Arrestohet babai, përdhunoi të bijën 15-vjeçare

[Altin111]

Gramsh

Rasti më i fundit i incestit është regjistruar në një fshat të Gramshit. Ngjarja e rëndë është shënuar në një fshat të largët të këtij rrethi, kufi me rajonin e Poliçanit. Një 42-vjeçar, ka kryer marrëdhënie seksuale me dhunë me të bijën e tij minorene. Sipas burimeve zyrtare të Komisariatit të Policisë së Gramshit bëhet e ditur se, është arrestuar 42-vjeçari, Ferit Jaupi, nga fshati Gjërë i Komunës së Poroçanit. I njëjti burim konfirmon se ndalimi i tij është bërë pasi është dokumentuar me prova të patjetërsueshme që ai ka kryer marrëdhënie me dhunë në gjini, me vajzën e tij, A.Jaupi, vetëm 15 vjeçe.

Mësohet se ngjarja e turpshme kishte ndodhur më 14 shtator të vitit të kaluar, por që ishte mbajtur sekret nga e bija e dhunuar si edhe nga e ëma, për shkak të opinionit publik. Burime jo zyrtare bëjnë të ditur se ka qenë e ëma e vajzës ajo që ka bindur të bijën ta denonconte këtë akt të turpshëm që kishte kryer bashkëshorti i saj. Madje, i njëjti burim saktëson se denoncimi është bërë i përbashkët nëna me të bijën, më datë 15 të këtij muaji, nga ku organet policore kanë nisur hetimet.

Sipas ekspertit mjeko-ligjor, është provuar se është kryer akti seksual i dhunshëm ndaj minorenes. Pas hetimeve plotësuese, Jaupi është arrestuar rreth orës 23:30 minuta të dy ditëve më parë në banesën e tij dhe dy orë më pas është marrë masa e arrestit me burg ma afat ndaj 42-vjeçarit. Ndaj këtij të fundit rëndon akuza e veprës penale "marrëdhënie seksuale me dhunë me persona në gjini ose kujdestari", gjykimi i të cilit përfshin dy nene të Kodit Penal. Ky është rasti i parë që në Gramsh regjistrohet një ngjarje e tillë, ndërkohë që tërë fshati ka kërkuar dënimin maksimal të Jaupit dhe dëbimin e tij nga fshati, edhe pas kryerjes së dënimit.

[kuklla]

c'behet keshtu, u prish bota.

[ReniX]

ku e con mendja kete, ky nuk ka as preardhe nga italianet

[Altin111]

Babai monster : Si e perdhunova time bije




Vajza rrëfen në polici se i ati ishte rikthyer pas lindjes së fëmijës, fryt i dhunimit, këtë herë me prezervativ

Vajza:Babai më ngacmonte dhe pas lindjes

Historia e plotë e 14-vjeçares dhe 2 vjetët e tmerrit nga babai pervers. Nënës i thamë që më kishin përdhunuar

ELBASAN-Kur nuk kishin kaluar shumë kohë nga lindja e një fëmije si pasojë e dhunës seksuale nga babai pervers, 16-vjeçarja është përballur sërish me ngacmimet seksuale. Ka qenë pikërisht denoncimi i saj, që më pas çoi në pranga Ferit Jaupin. Nuk ishte mjaftuar me përdhunimin dhe me marrëdhëniet që ishin përsëritur para ardhjes në jetë të fëmijës, por këtë herë 42-vjeçari kishte mësuar se ekzistonin dhe metoda kontraceptive që do ta lejonin të vazhdonte marrëdhëniet me të bijën. Kur i ka kërkuar sërish t'i nënshtrohet dëshirës së tij, ai i ka treguar një prezervativ duke i thënë se e kishte zgjidhur problemin. Vajza që deri tani nuk kishte hapur gojën nga turpi dhe nga frika e të atit, kishte vendosur të mos nënshtrohej më. Gjen rastin për të folur me të ëmën, e cila e dinte për shtatzëninë dhe lindjen, por jo nga bashkëshorti i saj, dhe i tregon gjithçka. Nëna që deri atëherë ishte fshehur nga opinioni i një përdhunimi në pyll të vajzës së saj ka vendosur të shkojë në polici me vajzën, për t'i dhënë fund perversitetit të së shoqit.

Alibia e përdhunimit

Ferit Jaupi ka pranuar para hetuesve se ka përdhunuar vajzën e tij dhe ka fshehur gjithashtu shtatzëninë, duke e justifikuar me një përdhunim që vajzës i kishte ndodhur në një pyll afër shtëpisë nga një djalë i panjohur. A. Jaupi në moshën 14-vjeç e ka fshehur gjithçka i kishte ndodhur dhe madje i është nënshtruar edhe kërkesës së vazhdueshme të babait të saj për të kryer marrëdhënie seksuale, deri në ardhjen në jetë të një fëmije, fryt i përdhunimit. Edhe për shtatzëninë në familje ishte gjetur një justifikim. Bashkëshortes, ai i kishte thënë se vajza ishte përdhunuar, teksa shkonte me bagëti në pyll nga një djalë, por që do ta mbanin të fshehur, pasi do të bëhej turpi i fshatit. Kjo ka mjaftuar që nëna të ndihmonte për fshehjen e shtatzënisë së vajzës së mitur deri në lindjen në Maternitetin e Elbasanit. Historia e përdhunimit në pyll do të përdoret edhe për personelin mjekësor dhe vajza e mitur lind me operacion një foshnje të seksit femër. Gjatë gjithë kohës ajo kishte heshtur dhe i vetmi që kishte qenë i pranishëm me të kishte qenë babai i saj.

Denoncimi

Një familje që jetonte në kufijtë e varfërisë totale, me të ardhura nga rritja e bagëtive do të kthehej në një bumerang që fsheh një perversitet nga më primitivët. Babai i 6 fëmijëve ka abuzuar seksualisht me vajzën e madhe në moshën 14-vjeçare dhe nga ky abuzim kishte lindur edhe një fëmijë. Vera, nëna e vajzës nuk do ta besonte kurrë se ishte pikërisht bashkëshorti i saj përdhunuesi misterioz i vajzës dhe babai i fëmijës, që ajo kishte pasur nga ky përdhunim. Ajo nuk do ta kishte mësuar këtë histori, nëse vajza nuk do të ishte rrëfyer për gjithçka i kishte ndodhur, pasi babai ka vazhduar me abuzimet. Rrëfimi i vajzës nuk ka ardhur shtatorin e vitit 2006, kur kishte ndodhur përdhunimi dhe kishin vazhduar ngacmimet seksuale të babait të saj, as në momentin kur nga kjo marrëdhënie lindi një fëmijë, por kur babai manjak kishte vendosur të rikthehej këtë herë me ndihmën edhe të një prezervativi. Kur kanë rifilluar ngacmimet dhe kërkesat e babait për të kryer sërish marrëdhënie seksuale, atëherë vajza ka vendosur t'i tregojë gjithçka nënës. Sapo ka mësuar të vërtetën ka vendosur bashkë me vajzën të shkojë në polici. Vajza e mitur është shprehur në dëshminë e saj se fëmijën e kishin braktisur dhe madje kujtonte se kishte firmosur një letër e detyruar nga i ati. Në moshë të mitur ajo ka kërkuar nga policia të mësojë edhe se ku ndodhej fëmija i saj. Dashuria e një nëne bënte tek ajo efektin e vet edhe pse kishte ardhur nga një tmerr që nuk donte ta kujtonte. Vajza nuk është kërcënuar në armë që të heshtë dhe të veprojë ashtu si i ka thënë i ati. Policia ka marrë dëshmitë e dy femrave dhe ka verifikuar lindjen në Maternitetin e Elbasanit. Po kështu janë verifikuar fakte e data të deklaruara nga dy femrat. Vetëm pas këtyre procedurave është vendosur ndalimi i menjëhershëm i 42-vjeçarit, Ferit Jaupi. Vajzës së mitur dhe të dhunuar i është ofruar edhe ndihma e shoqatave dhe e e psikologëve, por nëna e saj ka deklaruar se për momentin do ta mbajë në shtëpi dhe më pas ndoshta do të mendohet se çfarë do të bëhet me vajzën tashmë 16-vjeç.

[Altin111]

Apeli i familjes: Të dënohet me vdekje

Gramsh, në familjen e 42-vjeçarit që përdhunoi të bijën. Flasin të afërmit: Shteti të ndihmojë të miturën

E ëma dhe të afërmit e Ferit Jaupit e kanë shumë të vështirë ta besojnë atë që ka ndodhur. Nëna e tij, Lija, ndien dhimbje për dramën që i ka ndodhur mbesës së saj 15-vjeçare, ndërsa nuk i intereson aspak ajo që mund të ndodhë me djalin e saj, Feritin. Nuk i kanë paguar as avokat, madje kanë vendosur ta braktisin atë. Dhunën seksuale të ushtruar ndaj të bijës, e moshuara e quan të pafalshme dhe kërkon dënimin kapital për të. Vetëm pak ditë më parë policia e Gramshit vuri në pranga 42-vjeçarin e akuzuar për përdhunim të vajzës, me të cilën kishte sjellë në jetë edhe një fëmijë. Për të ëmën e Feritit dhe vëllain e tij, ajo që ka ndodhur është më shumë sesa një tragjedi.

Babai i Feritit ka vdekur para një viti. E ëma që prej 17 vjetësh ka zbritur nga fshati Poroçan dhe jeton në fshatin Mashaj që është më afër qytetit të Gramshit. Lija, e ëma ka lindur dhe rritur tetë fëmijë. Të gjithë të martuar dhe me shtëpi më vete. Jeton me të voglin, që ka ardhur direkt sapo është njoftuar për turpin që ka bërë i vëllai i tij. Në familje ka rënë hija e vdekjes për së gjalli. Askush nuk hyn e pakkush prej tyre dalin nga shtëpia. Të gjithë shprehen se po përjetojnë një vdekje për së gjalli. Lije Jaupi, e ëma e ka të vështirë të flasë për atë që i ka ndodhur. "Ç‘të them! Turpi më ka zënë për së gjalli dhe në këtë moshë që i kam kaluar të shtatëdhjetat. Kam rritur tetë fëmijë, por nuk e kam besuar se kam rritur një kafshë dhe jo njeri. Mos të na e kthejnë gjallë! Nuk ka më vend për të as në familje dhe as në fshat. Ku është pa e dëgjuar që baba të bëjë këtë turp më gocën e vet?! Nuk duam ta dimë se ku e kanë dërguar e nuk duam ta dimë se çfarë ligji e kap. Ka dënim me vdekje? Le ta zbatojnë se për atë çfarë t‘i bësh është pak. Na ka nxi faqen në sy të fshatit dhe nuk dalim më te dera e shtëpisë. Do ishim më të qetë, për atë Zot, sikur të na kishte vdekur. E dija se do ta qaja e do të ngushëllohesha me shtatë të tjerët e gjithë nipërit e mbesat e mia. Po, kështu është më mirë të mos jetojmë as ne", thotë Lija. Edhe Xhavit Çekrezi, daja i tij ishte i tronditur nga ngjarja. "Nuk ka më turp. Njolla që më bëri im nip nuk do të na hiqet brez pas brezi. As nuk duam ta dimë se çfarë bëhet për të, por ende nuk jemi të qartë se a janë të vërteta ato që janë thënë apo jo. Sidoqoftë, i besojmë. Nuk flitet që nipi im të kthehet, por më vjen keq për fëmijët e tij dhe aq më tepër për vajzën që vuajti këtë mënyrë. A ka ligj me vdekje në këtë shtet?" - pyet ai. "As nuk do të interesohemi për të dhe as nuk bëhet fjalë për avokat. Natyrisht që do të interesohemi për fëmijët e tij se janë nipërit dhe mbesat e mia. Të paktën të mos mbeten pa bukë. Na ka lënë me kokën përdhe e turpin nuk e përcjellim dot", ka pohuar vëllai i tij, Adriani.



Ndihma


Xhaxhai i vajzës së përdhunuar: Shteti të ndihmojë të miturën


Adrian Jaupi, vëllai i të arrestuarit, ka kërkuar dhe ndihmë nga shteti, pasi familja e Feritit është tejet e varfër dhe në gjendje shumë të vështirë ekonomike.

"Kam vetëm një kërkesë. Shteti t‘i ndihmojë sadopak pjesëtarët e kësaj familjeje të mbetur në pikë të hallit. Ata nuk kanë asnjë të ardhur dhe duhet t‘u vihet në ndihmë, sidomos tani që vëllai im është arrestuar dhe asnjë prej tyre nuk punon", ka thënë Adriani. Sipas tij, i duhet dhënë ndihmë edhe mbesës, e cila është në gjendje tejet të traumatizuar. "Shteti të mendojë për vajzën e përdhunuar që po çmendet në shtëpi. Ndoshta ajo ka nevojë të dërgohet në ndonjë qendër rehabilitimi që të mos shtrohet në ndonjë spital psikiatrik. Sa për vëllain le të mos kthehet kurrë e ligji të veprojë pa mëshirë për të", ka përfunduar ai.

Pas arrestimit, familja Jaupi e ngujuar nga skamja dhe turpi


E pamundur të udhëtoje drejt fshatit që e përjeton këtë ngjarje i turpëruar. Vendosur mes malesh, Gjera, një fshat shumë larg qendrës së Komunës së Poroçanit, veç izolimit nga dëbora, tashmë duhet të vuajë edhe një "izolim" moral për turpin e bashkëfshatarit të tyre. Në Gramsh, pakkush mund të dijë se si dhe nga mund të shkohet gjer në Gjerë. Madje, as kryetari i Komunës së Poroçanit, Mefail Kllogjëri, nuk jep rrugëzgjidhjen e udhëtimit. Ai vetë, vetëm një herë ka shkuar në këtë fshat të largët, për fushatën elektorale. Ndërsa ngjarja ka marrë "dhenë", brenda Komisariatit të Policisë së Gramshit, ruhen ende detaje të papublikuara që të mos barroset më familja Jaupi sikurse vetë familjarët, me kokën ulur, flasin shumë pak pa pranuar as kamera televizioni e as aparat fotografik.

Mësohet se bashkëshortja bashkë me pesë fëmijët e saj, është ngujuar brenda katër mureve të shtëpisë për të mos dalë prej andej nga pesha e turpit të të shoqit të saj dhe tërë familjes. Tani Verës i duhet të rrisë e vetme pesë fëmijët e saj, por të merret edhe me vajzën 15-vjeçare, e cila tashmë është shumë e traumatizuar dhe në një gjendje tejet të dëshpëruar.

Fëmijët dhe e zonja e shtëpisë, po kalojnë tri ditë pa bukë, pasi skamja, më tepër se në çdo shtëpi tjetër të fshatit, është ulur këmbëkryq te gjashtë pjesëtarët e kësaj familjeje. Më e madhja vajza e viktimizuar, katër të tjerët vijnë në vit e në vit më poshtë moshës së saj. Më i vogli vetëm gjashtë vjeç, ende pa hyrë në klasë të parë. Jetonin me rrogën e Feritit si druvar, tashmë, gruaja, Vera dhe vajza e traumatizuar duhet të mbajnë peshën e familjes vetëm 1500 lekë ndihmë nga komuna dhe gjashtë krerë bagëti që kanë në kasolle. Asnjë prej anëtarëve të kësaj familjeje të gjorë nuk mund të dalë që të nxjerrë ndonjë të ardhur për të mbajtur frymën gjallë.

Ndërsa kryefamiljari që kreu aktin makabër dje është dërguar për në Burgun e Peqinit, foshnja që mban numrin 26, koincidencë kjo edhe me datën që u arrestua i ati, mësohet nga policia lokale se është dërguar në një shtëpi jetimësh në qytetin e Durrësit.


Masa e sigurisë në Gjykatën e qytetit të Gramshit


Mbetet në burg babai që përdhunoi të bijën


Ferit Jaupi ka dalë dje përpara togave të zeza në qytetin e Gramshit. Trupi gjykues e ka lënë atë në masën e sigurisë burg pa afat, edhe pse ai është treguar tejet i penduar për veprimin që kishte bërë. Madje, dy ditë më parë, ai kishte deklaruar se i vinte turp për veprimin që kishte kryer dhe donte që ta varnin në litar. Më pas ai u dërgua në Burgun e Peqinit. Arrestimi i 42-vjeçarit erdhi pas denoncimit të 15-vjeçares dhe nënës së saj, pasi e mitura kishte sjellë në jetë një foshnjë, pjellë e përdhunimit të babait të saj.

Koha e seancës së pyetjeve ka zgjatur më tepër se në çdo rast tjetër në policinë e Gramshit. Mësohet se ka qenë i vëllai i Feritit, ai që ka lajmëruar policinë e këtij rrethi për aktin që kishte kryer i vëllai me vajzën e vet. Ka qenë ora 21:00 e 26 nëntorit ajo që ka sjellë Ferit Jaupin ose Elezin siç e ka jashtë emërtimit të zyrës së gjendjes civile. Para se i vëllai të merrte guximin të denonconte vëllain monstër, kanë qenë gruaja dhe e bija ato që kanë bërë me dije te kunati apo xhaxhai i vajzës aktet e turpit pas gjëmës që kishte ndodhur.

"Tentonte të kryente sërish marrëdhënie seksuale edhe pas lindjes, duke më ndjekur nga dhoma në dhomë dhe nga ky shkak vendosëm më nënën t‘i tregonim xhaxhait", mësohet të ketë deponuar vajza në polici. Kjo e fundit do ta arrestonte fillimisht si i akuzuar për vjedhje në një firmë private ku punonte si druvar në mal dhe porsa i është bërë pyetja e parë, 42-vjeçari ka pranuar në çast. "Më vrisni se kam bërë një krim të madh", ka pohuar ai para se të niste procedurat e pyetjeve. Para tij janë sjellë me urgjencë edhe gruaja, edhe vajza e dhunuar.

Dialogu mes tyre ka qenë tepër rrënqethës. "Më fal moj bijë se unë e bëra turpin", i ka thënë i ati vajzës që lindi me të vajzë, ndërsa gruaja i është kthyer "Ti nuk ke lënë grua në fshat, apo nuk të dolën ato dhe unë që iu ktheve tët bije" dhe është matur ta gjuajë. Mësohet se personazhi i kësaj ngjarjeje ishte përdorues alkooli dhe kur kalonte masën e pijes, rrihte të gjithë pjesëtarët e familjes. Në shtëpi vinte jo më tepër se dy herë në muaj dhe ditën e 14 shtatorit të vitit të kaluar kishte kryer aktin seksual me vajzën, në dhomën e gjumit të banesës së tij, kur nuk ishte gruaja në shtëpi. Sakaq, aktet e tij ishin përsëritur edhe pas lindjes së saj duke i thënë vajzës së tij se tashmë nuk do të ngelej më shtatzënë se po përdorte prezervativë!

[anna]

nje veprim i tille i kryer nga ky baba meriton te vdese se sa te rroje me . asnje falje nuk pranohet nga ai . ky njeri ti kish vene gishtin kokes me pare. nuk mendoj se alkooli ka te beje ne veprimin e tij. njoh persona te cilet jane te alkoolizuar ne max por nuk kane abuzuar kurre me femijet e tyre. ky njeri ka pasur nje problem mendor sepse nuk ka mundesi. sado te alkoolizuar te jete njeriu prap eshte i vetedijshem sado pak mbi te gjitha kur prek femijen tend qofte djale apo vajze. ajo vajze ka pasur kurajo dhe ka duruar te atin. te isha ne vend te saj nese im ate do te me jepte vetem thjeshte nje ngacmim ose veprim pervers do ta vrisja me duart e mija dhe do te vendosja vete ligjin. me falni se e zgjata shume .

[daku323]

Boooooom!