20 fakte që tregojnë se ai ka një marrëdhënie tjetër

[Altin111]

1- Ai nuk ju fton asnjëherë të darkoni në lagjen e tij. Në fillimet e lidhjes ai mund të duket zemërgjerë, por me kalimin e kohës do fillojë të sillet sikur ka dyshime. Në të vërtete ky person nuk dëshiron që të tjerët ta shohin me ju.
2- I dashuri juaj preferon të vijë atje ku jeni ju dhe jo e kundërta. Mbase nuk do që të tjerët ta dinë që ju shoqëroheni bashkë.
3- Ai ju fton papritur të flini bashkë. Kjo mund të ndodhë pasi partnerja e tij mund të jetë jashtë qytetit dhe ai nuk do që për një arsye të humbasë rastin.
4- Disa nga komplimentet që ai ju drejton juve duken si klishe dhe të memorizuara. Nëse ai duke ecur aktron me shprehje të tilla, ky fakt mund të tregojë se ai e bën edhe në realitet këtë lojë.
5- Shpesh herë në fundjavë i dashuri juaj shkon për punë biznesi. Si mund të ndodhë gjithmonë e njëjta gjë? Mbase ai ka një jetë tjetër jashtë marrëdhënies tuaj.
6- Kur ai ju thotë se është jashtë për punë dhe në kthim nuk ju tregon detaje apo emrin e hotelit ku ka qëndruar, mbase po ju gënjen. Mund të ndodhë që personi juaj special të mos ketë pasur punë por ...
7- Ju vini re se i dashuri juaj preferon më tepër t’iu çojë sms, sesa t’iu telefonojë. Mbase në dhomën tjetër është partnerja e tij.
8- Shpesh kur ai ju telefonon juve flet shumë ngadalë, bën telefonata të shkurtra, që ndërpriten menjëherë. Mbase dikush tjetër i shfaqet përpara!
9- Në disa raste ju mund të gjeni në telefonin e tij disa mesazhe të dyshimta apo numra të panjohur, për të cilat ai gjen disa justifikime qesharake. Mbase pas takimit me ju, ai mund të fikë telefonin sepse mund të këtë një tjetër takim, me një partner të ngjashëm ju.
10- I dashuri juaj nuk vjen tek ju në fundjavë apo në raste festash, duke ju thënë se ka probleme apo është i sëmurë.
11- Ndodh shpesh që ai të qëndrojë në punë deri vonë. Sa e besueshme është kjo?
12- Ky person është gjithmonë konfuz dhe i paqartë rreth detajeve të lidhjeve të kaluara. Mbase ajo tani është partnerja e tij.
13- I dashuri juaj i ri përsërit të njëjtën histori, por me detaje të ndryshme, sepse ka harruar se çfarë ju ka thënë.
14- Kur është me ju, ai çohet për të bërë një telefonatë pak më tutje me pretekstin se është çështje biznesi apo ka shkëputje linja.
15- Kur ai ose ajo në praninë tuaj nuk dëshirojnë të kryejnë apo të pranojnë disa telefonata. Pyeteni pse?
16- Mund të ndodhë që ju të shkëmbeni bashkë email-e, dhe për një moment dilni offline, ndërsa ai vazhdon edhe për disa ore të qëndrojë online.
17- I dashuri apo e dashura juaj nuk e lë asnjëherë celularin në vende të dukshme apo me melodi. Kjo ngjall dyshime!
18- Në disa raste apo takime në një ambient ku gjenden të njohur të tij, ai nuk ndihet rehat dhe fytyra e tij tregon shqetësim.
19- Ju mund ta takoni atë në një grup shoqëror që juve ju duket i papërshtatshëm. Sigurisht që shoqëria vepron mbi individin.
20- Ju mësoni se ai vazhdon të flasë me ish-in e tij. Statistikat tregojnë se nëse ai ka folur me të, do vazhdojë ta bëjë këtë gjë.

Kur fiksimi mendohet si dashuri

Të dashurosh tepër nuk do të thotë të dashurosh shumë burra, ose të biesh në dashuri shumë shpesh, ose të dashurosh dikë me një ndjenjë tejet të thellë dhe të fortë. Në të vërtetë do të thotë të lidhesh me një burrë me një fiksim dhe të mëtosh që këtë fiksim ta quash dashuri, i cili arrin deri në zotërimin e të gjitha ndjenjave e veprimeve dhe ndonëse e kupton që kjo është duke ndikuar për keq në shëndetin dhe mirëqenien tënde,të mos mundesh të çlirohesh prej tij. Do të thitë të matësh lartësinë e dashurisë tënde nga thellësia e sfilitjeve dhe torturave të tua. Joshemi nga dikush që është në një situatë që ka nevojë, ndjejmë dhembshuri, bëhemi bashkëvuajtës me të dhe përpiqemi ta lehtësojmë për të zbutur edhe vetë vuajtjen tonë. Burrat më tërheqës janë ata që duken se kanë më shumë nevojë për ndihmë, kjo po të mbahet parasysh se në bazën e aftësisë së tyre për të joshur, ndodhet dëshira e femrave për të qenë të dashuruara dhe të ndihmuara.

Mungesa e dashurisë ndaj vetes

Pothuajse gjithnjë në themel të dashurisë së tepruar femërore ndodhet një tronditje e fëmijërisë. Kur një fëmijë është braktisur, apo shpërfillur nga i ati, kur rritet shtyhet të gjejë një mashkull që do ta shpërfillte ose do ta braktiste. Sepse po qe se një fëmijë ka pësuar një dhunë do të bëjë çmos që ajo të shfaqet dhe të rishfaqet në lojërat e saj derisa të ketë krijuar, deri në një farë mase përshtypjen se më në fund ka shpëtuar prej saj. Çfarë sinjalesh ndizen midis një gruaje, e cila synon drejt dikujt që ia ndien nevojën, dhe jo vetëm kaq, por që të marrë përsipër edhe përgjegjësitë për të, dhe një burri që është duke kërkuar dikë. Ajo që tek një grua krijon frikën se mos nuk do të dashurohet nga ndokush është mungesa e dashurisë ndaj vetes, mungesa e besimit ndaj vlerave të veta, ndaj aftësive të veta, frikë kjo që, për t’u ndjerë e sigurt, e bën të pranojë gjithçka tek burri që ka zgjedhur.

Fjalët e ngrohta dhe mbështetja

Është thelbësore t’i thoni partnerit gjëra të bukura, pasi fjalët e ngrohta të kurajës dhe mbështetjes krijojnë besim dhe respekt. Për ta bërë të ndihet edhe më mirë njeriun e zemrës shtoni numrin e komplimenteve. Të njëjtën gjë duhet të merrni edhe nga partneri juaj. Por këtë duhet ta fitoni. Nëse nuk doni veten tuaj është e vështirë të besohet se mund t’u dashurojë dikush tjetër. Respekti ndaj vetes është shumë i rëndësishëm në një lidhje të fortë. Nëse e pëlqeni vërtet veten tuaj, veç defekteve dhe dobësive që keni, do të ndiheni të sigurt. Kur ndiheni i sigurt dhe me besim në vete, do të pëlqeni të rrini me partnerin për gëzimin që sjell në jetë tuaj dhe jo sepse keni nevojë për ta që të mbijetoni. Nëse keni pasur një eksperiencë negative në të shkuarën është e nevojshme të bisedoni për këtë me partnerin. Ai do t’u qëndrojë pranë dhe do t’u bëjë të harroni atë periudhë të vetes suaj, por gjithsesi mos harroni që edhe në këtë rast të vlerësoni veten tuaj.

[ReniX]