Gjërat që duhet t’i dini për periudhën dimërore

[vaaldr1n]

Temperaturat e ulëta, bora, akulli, mjegulla … të gjitha janë këto probleme me të cilat ballafaqohen ngasësit këto ditë. Kemi bërë përzgjedhjen e disa pyetjeve aktuale që lidhen me dimrin, të cilave u janë përgjigjur ekspertët e kësaj lëmie.

- A mund të ngrihet akumulatori gjatë dimrit?

- Po, por vetëm nëse është në prag të harxhimit total. Në qoftë se temperatura e jashtme bie nën -11 shkallë celsius, ekziston rreziku serioz nga ngrirja e akumulatorit. Nga ana tjetër, akumulatori i mbushur dhe i rregullt mund të përballojë temperaturën madje deri nën -68 shkallë. Nëse akumulatori ngrihet, assesi nuk duhet të lidhet me mbushës para se në temperaturën e dhomës të shkrihet.

- Edhe benzina ngrihet, apo jo?

- Vetëm teoretikisht. Në fakt, në rast se temperatura bie nën -45 gradë ajo do ta ndryshojë gjendjen agregate. Pasi që situata e këtillë, së paku në hapësirat tona është joreale, shumë më të rrezikshme janë temperaturat e larta kur benzina fillon të avullohet ajo krijon një masë shumë të rrezikshme pas bashkimit me ajrin e cila shumë lehtë mund të ndizet.

- Në çfarë temperature ngrihet nafta?

- Sipas standardeve që i respektojnë prodhuesit tek ne, nafta D2 ngrihet në -15 gradë, eurodiesel në -20, ndërsa derivatet e caktuara të premium klasës vetëm në -32 shkallë celsius.

- Çfarë probleme mund të kenë ngasësit që shfrytëzojnë plin?

- Në temperatura të ulëta, motori i cili shfrytëzon plin ka probleme me startimin. Kështu së pari duhet ta nisni me benzinë, dhe kur ta arrijë temperaturën adekuate të punës mund të kalohet në plin. Te motorët modern me plin kjo ndodh automatikisht.

- Çfarë ndodh me metanin gjatë dimrit?

- Gazi natyror i kompresuar apo metani, është dukshëm më i përshtatshëm në temperatura të ulëta sesa plini pasi që motori i cili e shfryrëzon dukshëm më shpejt kalon në benzinë dhe nga benzina në karburantin alternativ sesa kur është rasti me plinin. Kjo është e mirë pasi që vetura me metan zakonisht e kanë rezervuarin shumë të vogël për benzinë.

- Kam katalizator. Pse me rastin e temperaturave të ulëta nga “auspuhi” më del tym i bardhë?

- Mos u brengosni, nuk ka vend për panik. Edhe pse tymi i dendur dhe i bardhë zakonisht do të thotë se ke problem serioz në motor, megjithatë, me rastin e temperaturave të ulëta nuk e shkakton prishja por lagështia e kondensuar në sistemin për hedhjen jashtë të gazrave.

- Deri në cilat temperatura mund të përballojë antifrizi?

- Prodhuesit e automobilave potencojnë specifika të ndryshme. Disa pohojnë se ai duhet të përballojë deri nën -25 shkallë. Megjithatë, duhet të kihet kujdes se antifrizi nuk shërben vetëm për mbrojtjen e ftohësit në temperatura të ulëta, por edhe nga korrozioni, ndërsa edhe e rrit temperaturën e vlimit, kështu që është mirë të kontrolloni së paku dy herë në vit.

- Pse harxhimi i karburantit është aq i lartë pas startimit të motorit?

- Shumë faktorë ndikojnë në harxhimin e rritur të karburantit. Varësisht nga temperatura, elektronika e motorit kërkon edhe masën më të pasur apo më të dobët të karburantit në mënyrë që katalizatori sa më parë të arrijë temperaturën e punës. Më tutje, karburanti i cili lëshohet nëpër muret e ftohta të cilindrave nuk digjet deri në fund, dhe mbi të gjitha, fërkimi i brendshëm i motorit të pangrohur është më i madh.

- A është të munduarit e gjatë të motorit për t’u ndezur e rrezikshme?

- Nëse motori nuk ndizet pas pesë sekondave bëni një pauzë prej 30 sekonda, pasi që pas kësaj periudhe harxhimi i pajisjes startuese (anlaserit) rritet në mënyrë drastike. Keni parasysh që pas tentimeve të kota të ndezjes së makinës motori mund të “mbushet me ajër” dhe pastaj karburanti mund të arrijë “papritur” deri te katalizatori dhe e dëmton.

- Me çka motori mbrohet nga akulli?

- Në kuadër të motori, më saktë pjesës nëpër të cilën kalon lëngu ftohës gjendet ventili sigurues kundër ftohjes. Në rast se lëngu ngrihet, roli i tij është që të mundësojë qarkullimin e akullit dhe zgjerimin (shkrirjen) e tij duke parandaluar mundësinë e shkatërrimit të motorit.

- A duhet gjatë dimrit të përdoret pajisja e klimës?

- Gjithsesi. Klima ndihmon në rastin e mjegullimit të xhamave, ndërsa jetëgjatësia e klimës është më e shkurtë nëse nuk përdoret për një periudhë të gjatë. Keni kujdes që ta shfrytëzoni kur temperatura është më e vogël se minus pesë gradë.

- Pse është e rrezikshme të drejtohet automobili me jakne të trashë në trup?

- Kjo pyetje për shumicën tingëllon qesharake dhe pakuptim. Megjithatë përveç që në jaknën e trashë do të djersiteni dhe kështu përqendrimin do ta keni më të ulët, ajo parandalon edhe vendosjen e rripit në mënyrë të drejtë kështu që nuk jeni sipas rregullave të mbrojtur në rast të aksidentit, dhe përpos këtyre rripi mbi jakne të trashë dukshëm i kufizon edhe lëvizjet.

- Çka duhet të keni gjatë dimrit në automobil?

- Pajisjet e domosdoshme janë mjeti për largimin e akullit dhe lecka për fshirjen e xhamave. Është mirë të keni edhe llambën, batanije, doreza dhe kabllot për ndezjen e makinës varësisht nga ajo se për ku jeni drejtuar dhe në cilën kohë.

- Si t’i mbroni bravat e dyerve?

- Në ofertë janë numri i madh i produkteve të bazuara në glicerinë. Pas secilës larje të automobilit bravat duhet t’i thani mirë dhe përsëri të vendosni produktin adekuat.

Burimi