Qeveria, 10 mijë lekë shpërblim

[Altin111]

Të gjithë punonjësit që paguhen nga buxheti i shtetit do të marrin nga 10 mijë lekë të reja shpërblim për festën e Vitit të Ri. Ndërkohë, ata punonjës që do të vlerësohen pozitivisht nga bordi drejtues do të marrin nga një rrogë shpërblim. Zëvendësministri i Financave, Sherefedin Shehu gjatë një prononcimi dhënë dje gazetës "Tirana Observer", tha se "të gjithë punonjësit buxhetorë në fund vitit do të marrin një shpërblim prej 10 mijë lekësh.

Ndërsa punonjësit që kanë marrë vlerësime pozitive do të marrin një rrogë plus".
Shpërblimi
Në mbledhjen e ardhshme të Këshillit të Ministrave do të miratohen përfundimisht shpërblimet për të gjithë punonjësit e institucioneve shtetërore. Pasi sipas vendimit të Ministrisë së Financave, do të jetë detyrë e ministrave apo drejtuesve të tjetë të instituteve buxhetore të përcaktojnë nëse mbi vlerën prej 10 mijë lekë të reja që jep shteti në fundviti, ata do të shtojnë bonuse. Të parët që kanë vepruar në përputhje me këtë vendim, janë Ministria e Arsimit dhe ajo e Shëndetësisë, të cilat kanë hartuar të ndarë shpërblimet jo vetëm për punonjësit e administratës, por për të gjithë mjekët dhe mësuesit në vend. Sipas projektvendimit të hartuar, mjekët do të marrin veç 10 mijë lekëshit edhe një shtesë e cila do t'u jepet atyre për vjetërsi në punë, për vështirësi dhe kushte të veçanta. E njëjta gjë duket se do të ndodhë edhe me mësuesit, të cilët do të shpërblehen në bazë të vështirësive, orëve të punës, si dhe zonave përkatëse. Një lajm i mirë vjen edhe për mjekët e familjes, të cilët përfshihen në skemën e Institutit të Sigurimeve Shoqërore, pasi edhe ky institucion do të veprojë si dy ministritë e lartpërmendura, duke i shtuar shpërblimit prej 10 mijë lekë të reja edhe bonuse ekstra.
Institutet
Të gjitha institutet, akademitë, shërbimet e ndryshme që funksionojnë si struktura të të gjitha ministrive, apo të ndara më vete, por që janë shtetërore do të përfitojnë shpërblim për festat e fundvitit. Sipas zëvendësministrit të Financave Sherefedin Shehu, edhe në ketë rast, vlera që kanë në dispozicion këto institucione do të jetë e njëjtë, 10 mijë lekë të reja, por njëkohësisht do të jenë drejtuesit ata që do të vendosin nëse punonjës të ndryshëm, të ndarë sipas kategorive apo funksioneve duhet të marrim më shumë para. Të gjitha propozimet do të kalojnë më parë në mbledhjen e radhës së Këshillit të Ministrave, i cili pritet t'i miratojë dhe më pas do të bëhet shpërndarja e parave, të cilat do t'i shtohen vlerës së përgjithshme të rrogës mujore që marrin aktualisht të gjithë punonjësit buxhetor. Ndërkohë që nga ky vendim përjashtohen të gjithë ata punonjës buxhetorë që janë të varur nga pushtetit lokal. Pasi në rastin e tyre vendimin për masën e shpërblimeve do të marrin drejtuesit e bashkive, të cilët në bazë të buxhetit të tyre do të përcaktojnë edhe se sa do të jenë shpërblimet për festat e fundvitit.

Shperblimi

Të gjitha institutet, akademitë, shërbimet e ndryshme që funksionojnë si struktura të të gjitha ministrive, apo të ndara më vete, por që janë shtetërore do të përfitojnë shpërblim për festat e fundvitit. Sipas zëvendësministrit të Financave Sherefedin Shehu, edhe në ketë rast, vlera që kanë në dispozicion këto institucione do të jetë e njëjtë, 10 mijë lekë të reja, por njëkohësisht do të jenë drejtuesit ata që do të vendosin nëse punonjës të ndryshëm, të ndarë sipas kategorive apo funksioneve duhet të marrim më shumë para

Punonjësit që do të marrin shpërblim

• * *Të gjithë punonjësit e Presidencës

• * *Të gjithë punonjësit e Kuvendit

• * *Të gjithë punonjësit e ministrive

• * *Të gjithë punonjësit e instituteve

• * *Të gjithë punonjësit e SHISH

• * *Të gjithë punonjësit e Drejtorisë e Përgjithshme e Arkivave

• * *Të gjithë punonjësit e Akademisë së Shkencave

• * *Të gjithë punonjësit KLSH-së

• * *Të gjithë punonjësit prokurorive

• * *Të gjithë punonjësit e gjykatave

• * *Të gjithë punonjësit e ATSH-së

• * *Të gjithë punonjësit e Autoritetit të Mbikëqyrjes Financiare

• * *Të gjithë punonjësit në arsim (mësues, pedagogë, etj)

• * *Të gjithë punonjësit në mjekësi( mjekë, infermierë, etj)

• * *Të gjithë punonjësit Fondi Shqiptar i Zhvillimit

• * *Të gjithë punonjësit e Qendrës Kombëtare të Kinematografisë

• * *Të gjithë punonjësit e KLD-së

• * *Të gjithë punonjësit e Avokatit të Popullit

• * *Të gjithë punonjësit e KQZ-së

• * *Të gjithë punonjësit ILKDP-së

• * *Të gjithë punonjësit e institucioneve të tjera qeveritare

110 mijë punonjës do të shpërblehen

Do të jenë 110 mijë punonjës, që do të marrin përfitimin në fund të vitit. Ndërkohë, institucione të ndryshme kanë vendosur dhe surpriza të tjera për stafin e tyre. Kjo, si me dhurata simbolike, apo dhe me organizimin e festave të fund vitit. Sipas Ministrisë e Financave, shpërblimi do të jepet së bashku me pagën e dytë të këtij muaji.

Aktivitetet për festat e fundvitit

Përveç shpërblimeve, thuajse të gjitha institucionet, si ato të arsimit, shëndetësisë, etj kanë vendosur të akordojnë fonde të veçanta nga fondi i tyre për të lejuar organizimin e festave *për Krishtlindje dhe Vitin e Ri. Ndërkohë, për të përballuar koston e këtyre shpenzimeve nuk do të kërkohet ndihma nga buxheti i shtetit, por do të përdoren të ardhurat dytësore të vetë institucioneve. Ndaj dhe pritet që java e fundit e dhjetorit të përfshihet nga aktivitete të institucioneve në të gjithë vendin.

[ReniX]

Hajt ti hane gezuar

[ingal]

urraaaaaaaaaa

[anna]

sa interesante!!!!!!!!! epo mot me shume ore