Guret ne veshka, shkaktaret dhe mjekimi

[olsii]

Shkaktarët për këtë sëmundje janë të shumtë. Mënyra e ushqyerjes, trashëgimia dhe infeksionet urinare ndikojnë më shumë në shfaqjen e gurëve në veshka. Prof. Dr. Alketa Koroshi shpjegon rreth dietës që duhet të ndjekin këta të sëmurë dhe mjekimin e sëmundjes.

Infeksionet urinare

Po. Infeksionet urinare konsiderohen si një nga faktorët që favorizojnë formimin e gurëve ne veshka. Kjo lidhet me faktin që ndryshohet ambienti i urinës nga acido-bazik dhe formojnë disa lloje të veçantë gurësh në veshka.

Ushqimet me kalcium

Shpesh mendohet se ushqimet me kalcium si p.sh. bulmetrat, etj, ndikojnë në shfaqjen e gurëve në veshka, për shkak të përmbajtjes së lartë të kalciumit. Por në të vërtetë ndodh e kundërta. Në rastin e ushqimeve me kalcium, kalciumi përthithet më mirë në zorrë, lidhen me oksalatet dhe krijojnë precipitate dhe dalin nga organizmi. Ndërsa në rastin e ushqimeve me pak kalcium, janë oksalatet që përthithen nga zorra, pasi nuk kanë me çfarë të lidhen, dhe për pasojë dalin në urinë.

Trashëgueshmëria

Njihet baza gjenetike në shfaqjen e gurëve në veshka. Gjithsesi ende nuk është e qartë nëse kjo lidhet me një defekt të lindur, apo me faktin që personat e së njëjtës familje kanë të njëjtin stil jete dhe regjim ushqimor. Pra nëse babai dhe i biri kanë të dy gurë në veshka, ende nuk dihet qartë nëse shkaku është trashëgimia apo mënyra e ushqyerjes që kanë anëtarët e së njëjtës familje.

Mjekimi

Gurët nën 7 mm kanë shumë mundësi të dalin nëpërmjet pirjes së një sasie të konsiderueshme të lëngjeve (2,5-3 litra në 24 orë), si dhe përdorimit të barnave që zgjerojnë kanalet urinare apo ulin aciditetin e urinës, duke mos i dhënë mundësi kristaleve të qëndrojnë të bashkuara në trajtën e gurëve. Ky dimension nuk është i rastësishëm, pasi mendohet se kanali urinar është i gjerë rreth 6-8 mm. Shpesh i sëmuri pyet: Çfarë lëngjesh të pi e çfarë të mos pi ? Ujë i zakonshëm, lëngje popullore dhe me preferencë do të sugjeroja 1 litër e gjysmë ujë ku të jenë tretur 2 limona çdo ditë. Mos preferoni ujin me gaz, coca-cola, fanta e lëngje të tjera industriale.Të ha çdo gjë apo të kufizoj ushqimet me kripë? A duhet të kufizoj ushqimet që përmbajnë kalcium?

Është një tjetër pyetje e shpeshtë e të sëmurëve me gurë në veshka. Natyrisht, sa më e madhe sasia e kripës në ushqim, aq më e madhe është tendenca për të formuar gurë. Pra, është shumë e rëndësishme të pakësohet kripa në ushqim.

Kufizimi i kalciumit, i rekomanduar fatkeqësisht nga shumica e mjekëve, do të ishte një gabim fatal, sidomos për fëmijët dhe gratë. Moszhvillimi i mirë i kockave të fëmijës dhe fraktura të tyre në menopauzë tek gratë, janë pasoja të vëna re në të sëmurët që kanë të kufizuar kalciumin në dietë. Natyrisht, kjo nuk do të thotë të abuzojmë me dietën me kalcium.

Dieta

Ushqimet me predominim të zarzavateve dhe frutave, të freskëta të sezonit dhe jo ato të thata (sidomos arrat, bajamet dhe lajthitë), shoqëruar me shumë lëngje janë të shkëlqyera për të sëmurin me gurë në veshka. I vetmi nga agrumet që kufizohet është qitro, e cila përmban shumë oxalate. Kafeja, deri vonë e kufizuar, vitet e fundit ka marrë “lirinë” prej 2 studimeve të mëdha mbi dietën në të sëmurët me gurë në veshka.

Po kështu edhe alkooli nuk konsiderohet ushqim për t’u kufizuar për sa i përket gurëve në veshka. Gjithsesi, kaloritë e alkoolit mund të shkaktojnë mbipeshë dhe kjo e fundit thamë që shoqërohet me rritje të shpeshtësisë së gurëve në veshka.

Uralyt, Renalof, Grodurex dhe Allopurinoli janë medikamentet më të përdorshme në eliminimin, shkrirjen dhe parandalimin e gurëve në veshka dhe në rrugët urinare. Mënyra e përdorimit, koha dhe dozat e tyre përdoren ekskluzivisht nga mjeku.

Pergatiti: Prof. dr Alketa Koroshi / Nefrolog
Burimi: Gazeta Shekulli