Fëmija fillon të mësojë gjuhën, që në barkun e nënës

[Erinaa]

Ndërsa janë ende në bark, bebet mësojnë gjuhën e nënës së tyre.

Ky është rezultati i një studimi të fundit të kryer nga një universitet në Uashingon, drejtuar nga Patricia Kuhl.

Foshnjat e sapolindura janë në gjendje të dallojnë tinguj të shprehjeve të ndryshme, pasi kanë filluar që gjatë shtatzënisë të ambientohen me këto tinguj, raporton noa.

Shqisat e të dëgjuarit fillojnë të zhvillohen gjatë javës së 30-të, dhe sipas këtij studimi ka rezultuar se fetusi dëgjon bisedat e nënës gjatë 10 javëve të fundit të shtatzënisë.





Kështu që në momentin e parë që vjen në jetë është në gjendje të “shfaqë” atë që ka dëgjuar.

“Tingujt e vokalit gjatë bisedës së nënës, janë ato më të lartët që fetusi ndjek automatikisht. Ky është studimi i parë që tregon se fetusi mëson gjatë shtatzënisë tingujt e gjuhës, pasi deri më tani mendohej se një veprim i tillë ndodhte më vonë”, shpjegon Patricia Kuhl.

Pjesë e këtij studimi janë bërë rreth 40 të sapolindur në Amerikë dhe Zvicër, të cilëve u janë dhënë për të dëgjuar tinguj nga gjuha e nënës dhe gjuha e huaj.

Foshnjat e sapolindura ishin në gjendje të dallonin tingujt e gjuhës së huaj nga tingujt e gjuhës së nënës së tyre, për të cilën tregonin më tepër interes.

[labja]

po pse sthua ti
ti bej kurs anglishteje qe ne bark femijes un ahaha