Çfarë duhet bërë në ditë të caktuar të javës

[vaaldr1n]

Çdo ditë në javë sjell mundësi të mira dhe të këqija, sepse ka kuptim dhe ndikim të caktuar. Ka mësime të ndryshme, të cilat shpjegojnë se kur diçka është e përshtatshme për t’u bërë ose jo, ndërsa ekziston edhe simbolika e interpretimit, e cila lidhet me mundësitë që ekzistojnë për secilën ditë të caktuar.


E hëna

Nuk duhet të fillohet asgjë e rëndësishme, sepse kjo është dita e muajit për të cilën besohet që është shumë e ndryshueshme. Mjafton që të hënave t’i vizitoni të gjithë personat të cilëve në kartën natale Hëna u gjendet nën aspekte të këqija.


E marta

Dita për të gjitha punët rutinë, të cilat janë përcaktuar ose akorduar paraprakisht dhe të cilat nuk kërkojnë aktivitet të veçantë mendor. Në këtë ditë dominon Marsi.


E mërkura

Dita më e mirë për korrespodencë, detajet e marketingut, takimet, marrëveshjet dhe udhëtimet e shkurtra. Kjo është dita kur dominon Merkuri dhe konsiderohet që është e mirë për shoqërim dhe argëtim. Nënshkrimin e dokumenteve shtyjeni për të enjten.


E enjtja

Në këtë ditë dominon Jupiteri, bamirësi i madh. Në këtë ditë nënshkruani kontrata të rëndësishme, përfundoni marrëveshjet, merruni me transaksione financiare ose me çdo lloj mësimi. Është dita më e mirë për kontaktet me jashtë ose për planifikimin afatgjatë.


E premtja

Dita e Venerës është dita e duhur për t’iu përkushtuar partnerit, fëmijëve, familjes. Është e shkëlqyeshme për të gjithë përgatitjet për vikend, pushim, masazh, argëtim, relaksim, blerje.


E shtuna

Saturni dominon në ditën e gjashtë të javës dhe kjo është dita kur shpirtin dhe forcën tuaj duhet t’ua dhuroni të tjerëve. Ndihmoni të sëmurët, të dëmtuarit, vizitoni gjyshen ose gjyshin, ushqeni të uriturit, vizitoni tempujt, varret. Po ashtu, është mirë që një pjesë të ditës ta kaloni në qetësi, pastrim, punë spirituale.


E diela

Dita e Diellit. Ditë ideale për pushim më aktiv, familje dhe planet për javën e re.

Ditët kanë kuptim të vërtetuar dhe nga mësimet astrologjike:


E hëna

Dominon planeti i Hënës. Është ideale për aktivitet shtëpiake, mbjelljen e bimëve, për komunikimin me nënën, për t’iu përkushtuar masave të gjera popullore. Kjo ditë është e volitshme për zgjidhjen e problemeve që kanë të bëjnë me nivelin mendor. Ka ndikim të mirë për psikologjinë, parapsikologjinë, okultizmin, magjistarët. Ngjyra e cila mbretëron në këtë ditë është e bardha ose e argjendta.


E marta

Mbart tonin e aksionit, atë luftarak dhe të temperamentit. Të martave dominon planeti i Marsit në astrologji. Kur për disa gjeste na nevojitet guxim dhe vetëbesim, atëherë është mirë të hidhemi në aksion pikërisht të martën. Ngjyra e cila dominon këtë ditë është e kuqja. Nëse jemi të rrethuar me ngjyrë të kuqe, kjo do të na nxisë energjinë e zjarrtë, të thekshme, inicuese të Marsit.


E mërkura

Është ditë e volitshme për studentë dhe për të dhënë provimet. Kjo ditë bart energjinë e Merkurit dhe është e lidhur me ngjyrën e gjelbër. E volitshme është për komunikimet e të gjitha llojeve, lexim dhe shkrim, korrespodencë dhe udhëtime. Ngjyra e cila mbretëron këtë ditë është e gjelbra.


E enjtja

Ditë e volitshme për çdo aktivitet. Kjo është dita në të cilën dominon planeti Jupiter. Më herët njerëzit janë martuar të enjteve për të fituar bekimet e Jupiterit, i cili siguron lumturi të përhershme dhe stabile. E enjtja është ditë e volitshme edhe për arsim të lartë, zgjerim në të gjitha aspektet. Ngjyra e cila dominon Jupiterin është e verdha e limonit, e verdha e çelët.


E premtja

Ditë për kënaqje dhe dashuri. Të premten dominon Venera. Ngjyra e cila është e lidhur me këtë ditë është ajo rozë.


E shtuna

Pas të gjitha ditëve, ka ardhur “energjia e zymtë dhe errët” e së shtunës. Në të dominon planeti i Saturnit, të cilin shumë e quajnë "mësuesi-torturuesi", para së gjithash duke na e bërë të ditur që Saturni nuk sjell vështirësi pa arsye. Kjo ditë është e volitshme që në mënyrë të disiplinuar të bëjmë atë që kemi shtyrë për një kohë të gjatë. Paradoksi është që njerëzit e zakonshëm dalin të shtunave për t’u argëtuar dhe për të kaluar kohë të mirë, por kjo ditë më shumë është e caktuar për pendesë dhe asketizëm, sesa për zbavitje. Ngjyra e lidhur me këtë ditë është e zeza.


E diela

Kjo është ditë e volitshme për rishikimin e egos tuaj. Është e lidhur me të gjitha aktivitetet që kanë të bëjnë me shefa, eprorë, etër dhe në përgjithësi njerëz me autoritet. Është ditë e volitshme për punë me energjitë solare. Ngjyra e cila është e lidhur me këtë ditë janë verdha ose e arta.

Burimi: KohaNET

[aliu]

sa mire . me fund kuptoj se cdo gje eshte bere shume mire , por me mire do ishte qe te dilnin .