Harta dixhitale, shtate kompani ne gare

E Marte, 12 Dhjetor 2006
Shtate kompani te huaja kane marre pjese ne tenderin e hapur nderkombetar per harten dixhitale te territorit te Shqiperise. Dje jane hapur ofertat e shtate kompanive, te cilat do te realizojne te paren harte dixhitale te vendit tone dhe diten e premte do te shpallet kompania fituese. Kane qene gjithsej 19 kompani qe kane terhequr dokumentet per te marre pjese ne kete tender, por vetem shtate prej tyre jane paraqitur. Vladimir Kavaja, kryetar i Komisionit te Vleresimit te Ofertave, deklaroi dje se “ALUIZNI ka vene ne dispozicion te tenderit vleren prej 500 milione lekesh per fotografimin e gjithe territorit te vendit dhe realizimin e hartes dixhitale te tij”. Kompanite pjesemarrese ne tender jane nga Austria, Kroacia, Italia, Franca, Izraeli, si dhe nje kompani e perbashket japonezo-finlandeze. Nepermjet ketij fotografimi do te perfitohen hartat e para dixhitale ne vend, me ane te se cilave do te realizohet procesi i verifikimit te formulareve te vetedeklarimit. Kjo harte mendohet te kete data base-in me te forte, qe do te perdoret jo vetem per procesin e legalizimeve, por edhe per ndertimin e sistemit kombetar te adresave, si dhe per funksione te tjera. Hartat dixhitale te zonave informale do te bejne te mundur identifikimin e te gjitha ndertimeve te paligjshme, si dhe do te ndihmojne edhe ne identifikimin e ndertimeve pa leje te ndertuara pas hyrjes ne fuqi te ligjit per legalizimet. Keto ndertime, ne baze te ligjit, do te shemben nga Policia Ndertimore. Te gjitha hartat do t’u jepen shume shpejt ne perdorim njesive te ALUIZNI-t ne te 12 qarqet e vendit, ne menyre qe te vazhdohet me zbatimin e procesit.

Kompanite:

  • "Meixner Vermessung zt" Gmbh 4.070.000 euro

    "Geofoto" 2.266.026.70 euro

    "Compania Generale Ripreseaeree" 3.482.860.80 euro

    "SMA Basilicata" 3.155.653 euro

    "IGN France international" 2.965.000 euro

    "Operational Management Crisis Containment System" 3.824.552 euro

    "Pasco Coorporation FINMAP" 3.609.811 euro.



(c) korrieri 2006