Nje superkompjuter që do të simulojë trurin njerëzor

[Kliton]

Superkompjuteri që do të simulojë trurin njerëzor

Megjithëse jemi në shekullin e 21-të, mbeten ende shumë mistere të pazgjidhura kur vjen puna tek truri i njeriut.

Ai është një ‘makineri’ aq e komplikuar, sa që neuroshkencëtarët përpiqen gjithmonë e më tepër të arrijnë ta kuptojnë.

Një përpjekje e re shkencore do të synojë pikërisht të zbulojë disa nga këto mistere duke krijuar një simulim tepër të detajuar të trurit njerëzor.

Faktikisht, shkencëtarët do të përdorin një superkompjuter për të riprodhuar trurin tonë.

Në projektin Human Brain Project janë financuar 1.6 miliardë $ dhe janë angazhuar mbi 200 kërkues. Ai është projekti më i madh dhe më ambicioz i llojit të vet.

Për vënien në punë të tij nevojiten pajisje të veçanta harduere – paketimi i simulimit në një kompjuter të vetëm do të kërkonte një sistem 1000 herë më të fuqishëm se superkompjuterat e sotëm.


Superkompjuteri Titan arrin 20 petaflops fuqi përpunimi





Zyrtarisht projekti do të fillojë gjatë vitit 2013. Evropës do t’i duhet 10 vjet për të krijuar një hartë të 100 miliardë neuroneve që lidhen nga 100 trilion sinapse e që përbëjnë së bashku trurin njerëzor.


Specifikimet
Titan është një superkompjuter Cray XK7, i cili përmban 18,688 procesorë (CPU) Advanced Micro Devices 16-core Opteron 6274 me 18,688 GPU (graphics processing units) Nvidia Tesla K20. Procesorët grafikë (GPU) përdoren për të ekzekutuar disa zbatime matematikore dhe shkencore, ndërsa CPU-të janë më të efektshëm në përpunimin serial. Kombinimi i fuqive të CPU-ve dhe GPU-ve, bën që superkompjuterët të japin rezultate në një mënyrë më efikase.

Titan është ndërtuar në 200 kabinete serverësh dhe ka të njëjtën madhësi si Jaguar-i. Ai ka 700TB memorie. Titan konsumon 9 megavat energji dhe kostoja vjetore për përdorimin e një superkompjuteri mund të shkojë deri 10 milionë $ në vit. Sfida e radhës për superkompjuterët është arritja e performancës në exaflop, e cila është në fakt 1000 petaflop, në vitin 2018.
ORNL i përditëson superkompjuterët çdo 3 ose 4 vjet dhe pritet që përditësimi i madh për Titan-in të ndodhë në vitin 2016. Po ashtu, parashikohet që një sistem exaflop të hyjë në punë deri në vitin 2020.