Si ka lindur fjala bikini dhe pse themi bluetooth

[vaaldr1n]

A dëshironi të dini si ka lindur fjala bikini, dhe pse themi bluetooth? Libri i ri “Harvey Wallbangers And Tam O'Shanters" i Martin Hannan zbulon historitë nga të cilat kanë rezultuar fjalët dhe frazat e përditshme. Tabloidi britanik “The Sun” ka ndarë disa prej tyre.

Hooker (prostituta): Fjala rrjedh nga zona Corlears Hook në Manhattan (New York) ku kanë punuar prostitutat.

Bikini: Kostumi dypjesësh për larje e ka marrë emrin sipas atolit të Paqësorit, Bikini, në ishujt e Marshallit, i cili ka qenë vendi në të cilin janë kryer 23 teste të armëve nukleare në mes viteve 1946 dhe 1958. Kostumi për larje është prezantuar në revynë e modës katër ditë pasi që amerikanët kanë testuar bombën atomike.

Shovinist: Tani përdoret rëndom për të përshkruar dikë që ka prirje seksiste, ndërsa fillimisht ka paraqitur dikë që ka disponim të tepërt patriotik, pasi që Nicolas Chauvin, ushtari i ushtrisë franceze të Napoleon Bonapartes, ishte i njohur për besnikërinë e vet të verbër për shtetin e tij.

Amerika: Kontinenti ka marrë emrin sipas Amerigo Vespuccit, eksploruesit italian nga shekulli XV, i cili ka dëshmuar që kontinenti është shumë më i madh se sa është menduar në fillim dhe që nuk është Azia, siç ka besuar Kolumbo.

Mont Everesti: Mali më i lartë në botë e ka marrë emrin në vitin 1865 sipas topografit kryesor britanik në Indi, George Everest, i cili ka luajtur rol thelbësor në vizatimin e parë të saktë gjeografik të Indisë në hartën gjeografike.

Bajoneta: Thika në fund të pushkës emrin e ka marrë sipas qytetit francez Bayonne, ku janë bërë thikat e para të gjata.

Bluetooth: Mbreti danez Harald Bluetooth ka qenë përgjegjës për përhapjen e krishterimit në tërë Skandinavinë në shekullin X. Kur prodhuesi suedez i telefonave mobilë, Ericsson ka dashur të zgjidhte një emër i cili do të simbolizonte komunikim të mirë, u kanë hedhur një sy shënimeve historike dhe kanë zgjedhur një emër nga nënqielli i tyre.

Neandertal: Paranjeriu i shpellës e ka marrë emrin sipas fushës Neander në Gjermani, ku janë gjetur të gjitha mbetjet e këtyre njerëzve të hershëm në vitin 1856.

[Atlantis]

Gjëra shumë të vlefshme iceman!(edhe pse disa prej tyre i kam ditur)Falemnderit.