Perse duhet te qeshim 25 minuta ne dite

**olsii** · 13-04-2012, 11:40 AM

Charles Baudelaire, thoshte se “buzëqeshja shpreh gëzimin e rritjes”. E qeshura, gjithmonë ajo e shëndetshmja, të çliron dhe nuk është ilaç vetëm për shpirtin, por edhe për organizmin. Para 50 vjetësh qeshnim 15 minuta në ditë, ndërsa sot koha është reduktuar në 5 minuta. Lidhur me këtë fenomen ekspertët e mjekësisë psikosomatike nuk kanë dyshime: doza ditore e humorit të mirë duhet të jetë së paku gjysmë ore në ditë. Avantazhet? Ulet niveli i stresit dhe përmirësohet gjumi. Po ashtu zemra, mëlçia dhe mushkëritë punojnë më mirë kur argëtohemi. Të mos flasim pastaj për shpirtin. Sipas disa studiuesve, frekuentimi i kurseve që flasin për rëndësinë e të qeshurit është i vlefshëm dhe duhet parë si një mjet për të përmirësuar shoqërinë.

Për të mësuar sesi të nxirrni anën gazmore të karakterit mund të shkoni në kursin “Laughter yoga” (Joga e qeshjes), praktikë që kombinon të qeshurën e pakushtëzuar me frymëmarrjen e thellë. Praktika në fjalë është ideuar nga një doktor indian, që në vitin 1995 hapi klubin e parë “Laughter yoga”. “Sot këto lloj klubesh numërojnë miliona përkrahës në 75 vende të botës”, thotë Laura Toffolo, ambasadore dhe themeluese e shoqatës kombëtare “Laughter yoga”. “Është më e lehtë të qeshësh në grup, sepse kombinohen kontakti pamor dhe lumturia tipike e fëmijërisë”, shton ajo. Seancat (që janë gjithmonë falas) fillojnë me teknika të këndshme nxehjeje: streçing, këngë dhe rrahje ritmike të duarve (duke kënduar ho-ho-ho, ha-ha-ha). “E gjitha kjo të ndihmon të largosh turpin dhe të zhvillosh ndjenja pozitive. Më pas vijnë ushtrimet e frymëmarrjes së thellë që i përgatisin mushkëritë me të qeshurën duke shqiptuar fjalë si “fal”, “harroj”, “jeto dhe lëri të tjerët të jetojnë”. Pasi i kalon bllokimet, turpin, e lë veten të lirë, për shembull qesh me shpirt me krahët e ngritura drejt qiellit dhe kokën e përkulur pas. Pas përfundimit të kursit duart bashkohen dhe përshëndetet sipas traditës indiane”, saktëson Toffolo. Mësimi mbaron me meditimin. Pjesëmarrësit janë të shtrirë ose të ulur dhe lënë që energjia pozitive t’u përshkojë trupin si një lumë në përmbytje. “Është një eksperiencë e fuqishme”, thotë një antropologe parisiene. “Shpesh kjo lloj praktike sjell një mirësi emocionale që mund të zgjasë për ditë të tëra. Përveç kurseve, kam ndjekur edhe seminare, mbledhje pune dhe ngjarje që më kanë mësuar ta marr jetën pa stres dhe të rikërkoj energjitë e humbura”.

“Është e sigurt se e qeshura nuk do të na groposë, por do të na shpëtojë jetën, madje kjo është vërtetuar edhe shkencërisht. Njerëzit pozitivë kanë më shumë aftësi për të qenë të suksesshëm si në jetën profesionale ashtu edhe atë sentimentale. E qeshura forcon sistemin imunitar (duke prodhuar imunoglobulinën A), rrit sasinë e adrenalinës, dopaminës (hormoni i kënaqësisë, neurotransmetuesi që na lejon të jemi më energjik, eksplorues dhe të zgjedhim përgjigjet pozitive). Përveç këtyre e qeshura aktivizon një mekanizëm që çliron endorfinën dhe encefalinën (substancat tona natyrore)”, thotë një studiues tjetër.

Në vend të vështirësive duhet të shikojmë mundësitë që na ofron jeta, ta përmirësojnë veten dhe mënyrën e të jetuarit me gjeste të vogla. Pra, nëse doni që të jeni të shëndetshëm, vishni “uniformën” e humorit të mirë. E qeshura është ngjitëse, ashtu si edhe melankolia. Përse të mos e shndërroni një ditë në muaj, për shembull të hënën e parë të muajit, në një ditë të mirë? Të gjithë mund t’ia dalim. Dhe jo vetëm kaq. Mund ta gëzojmë veten dhe t’u japim të tjerëve lajme të mira, të paktën për 24 orë.

Rregullat

Rigjetja e energjisë
Të jesh pjesë e një iniciative të tillë është të mos paguash asgjë. Fjala e duhur është falas. Qëllimi kryesor i klubit është të mësosh të qeshësh jo vetëm natyrshëm, por edhe në mënyrë stimuluese, sepse dobitë janë të njëjtat me një të qeshur spontane. Duke qeshur “karikoni bateritë”.

Ushtrimet
Ideja ka lindur nga një mjek indian që quhet Madan Kataria. E shpiku këtë filozofi në vitin 1995. Nisi me 5 përkrahës, ndërkohë që sot janë miliona në 75 vende të botës. Çdo vit, prej 1998-s, festohet dita botërore e të qeshurës, që është e diela e parë e majit.

Çlirimi, këndimi, motoja
Për të arritur rezultatin e dëshiruar, pra të qeshësh, fillohet me nxehje: streçing, këngë, rrahje ritmike të duarve (duke kënduar ho-ho-ho, ha-ha-ha). Më pas vijnë ushtrimet e frymëmarrjes së thellë që i përgatisin mushkëritë për të qeshurën duke shqiptuar fjalë të ndryshme.

Nxitja dhe 10 llojet e qeshjes
Nëpër kurse mësohen 10 llojet e së qeshurës. Ato nxiten duke bërë diçka të pazakontë. Për shembull, duke imituar zilen e celularit normale që do të qeshësh, apo të imagjinosh sikur je ari, luan, apo ndonjë kafshë tjetër.

Me sytë mbyllur, medito dhe lëre veten të lirë
Pas çlodhjes, siç ndodh në jogën tradicionale, shtrihesh në tokë me sytë e mbyllur dhe e lë veten të lirë. Nëse të vjen për të qeshur dhe e lëshon, kjo do të thotë se mësimi ka pasur efekt. Ky është meditim dhe pjesa e fundit e ushtrimit

**erinda** · 13-04-2012, 11:45 AM

Po une qe qesh tere diten si i behet?

hahahahahahhaa

**olsii** · 13-04-2012, 11:48 AM

Mesazhi origjinal i postuar nga erinda

Po une qe qesh tere diten si i behet?

hahahahahahhaa

C'ma more pergjigjen

mendjen time lexove ti.

mos je gje fallxhore ti?

**erinda** · 13-04-2012, 11:50 AM

Mesazhi origjinal i postuar nga olsii

C'ma more pergjigjen

mendjen time lexove ti.

mos je gje fallxhore ti?

hahahahahahahahahahahhahahahhahaha pse kete doje te thoje ti Olsen

do rroj me shume me duket,se keshtu thon kush shpreh mendimin i pari,rron me shume

**bessy** · 13-04-2012, 08:23 PM

ka te drejte

Edhe une i kam vene re qe kur jam shum e lodhur dhe nuk mundem te shkoj ne shtepi
filloj bej shaka them anektoda ........ eshte e vetmja menyr qe me mban zjuar se per ndryshe