Krim në familje në Vlorë, 21-vjecari i dehur masakron me thikën e bukës të atin

**Erinaa** · 06-01-2013, 01:28 PM

VLORË- Një krim i rëndë i ndodhur rreth orës 3:00 të mëngjesit të sotëm ka tronditur qytetin bregdetar të Vlorës. Djali 21-vjecar ther 10 herë më thikë të atin, familjarët tentojnë të fshehin krimin. Viktima mësohet të jetë Shkëlqim Baraj 43-vjec, ndërkohë që autor është djali i tij 21-vjecar Ermal Baraj.

Nga hetimet paraprake mësohet se krimi i rëndë ka ndodhur mëngjesin e sotëm rreth orës 3:00 në banesën e familjes Baraj në lagjen “Rilindja”. Sipas policisë i riu është kthyer në shtëpi në gjendje të dehur dhe pasi ka debatuar ashpër me të atin në gjaknxehtësi e sipër ka marrë thikën e bukës dhe ka qëlluar për vdekje me 10 thika në trup të atin 43-vjecar, ndërkohë që vetë ka marrë plagë në këmbë.

Ps krimit makabër, autori i krimit ka dërguar më pas të atin në spitalin rajonal të Vlorës, ku ka kërkuar mjekime edhe për veten.

Menjëherë bluzat e bardha kanë lajmëruar policisë, e cila njofton se familjarët tentuan fillimisht të fshehin krimin duke deklaruar se viktima ishte vetëvrarë me qëllim mbrojtjen e 21-vjecarit. Ndërkohë, që pas ekspertizës së mjekëve të cilët konstatuan se goditja ka qenë ballore, familjarët kane dhënë version e saktë duke konfirmuar edhe krimin e rëndë të ndodhur në familje.

21-vjecari po mbahet në vëzhgimin e policisë në spitalin e Vlores dhe pas mjekimeve pritet të bëhet edhe arrestimi i tij