Arrin “ilaçi”, i cili do të bllokojë ndikimin e alkoolit në gjak

[vaaldr1n]

Shkencëtarët pohojnë që nuk e kanë zhvilluar ilaçin që njerëzit të mund të pinë pak më shumë, por të reduktojnë pasojat negative të dehjes, si fatkeqësitë automobilistike dhe dëmtimet në mëlçi.

Ilaçi iomazelin i cili merret para pirjes së pijeve alkoolike bllokon shumicën e efekteve të cilat alkooli i ka në tru, pohojnë shkencëtarët në Universitetin Yale. Ata i kanë kryer testimet në simulatorët e vozitjes për të zbuluar nëse njerëzit mund të ulen të sigurt në timon nëse kanë konsumuar iomazelin dhe pirë ndonjë gotë më shumë.

Ata që kanë konsumuar iomazelin kanë më pak shanse për të bërë tetëshe nëpër rrugë dhe reflekset i kanë më të mira se ata që kanë pirë njëjtë, por nuk kanë marrë ilaçin, përcjell Daily Mail.

Hulumtuesit amerikanë theksojnë që nuk kanë synim të zhvillojnë ilaçin i cili do t’i ndihmojë njerëzit të pinë shumë e të mbesin të kthjellët, por që tërësisht të bllokojnë pasojat e alkoolit në organizëm.

“Ilaçi i cili ka potencial të bllokojë gjithë veprimin e alkoolit në sistemin qendror nervor mund të bëhet trajtim unik për alkoolizmin dhe të reduktojë dëmin që ky ves ia shkakton mëlçisë dhe organeve tjera”, ka thënë udhëheqësi i studimit, Deepak D’Souza.

Një opsion tjetër i cili do të mund të parandalonte pasojat negative të alkoolit është ilaçi i lëngshëm i cili i mban të gjitha veçoritë pozitive të alkoolit, por nuk është i dëmshëm për organizëm, pohojnë hulumtuesit britanikë të cilat tashmë disa vjet punojnë pikërisht në krijimin e kimikatit të tillë. Substanca do të kishte bonus shtesë, dhe ky është që të gjitha efektet e saj mund të anulohen në çast me marrjen e “kundërhelmit”.

Kritikët e industrisë farmaceutike pohojnë se si asgjë nuk do të parandalojë alkoolistët të pinë dhe bëjnë dëm në shoqëri, ndërsa këto ilaçe nuk do të jenë të mirëseardhura as te industria e pijeve alkoolike të cilat përfitojnë miliarda nga blerësit e tyre./Koha.net

[Arjol]

ky ilac eshte alkool analkoolik loool