300 klerikë të krishterë kërkojnë falje për luftërat e kryqë

[tetari]

03 dhjetor 2007

Si kthim ndaj gjestit të vullnetit të mirë të 138 dijetarëve islamë, 300 dijetarë të krishterë dhe klerikë nga e tërë bota kanë nënshkruar një letër duke kërkuar falje nga muslimanët për luftërat e kryqëzatave dhe reperkusionet e Amerikës të ashtuquajtura Lufta kundër terrorizmit.

"Dëshirojmë të fillojmë me pranimin se në të kaluarën (në ekspeditat e kryqëzatave) dhe në ditët e sotme (në ekceset e luftës kundër terrorizmit) , shumë të krishterë kanë qenë gabimtarë ndaj fqinjëve tanë muslimanë" qëndron në letrën e cila u publikua në konferencën mediatike në Abu Dhabi të hënën me 26 nëntor.
"Para se "të përshëndetemi dhe tu japim dorën" në përgjegjen ndaj letrës suaj, kërkojmë falje nga I Gjithëmëshirshmi dhe nga bashkësia muslimane e mbarë botës" ceket në letrën " Të duhet Zoti dhe fqinjët bashkë."

Luftërat e kryqëzatave kanë qenë seri të konflikteve ushtarake me karakter fetar, të inicuar nga pjesa e madhe e Europës së krishterë ndërmjet viteve 1095 dhe 1291, dhe shumica e tyre kanë qenë të miratuar nga ana e papës së kishës rimokatolike, në mënyrë që të pushtohet Al Kudsi dhe të mirret ky qytet nga duart e muslimanëve.

Vatikani asnjëherë nuk ka kërkuar falje për këto ekspedita të krishtera.

"Ky është një gjest i pashembulltë për mundësinë që të tejkalohet jazi ndërmjet muslimanëve dhe të krishterëve, të cilët përbëjnë rreth 55 % të popullatës botërore" tha dijetari islam Al-Habib Ali Al-Jafri në konferencën mediatike.

Në fillim të tetorit, 138 dijetarë islamë, duke përfshirë edhe Al-Jafrin, ju dërguan letër klerit botëror të krishterë, duke përfshirë edhe papa Benediktin XVI, me thirrjen për dialog, të bazuar në principet e përbashkëta ndërmjet islamit dhe krishterimit.

Ajo thirrje, veç ka gjetur miratim te shumë liderë jo-katolikë, duke përfshirë peshkopin e kishës anglikane Canterbury Rowan Williams, udhëheqësin e organizatës botërore të Luteranëve peshkopin Mark Hanson, udhëheqësin e këshillit të kishave botërore Rey Samuel Kobi dhe udhëheqësin e kishës prezbiteriane amerikane Clifton Kirkpatrick.

Nënshkruesit e një letre tjetër, shumica klerikë nga SHBA –ja, kanë shkruar se janë thellë
"të inkurajuar" dhe të "sfiduar" me letrën e muslimanëve.

"E kemi pranuar këtë letër të hapur si dorë të muslimanëve për shoqërisë të mirë dhe për bashkëpunim drejtuar të krishterëve nga e mbarë bota" kanë shkruar ata.

"Në këtë përgjegje ne ju zgjasim dorën tonë të krishtere, në mënyrë që bashkërisht me të gjithë qeniet tjera, ne të mund të jetojmë në paqe dhe drejtësi ashtu si angazhohemi të dojmë Zotin dhe fqinjët tanë."
Miroslav Volf, themeluesi dhe drejtori i qendrës Yale për religjion dhe kulturë, i cili e ka përpiluar këtë letër të përgjegjeve, ka thënë se ata shpresojnë se ajo do të ndikojë në uljen e dallimeve ndërmjet muslimanëve dhe të krishterëve. Ai shpreson se letra e muslimanëve dhe e të krishterëve do të shërbejë si dërrasë kërcimi për një dialog më serioz dhe më studioz sesa si një dialog "ekumenik i zbukuruar" ndërmjet këtyre dy religjioneve.
"Ne jemi të bindur se hapi ynë i ardhshëm do të jetë te liderët tanë që të takohen në çdo nivel dhe të fillojnë një punë serioze të planifikimit në mënyrë që Zoti dëshiron për ta plotësuar kërkesën që ta dojmë Zotin dhe fqinjët tanë."
Al – Jafri, dijetari musliman, tha se muslimanët do të ndërmarrin hapa pozitivë në numër më të madh në ditët që do të vijnë.
"Do të mbajmë më shumë takime dhe konferenca në të gjitha nivelet në mënyrë që ta pasurojmë dialogun ndërfetar".