Tirana, sot 500 mijë banorë pa drita: Ja 9 zonat që preken

[Altin111]

KESH: Kufizimi, për shkak të punimeve në nënstacionin e Selitës

Tirana zhytet sot në terr. Korporata Elektroenergjetike Shqiptare paralajmëron ndërprerjen e energjisë nga ora 10:00 deri në orën 16:00 për nëntë zona të kryeqytetit. Shkaku i kufizimit të energjisë janë punimet që po bëhen në nënstacionin Dinamo që furnizon afërsisht 500 mijë banorë të Tiranës. Përveç orarit zyrtar të ndërprerjes së dritave që për Tiranën është rreth 4-5 orë, kufizimi i energjisë gjatë ditës së sotme në gjysmën e kryeqytetit do të jetë më e madhe. Korporata Elektroenergjetike Shqiptare nëpërmjet një komunikate për shtyp informon se për shkak të punimeve për zëvendësimin e përcjellësit të linjës 35KV të nënstacionit Dinamo do të mungojë energjia elektrike në disa zona të Tiranës për 6 orë. KESH nuk ka bërë me dije se këtij kufizimi do t‘i shtohet ose jo edhe orari zyrtar i ndërprerjes së energjisë elektrike, e cila në rast se ky kufizim nuk do të kompensohet me orarin zyrtar të ndërprerjeve të energjisë do të lërë Tiranën për rreth 10 orë pa drita.

Zonat pa drita

Përveç orarit zyrtar për ndërprerjen e dritave, KESH njofton se gjatë ditës së sotme do të shtohet orari i ndërprerjes së dritave. Janë nëntë zona të cilat furnizohen nga linja e nënstacionit Dinamo që do të kenë shkëputje të energjisë nga ora 10.00-16.00, përjashtuar orarin zyrtar, për të cilin KESH nuk ka bërë me dije nëse do të kompensohet ose jo me këtë ndërprerje të kushtëzuar për shkak të punimeve në nënstacionin që furnizon afërsisht 500 mijë banorë. Zonat ku do të kufizohet energjia janë bulevardi "Zogu i Parë", Rruga e Kavajës, Rruga e Durrësit, rruga "Mine Peza", rruga "Qemal Stafa", rruga "Siri Kodra", por edhe lagje në periferi të kryeqytetit si Bregu i Lumit, Babru dhe Paskuqan. Këto nëntë zona do të kenë ndërprerje të energjisë elektrike në oraret e përcaktuara nga KESH. Nuk bëhet e ditur gjithashtu se sa do të zgjasin punimet në këtë nënstacion çka do të sjell si pasojë edhe kufizimin e energjisë. Korporata Elektroenergjetike Shqiptare bën me dije se përfundimi i rikonstruksionit të plotë të nënstacionit Dinamo pritet të përmirësojë ndjeshëm cilësinë e furnizimit me energji elektrike për këto zona nëpërmjet fuqizimit të rrjetit.

Mungesa e energjisë

Nga ora 10.00 deri në orën 16.00, nëntë zona në qendër dhe periferi të Tiranës do të vuajnë mungesën e energjisë elektrike.

Koorporata Elektroenergjetike Shqiptare ka informuar vetëm pasditen e djeshme mbi këtë kufizim të papritur për shkak të punimeve për zëvendësimin e përcjellësit të linjës 35 kV, që po kryhet në kuadrin e rikonstruksionit të plotë të nënstacionit Dinamo. Gjatë kryerjes së punimeve, për arsye të sigurisë do të stakohet linja e qendrës nga ora 10:00-16:00. Ajo që vlen të theksohet se zonat më në qendër të Tiranës gjatë mesditës së sotme do të jenë të "pushtuara" nga zhurmat e gjeneratorëve.


Tabela me zonat që do të kenë kufizime


Bulevardi "Zogu i Parë"

Rruga e Kavajës

Rruga e Durrësit

Rruga "Mine Peza"

Rruga "Qemal Stafa"

Rruga "Siri Kodra"

Bregu i Lumit

Babru

Paskuqan


Mamin ku ta kesh o KESH *