Frutat më të çuditshme në botë…!!

[labja]

Nga Indonezia dhe Malajzia deri në Indi dhe Tajlandë, katalogu i frutave të çuditshme është mjaft i gjatë. Janë fruta shumëngjyrëshe, me formë të veçantë. Herë kanë gjemba, herë të duket e pamundur që mund të hahen, aq më tepër që të jenë të shijshme.


1. Mangosteen (Garcinia mangostana) – quhet ndryshe “mbreti” i frutave dhe është shumë e vështirë që të gjendet. Prodhohet në Indonezi dhe shija e saj pak shumë të kujton pjeshkën, ndërsa tuli i saj ngjason me një lule të bardhë. Është e vështirë të këputet me dorë si dhe duhet kujdes për ta pastruar. Kjo frutë përbën një burim të pasur vitaminash dhe antioksidantësh



2. Rambutan (Nephelium lappaceum) – prodhohet në Tajlandë dhe Filipine. Ngjason me gështenjën, pasi është e mbuluar nga një lëvozhgë me gjemba. Kur është e papjekur, ka ngjyrë jeshile ndërsa kur piqet, merr ngjyrë të kuqe të theksuar. Gjen përdorim më të gjerë në pastiçeri sesa hahet si frutë e gjallë.




3. Durian (Durio Durionaceae) – gjendet në Indi, Malajzi dhe Tajlandë. Hyn në grupin e frutave të kushtueshme. Karakteristika e saj është “personaliteti i dyfishtë” që ka. Aroma e kësaj frute është shumë e keqe (si mish i prishur apo qepë e prishur) por shija e saj është e mrekullueshme. Frytet e Durian prishen shpejt, ndaj duhet të përdoren të freskëta. Përdoret në shumë ushqime, ëmbëlsira dhe akullore. Gjithashtu është produkt bazë për industrinë e karameleve në vendet aziatike.



4. Dragon fruit (Hylocereus undatus) – kultivohet në Vietnam dhe ngjason me angjinaren. Nga jashtë mbulohet me gjethe të veçanta ngjyrë rozë, ndërsa tulin e ka të bardhë, të mbushur me fara të zeza. Shija e kësaj frute ngjan me atë të pjeprit apo të kivit, ndërsa hyn në kategorinë e frutave të ëmbla. Hahet e gjallë, por përdoret edhe për komposto dhe reçel



5. Kiwano (Cucumis metuliferus) – gjendet në Kili dhe është e njohur edhe me emrin “domate angleze”. Ka ngjyrë portokalli dhe tuli i saj përbëhet nga shumë farë jeshile. Shija e kësaj frute të kujton sallatorin apo kungullin, në kombinim me bananen dhe limonin! Hahet e gjallë, ose shtrydhet dhe i pihet lëngu, i shoqëruar me pak kripë apo sheqer. Është një burim vitamine C dhe fibrash.




6. Ackee (Blighia sapida) – gjendet në Xhamajka dhe forma që ka, të kujton specin jeshil, por në ngjyrë të kuqërremtë. Fruta është pjekur, me t’u hapur, kur duken farat e saj. Konsumohet e zier, ose si pjesë e ndonjë recete tradicionale.




7. Urucu (Bixa orellana) – kultivohet kryesisht në Indi, Meksikë, Peru etj. Farat e saj janë të kuqe të ndezur. Përdoret kryesisht si pluhur ose si pastë, për t’u dhënë aromë ushqimeve të ndryshme apo djathërave. Ndonjëherë zëvendëson shafranin e shtrenjtë, si dhe përdoret bashkë me erëza të tjera. Të shumtë janë ata që e përdorin si esencë për pije apo ëmbëlsira.

[olsii]

Cfare nepsi me hipi tani te cuditeshme qenkan me te vertet

[vaaldr1n]

2. Rambutan dhe 3. Durian (Durio Durionaceae) i kam pare neper super markete ushqimore ketu, por nuk i kam provuar!

Ato tjerat si paskam pare ndo1her... te cuditshme qenkan