Hygerta Sako - Martesa e ish-missit në krizë

[Altin111]

I shoqi nuk pranon rikthimin e saj në televizion

Hygerta është nga të paktat mise, emri i së cilës nuk kaloi në harresë, ashtu siç ndodh gjithmonë. Në fakt, të bëhesh miss është ëndrra e çdo vajze, por magjia e një kurore zgjat shumë pak, më pas gjithçka harrohet. Nuk ka ndodhur kështu me vajzën, që vinte nga Durrësi. Menjëherë mbas konkursit, ajo filloi të aktivizohet në spektakle të ndryshme, duke fituar simpatinë e publikut, jo vetëm për pamjen e këndshme, por edhe për shkathtësinë e saj. Në këtë formë Hygerta theu tabunë, sipas së cilës një femër e bukur nuk di të lidhë dy fjalë në skenë. Fakti që shumë pak ish-misse i kanë rezistuar kohës duke bërë punë të mira në televizione, tregon mbase se nuk qenka aq e lehtë të jesh edhe e bukur, edhe miss, edhe e mençur, e mbi të gjitha e prerë për ekranin. Hygerta i kishte të gjitha këto. Gjithmonë ka treguar nëpër intervista që e do skenën, e do ekranin, pra nuk ndodhet aty rastësisht dhe pret me dashamirësi çdo propozim dinjitoz që i bëhet. Ndërkohë ka pasur një mungesë prej gati pesë vitesh në ekran, *që kur prezantonte një program mbasditeje në Vizion Plus. Dhe në fakt kjo shkëputje më tepër të linte të mendoje se në jetën private të Hygertës kishte ndryshuar diçka, sesa faktin se Hygertës mund t’i ishte mërzitur ekrani. E vërteta është se Hygerta ndërkohë është martuar dhe para një viti ka sjellë në jetë një vajzë. Deri këtu duket se gjithçka ka shkuar perfekt për ish-missin. Ndërkohë nuk kishte sesi të mos tundohej nga ideja për t’u rikthyer në ekran sapo të kishte propozimin e duhur.
Në fakt ky propozimi erdhi vetëm pak javë më parë, kur ajo mori drejtimin e emisionit “Venus”, në televizionin Arbëria mbasi Hueida El Saied u largua nga ky emision. Të gjithë ata që e pëlqenin (që me siguri ishin të shumtë), *u kënaqën me rikthimin e Hygertës dhe mbi të gjitha kur vunë re se ajo ishte përsëri e bukur si dikur, mbase edhe më me shumë nur, ashtu siç thonë shpesh, që fëmija të zbukuron.
Por e gjitha kjo duket se nuk i ka pëlqyer të shoqit të Hygertës, i cili ashtu siç tregojnë të njohurit e çiftit, duket se nuk ka qenë asnjëherë dakord me faktin që e shoqja të angazhohet në televizion dhe të vijojë jetën si një person publik. Miqtë tregojnë se, marrëdhënia e tyre është futur në krizë që kur Hygerta ka marrë drejtimin e programit “Venus”. I shoqi ka insistuar që ajo të mos kthehet në ekran ndërkohë që Hygerta me të drejtë ka dashur të ndjekë pasionin e saj. Thuhet që asnjëri nuk lëshon pe dhe martesa e tyre është në një pikë kritike, *madje të njohurit tregojnë se ata nuk jetojnë më nën të njëjtën çati. Nuk dihet se si do të shkojë fati i çiftit në këto kushte, edhe pse ne do të uronim që ata të riktheheshin përsëri së bashku, aq më tepër tani që kanë një fëmijë në jetën e tyre. Ne urojmë gjithsesi që gjithçka të rregullohet dhe çifti ta kujtojë këtë histori si një ëndërr të keqe, por urojmë gjithashtu që Hygerta e ëmbël të mos e linte kurrë ekranin, sepse ne të gjithë e pëlqejmë atë.