Shenjat e sëmundjes së rëndë në mushkëri

[vaaldr1n]

TIRANE- Sipas shefes së shërbimit të dytë të pneumologjisë në spitalin e Sanatoriumit dhe specialisten e shëndetit ambiental Silvana Bala kolla është shenja e parë e prekjes së rrugëve respiratore. "Nëse një pacient ka pasur një sëmundje ose vuan nga një sëmundje respiratore dhe karakteri i kollës, sasia e sputimit, shoqërimi me gjak apo prezenca e gjakut në sputumin e tij duhet patjetër ta alarmojë pacientin për të bërë ekzaminime sa më të thella për të vendosur diagnozën e
hershme të sëmundjes", - shprehet mjekja.

Për sa i përket grupeve më të rrezikuara Bala shpjegon se popullata më e rriskuar janë duhanpirësit. "Popullata që konsumon duhan në sasi të mëdha, që kanë kohë që e kanë konsumuar janë më të rrezikuarit.

Pra faktori kohë dhe sasi ka shumë rëndësi, por dhe i cilësisë të përdorimit të duhanit. Një person që ka konsumuar për një kohë shumë të gjatë një cigare të dredhur ka një rrezik më të madh. Të rriskuar janë edhe punonjësit e industrisë kimike
të cilët kanë agjentë që prishin ADN e qelizës epiteliale të mukozës bronkiale, ndotjet e pakontrolluara. Megjithatë, sot flitet me të madhe dhe theksohet që një nga origjinat më të mundshme janë edhe origjina gjenetike,- përfundon specialistja.

Burimi:

Balkanweb

[ema love]

per semundjet e mushkerive vendimtatre per diagnozen mbetet mjellja e peshtymes dhe lloji i frrymemarrjes se pacientit ,jane semundje qe perparojne shume shpejt dhe te veshtira per tu trajtuar sepse bashke me to sjellin probleme kardiake ,prandaj dhe kujdes nga fibrat e asbestit sepsejane kanceroze flm