HOROSKOPI i Pranverës !!

**labja** · 16-03-2012, 09:58 PM

Si do ta përballojë stinën e pranverës shenja juaj zodiakale? Gjithçka për Horoskopin pranveror ...

DASHI

Entuziastë dhe të paduruar. Të lindurit e kësaj shenje të njohur të zjarrit, do t’i përshtaten shumë mirë kësaj stine, e cila përkon edhe me lindjen e tyre. Ajo do të jetë e mbushur për ta, me plot udhëtime ku do njohin njerëz të rinj. Më të përshtatshmit për ta? Shigjetarët.

DEMI

Të qetë për nga natyra, të lindurit e kësaj shenje duhet të aplikojnë këtë pranverë shëtitjet reflektuese, si edhe të shijojnë dashurinë nëpër parqe. U këshillohen ndoshta edhe disa ekskursione në fshat, apo dalje për një darkë familjare, të shoqëruar me ushqim të mirë.

BINJAKËT

Kuriozë dhe imagjinativë, të lindurit e kësaj shenje janë gjithmonë në nevojë për stimuj të rinj. Edhe pse natyra duket se i shqetëson, duhet ta shijojnë sa më shumë këtë pranverë. Këshilla kryesore: Të marrin pjesë në festivale apo aktivitete të ndryshme letrare ose kulturore.

GAFORRJA

Bashkë me shtëpinë dhe familjen, të lindurit e kësaj shenje do të kenë prioritet të tyre gjatë kësaj pranvere, të qenit në një humor të mirë, si edhe të marrin pjesë në disa udhëtime me miqtë e tyre. Shpenzoni edhe disa orë në vetmi, për t'u çlodhur në shtëpi, ndoshta edhe me të afërmit e partnerët.

LUANI

Në përgjithësi, të ndarë midis konservatorizmit dhe të qenit të shoqërueshëm, të lindurit e kësaj shenje do ta trajtojnë këtë stine me shumë dashuri. Plot ide, entuziazëm dhe vitalitet, ata do të jenë të mbarsur edhe me shumë fat gjatë kësaj pranvere.

VIRGJËRESHA

Të përpiktë, të kujdesshëm dhe shpesh të frikësuar nga nxehtësia, të lindurit e kësaj shenje duket se i tremben pranverës dhe i frikësohen disi argëtimit dhe miqve. Ata preferojnë më shumë shëtitjet në pyje dhe natyrën që u relakson sistemin nervor. Kujdes, do të keni shumë strese pune.

PESHORJA

Shumë të shoqërueshëm dhe të gjallë, të lindurit e kësaj shenje do ballafaqohen këtë pranverë me optimizmin e zakonshëm që i karakterizon si edhe me një ndjenjë të fortë estetike. Gjithçka e bukur ka për të qenë për ta në këtë stinë....

AKREPI

Ekstremistë, të rezervuar dhe të vetmuar, të lindurit e kësaj shenje do kryejnë biseda të thella dhe të pazakonshme. Ata do t’i shohin si diçka të rrezikshme gjërat e reja që do t’u ndodhin këtë pranverë. Por nuk duhet të jenë të tillë. Pasi gjërat e reja, në këtë stinë, do t’u mbërrijnë për mirë.

SHIGJETARI

Shumë entuziastë dhe aventureskë, të lindurit e kësaj shenje e presin me gëzim ardhjen e pranverës. Megjithatë, duhet të jeni të kujdesshëm me lëndimet në kokë dhe tru të cilat mund t’u shkaktojnë probleme dhe madje aksidente. Ne po ju paralajmërojmë... Kini shumë kujdes këtë pranverë!
BRICJAPI

Të paepur dhe pak të dyshimtë, të lindurit e kësaj shenje i përkasin llojit të njerëzve për të cilët thuhet "Detyra e para dhe pastaj kënaqësia". Në të vërtetë, edhe këtë pranverë, si në çdo pjesë tjetër të vitit, ata do mendojnë më shumë që të mbajnë premtimet e tyre dhe angazhimet. Do çlirohen një herë nga puna dhe pastaj do t’i përkushtohen argëtimit.

UJORI

Për pranverën, të lindurit e kësaj shenje, do të ndihen të çuditshëm. Kjo edhe në lidhje me stimujt dhe interesat kulturore që ata kanë. Ujori nuk do mund ta durojë këtë pranverë monotoninë dhe do kërkojë raporte të reja afeksionale. Le t’i vazhdojë ato, se do të jenë të mbara.

PESHQIT

Shumë të ndjeshëm, sensualë dhe melankolikë, të lindurit e kësaj shenje, si gjatë gjithë vitit, edhe në pranverë do të jenë duke kërkuar poezi dhe romancë në çdo vend. Qetësi dhe natyrë magjike. Të gjitha kanë për t’i gjetur ...

**olsii** · 16-03-2012, 10:02 PM

BINJAKËT

Kuriozë dhe imagjinativë, të lindurit e kësaj shenje janë gjithmonë në nevojë për stimuj të rinj. Edhe pse natyra duket se i shqetëson, duhet ta shijojnë sa më shumë këtë pranverë. Këshilla kryesore: Të marrin pjesë në festivale apo aktivitete të ndryshme letrare ose kulturore.

,
Kot me duket, sme pelqen