkSi]

po thyj shyqyr e ka pas me gomat se mos ja fillonte me xhomat

[daku323]

Duhet me e pyt njehere, a ben pune te tjera ky tipi se kam une nje pune per te!

[Kampioni99]

te koka i njojt si strategu manjak ha ha ha

[LAKJA]

Ky tipi duhet te kete qene dikur Gomist