Bari helmues që shkatërron qelizat e kancerit, rritet në Mesdhe!!

[labja]

Ja bari helmues që shkatërron qelizat e kancerit, rritet në Mesdhe

Një bar helmues, i njohur që prej antikitetit është në gjendje të shkatërrojë qelizat kancerogjene.

Ekstrakti i bimës Thapsia Garganica është përdorur në përgatitjen e një ilaçi eksperimental, i cili është në gjendje të përçohet në organizëm përmes gjakut pa dëmtuar qelizat e shëndosha, raporton agjencia e lajmeve NOA.al.

Studimi i institutit amerikan Johns Hopkins Cancer Center është publikuar në revistën shkencore mjekësore Science Translational Medicine.

Shkencëtarët kanë vëzhguar se pas 30 ditësh trajtimi me këtë ilaç, emri i të cilit është G202, përmasat e qelizave njerëzore të kancerit në prostatë, të transplantuara në brendësi të minjve laboratorikë rezultuan të pakësuara në masën 50 për qind të tyre.

Ndërkohë qelizat e shëndetshme nuk ishin goditur nga ilaçi.

Shkencëtari Samuel Denmeade shpjegoi se “G202 është një medikament i prejardhur nga bari helmues Thapsia Garganica, një bimë, që rritet në Mesdhe dhe që prodhon lëndën helmuese thapsigargina.

Që prej Greqisë së lashtë janë të njohura aftësitë helmuese të kësaj bime.

Karvanet arabe e quanin si karrota e vdekjes, pasi helmonte devetë që e hanin.

Denmeade zbulon se studio amerikane ka riprogramuar molekulat e këtij helmi në mënyrë që ta bëjë atë paaftë për të dëmtuar qelizat e shëndosha në organizmin e njeriut.

Sipas tij menjëherë pasi helmi has qelizat kanceroze ai nis aktivitetin toksik duke vrarë qelizat e dëmshme.