Konfiskimi i pasurisë së CEO-s së Megaupload i paligjshëm

[vaaldr1n]

Gjykata e lartë e Zelandës së Re ka vendosur që konfiskimi i pasurisë së shefit të Megaupload, Kim Dotcom, është e paligjshme. Autorizimet e shfrytëzuara me rastin e bastisjes së pronave të tij nuk kanë pasur përshkrimin kualitativ të shkeljeve të cilat i ka bërë kompania e tij. “Ishin autorizime shumë gjenerike, dhe si të tilla, janë të paligjshme”, thotë gjykatësja Helen Winkelmann. Përveç kësaj, i paligjshëm ishte edhe dërgimi i serverëve të Megaupload në shtet tjetër (SHBA), dhe ka urdhëruar që klonet e makinave të tij të cilat ruhen në Zelandë të Re t’i kthehen pronarit, ndërsa autoritetet të kërkojnë menjëherë nga SHBA që të gjitha klonet e makinave të kthehen në Zelandë të Re. Pasi që t’i kontrollojë avokati i fushës, do të mbahen më tej vetëm të dhënat relevante për rastin.Ky kurrsesi nuk është lajm i mirë për SHBA-në, që ka nisur tërë këtë rast, sepse ka shumë mundësi që në bazë të këtyre lëshimeve teknike Kim Dotcom të fitojë procesin gjyqësor. Do të ishte ky një bumerang që do të mund të kishte pasoja shumë të mëdha në Internet.

Burimi: KohaNET

[ReniX]

Ja se i merr tani ai prap, biles dy apo tre fish demshperblim