9 fazat qe kalojme ne nje lidhje dashurie!

[erinda]

A pyeteni shpesh se në cilën fazë gjendet lidhja juaj? Ju paraqesim disa etapa nëpër të cilat duhet të kalojnë të gjitha çiftet, pa marrë parasysh se për sa kohë janë në një lidhje.

Përvojat në dashuri janë të ndryshme. Nëse keni pasur disa lidhje në jetë, dihet se secila lidhje është më ndryshe se ajo paraprake.

Por, ekzistojnë edhe disa gjëra që kanë të përbashkëta. Për shembull, fazat nëpër të cilat do të kaloni pak a shumë janë të ngjashme, pa marrë parasysh se me çfarë personi jeni. Në vijim ju paraqesim disa prej fazave që do të kaloni.


Faza 1: Dashuria e verbër

Kjo është faza e parë për secilën lidhje. Pothuajse gjithnjë fillon me nevojën intensive për të qenë sa më afër me personin për të cilin jeni të interesuar. Ndoshta ju tërheq edhe seksualisht, e ndoshta ju përshtatet edhe si bashkëbisedues. Në çdo rast, në këtë fazë tejkaloni të gjitha mangësitë që partneri juaj ka dhe përqendroheni vetëm në anët e mira të tij.



Faza 2: Mirëkuptimi

Në këtë fazë të dy partnerët fillojnë të njihen më mirë. Filloni biseda të gjata për familjet, lidhjet e më pashme dhje rreth asaj që dëshironi në jetë. Në këtë fazë gjithçka ndikon bukur dhe me romancë.



Faza 3: Grindja e parë

Pas disa javë apo muaj, pason grindja e parë e cila krijon një hendek midis partnerëve.



Faza 4: Krijimi i qëndrimit

Gjatë kësaj faze që të dy formoni një qëndrim për njëri tjetrin. Me kalimin muajve tashmë e dini se çfarë mund të prisni nga partneri dhe çka ai mundet të presë prej juve. Nëse këto pritje dallojnë, atëherë do të tentoni ta ndryshoni partnerin tuaj.



Faza 5: Formësimi

E dini çfarë prisni prej partnerit ideal dhe në këtë fazë do të tentoni që të formësoheni me idetë për njeri-tjetrin. Këtu, shumëçka varet prej kompromisit dhe rreth asaj se sa jeni të vendosur.



Faza 6: Lumturia

Nëse lidhja juaj tejkalon të gjitha fazat paraprake ka gjasa që të mundeni t’i përshtateni njëri-tjetrit. Lidhja po rrjedh në mënyrë të përsosur dhe ju jeni të lumtur pranë njëri-tjetrit. Ndoshta edhe vendosni për martesë.

Faza 7: Dyshimet

Jeni në lidhje tashmë disa vite dhe dyshimi, diku rrugës, ia ka dalë që të futet në mesin tuaj. Nëse nuk jeni të lumtur, për një gjë të tillë fajësoni lidhjen. Gjatë kësaj faze, partnerin tuaj do ta krahasoni me ish parterët nga lidhjet paraprake. Për fat ekziston mundësia që ta tejkaloni këtë fazë.



Faza 8: Hulumtimi seksual

Gjatë kësaj faze seksi fillon ta luajë rolin kyç. Ndoshta do t’i ndryshoni qëndrimet dhe interesimi për seks do të fillojë të zhduket. Ose do të hiqni dorë prej tij ose do të tentoni që ta shndërroni në njeri më interesant. Mirëpo, interesimet tuaja do të ndryshojnë dhe ndoshta njëri prej juve do të ketë një aferë.

Faza 9: Sinqeriteti

Jeni të sigurt me njëri-tjetrin dhe besoni në dashurinë tuaj. Ajo që është më kryesore është se të dy e dini se ku ju dërgon kjo fazë dhe jeni të lumtur së bashku. Pa marrë parasysh se sa të lumtur jeni, mos ndaloni të vlerësoni atë që keni. Prandaj, kur t’ju tregohet mundësia, vërtetojani njëri-tjetrit se keni dëshirë të jeni së bashku.

Burimi: Keshilla.Net