Merr peng fqinjen, kerkon ta perdhunoje

[Altin111]

E Marte, 18 Dhjetor 2007

Abuzon seksualisht me fqinjen e tij, duke pretenduar se do te martohej me te, por e merr peng per disa ore, duke tentuar ta perdhunoje. Disa kalimtare shpetojne nje 20-vjecare nga perdhunimi, ndersa policise i eshte dashur te ndjeke te dyshuarin per disa kilometra, nga Kamza ne Zall Herr, per te bere te mundur arrestimin. Bledar Zeneli, 22 vjec, banues ne Kamez te Tiranes, eshte arrestuar oret e vona te se dieles, pasi akuzohet per heqjen e lirise te A.H., 20 vjece, ndersa e ka marre per nje xhiro me makinen e tij dhe i kishte shprehur dashurine. Mbi te riun, sipas burimeve zyrtare, eshte ngritur dhe akuza e “kundershtimit te forcave te policise”, pasi nuk i eshte pergjigjur thirrjeve per te ndaluar gjate ndjekjes. Rreth ores 20:00, Zeneli eshte shoqeruar dhe pak pas mesnate eshte bere ndalimi per dy akuza.

Ngjarja e rende ka vene ne levizje policine e Komisariatit nr. 5, qe izoloi brenda disa minutave ne qeli te dyshuarin Zeneli. Gjate marrjes ne pyetje, 22-vjecari eshte shprehur se nuk ka pasur asnje qellim te keq ndaj fqinjes se tij dhe se ai pretendonte martese me te. Por, vajza mesohet te kete rrefyer se i riu e ka kercenuar dhe rrembyer me force, duke kerkuar edhe kryerjen e marredhenieve seksuale. Prokuroria e Tiranes po heton per kete rast, ndersa ne cilesine e proves materiale eshte marre vetura tip “Benz 190”, me targe TR2824K ne pronesi te Zenelit. Sipas policise dhe deshmive te mbledhura, 22-vjecari e ka kercenuar me jete A. H., duke e mbajtur me force ne makine.

Nje patrulle e policise eshte gjendur afer vendngjarjes dhe ka ndjekur makinen e te riut qe nuk i eshte pergjigjur thirrjeve per te ndaluar dhe njekohesisht nuk ka liruar as 20- vjecaren. Madje, policia e vleresoi nje pengmarrje te paster, pasi i riu e ka kanosur te rene ne makine nese do kryente ndonje veprim kunder deshires se tij. “Pas nje ndjekjeje te gjate, ne Zall Herr eshte bere e mundur te lirohet vajza e marre peng dhe te arrestohet i dyshuari”, thane burime te policise se Tiranes, dje, per gazeten “KJ”. Vajza ka mohuar pretendimet e djalit per nje lidhje dashurie, por do jene hetimet e metejshme qe do sqarojne kete ngjarje. Akuzat e ngritura ndaj te dyshuarit jane “rrembim dhe mbajtje peng te personit ne rrethana lehtesuese” dhe “mosbindjes te urdhrit ndaj punonjesit te policise rendit publik”.

Dhjetor 2002

Mustafa Kadiu emigrant ne Londer, me nje "travel document" te leshuar nga "Home Office" udheton per ne Napoli, ku mashtron nje minorene rumune, e cila punonte si prostitute per nje klan shqiptaresh. E trafikon ne Londer, ku me te mberritur e mban peng ne dhome duke i vene thiken ne fyt per ta detyruar, qe te prostituonte per te. Vajza denoncon ne polici, e cila arreston Kadiun. U akuzua per rrembim personi, perfitimin te ardhurash nga imoraliteti. Denohet me 11 vjet burg.

Mars 2003

Vellezerit shkodrane Anton dhe Aleks Gjekaj dyshohen se iniciojne rrembimin e shqiptares A. M., ne lagjen "Acton", se bashku me Robert Linadin, Nexhmedin Ramadanin dhe Besnik Brecajn. Pengmarresit i kerkuan tutorit te saj Sabri Muca, 30 mije paund ne kembim te lirise. Fundi i qershorit 2003, do t'i gjente te arrestuarit perballe gjykatesit Martin Zedman. Ceshtja u pushua.

[anna]

cfare nuk po na degjojne veshet. te shkretat vajza çpo heqin * *

[Altin111]

Merr peng ish-të fejuarën e shokut, tenton ta përdhunojë *

Policia arreston 22-vjeçarin Bledar Zeneli. Denoncimi i vajzës: Më mashtroi duke më thënë se ish-i fejuari ndodhej në spital

TIRANË- Tenton të përdhunojë ish- të fejuarën e shokut, përfundon në qeli 22-vjeçari. Bledar Zeneli, banues në Kamëz, është arrestuar në orët e vona të së dielës, duke u gdhirë dita e djeshme pasi akuzohet se ka mbajtur peng 20-vjeçaren Anduena H. të cilën ka tentuar ta përdhunojë. Ngjarja ndodhi dy netë më parë, kur Zeneli ka mundur të sajojë një mashtrim, për të bindur vajzën të hynte në makinën e tij. Pasi e ka marrë në Kamëz të Tiranës, Zeneli e ka çuar vajzën në Zall-Herr dhe atje e ka mbajtur peng për disa orë dhe duke përdorur dhunë fizike e psikologjike, ka tentuar të kryejë marrëdhënie seksuale me të. Forca të policisë së komisariatit nr.5, rastësisht kanë dëgjuar thirrjet për ndihmë të vajzës. Eektivat blu ndërhynë menjëherë duke kryer dhe arrestimin e Bledar Zenelit.

Ngjarja

Anduena H. kishte vetëm pak kohë që ishte ndarë nga i fejuari i saj, i cili ishte shok me Bledar Zenelin. Ky i fundit ka shfrytëzuar pikërisht këtë fakt, për t'u afruar me 20-vjeçaren. Mbrëmjen e së dielës 22-vjeçari është takuar me Anduenën në Kamëz dhe i ka thënë se ish- i fejuari i saj ishte plagosur dhe ndodhej në spital. Më pas, Zeneli ka vazhduar me mashtrimin e tij duke i treguar vajzës se duhej të shkonte patjetër ta vizitonte në spital ish- të fejuarin, pasi kjo ishte dhe dëshira e tij e fundit. "Do të çoj unë me makinën time në spital"- mësohet t'i ketë thënë Zeneli 20-vjeçares. Në deklaratën e saj në polici, vajza ka treguar se i kishte ardhur keq për ish- të fejuarin e saj ndaj dhe pranoi të shkonte në spital. Vajza ka hipur në makinë dhe brenda pak minutash ka konstatuar se nuk po udhëtonte drejt spitalit. Menjëherë ka filluar të kërkojë sqarime, por është përballur me agresivitetin e shoqëruesit, i cili nuk ka ngurur të ushtrojë dhunë mbi të. Zeneli ka ndaluar makinën në Zall-Herr dhe e ka mbajtur vajzën për disa orë me radhë, nën kërcënimin e një leve, duke kërkuar me ngulm të kryente marrëdhënie seksuale me të.

Arrestimi

Teksa Anduena mbahej peng në makinë, një patrullë policie ka kaluar fare pranë krejt rastësisht dhe ka vënë re se vajza ndjehej në ankth. Forcat e policisë reguan duke iu afruar makinës ku ndodhej çifti dhe i kanë kërkuar 22-vjeçarit të dilte jashtë. Por Bledar Zeneli ka bërë rezistencë, duke mos pranuar të dorëzohej ndërsa vazhdonte të kërcënonte me levë 20-vjeçaren. Pas negocimeve, policia ka mundur të prangosë të riun dhe të kryejë shoqërimin e tij në polici. 20-vjeçarja denoncoi në polici ngjarjen. Burime nga policia thanë se vajza deklaroi se Zeneli e kishte mashtruar atë se do ta çonte në spital tek ish- i fejuari dhe më pas e kishte dërguar në Zall-Herr, ku tentoi ta përdhunonte. Fill pasi regjistruan kallëzimin e 20-vjeçares, oficerët e policisë kriminale i komunikuan Bledar Zenelit arrestimin dhe akuzat që rëndojnë mbi të. Burime zyrtare nga policia e kryeqytetit thanë se i arrestuari ka konsumuar veprat penale të "rrëmbimit dhe mbajtjes peng të personit" dhe "mosbindjes të urdhrit ndaj punonjësit të policisë rendit publik".

[daku323]

cfare nuk po na degjojne veshet. te shkretat vajza çpo heqin * *

Prandaj te kom thon un! Mos u marto! C'te duhet martesa? Vuajtje eshte! * *

[ReniX]

i paska hip damari per festa ketyre