Vjen versioni beta i Avast 8 Antivirus

[vaaldr1n]

Antivirusi falas i popullarizuar, Avast, ngadalë po përparon drejt versionit të vet të tetë, por para publikimit zyrtar, autorët kanë vendosur ta lëshojnë në qarkullim versionin beta të paraparë për testim publik.

Risitë përfshijnë interfejsin e ridizajnuar, të përshtatur me filozofinë katrore të Windows 8, si dhe veglën e quajtur “Software Updater”, e cila do të jetë e ngarkuar me detyrën që rregullisht të marrë versionet e reja të aplikacioneve tuaja nga Interneti. Tutje, shfrytëzuesit të cilët do ta kenë fatin e keq që të kenë punë me browserët e stërngarkuar me shiritat me vegla do të kenë në dispomim veglën Browser Cleanup, që ka për detyrë që këta shirita t’i largojë pamëshirshëm. Dhe në fund, Avast 8 sjell edhe përmirësime standarde të efikasitetit të engine për njohjen e virusëve në kohë reale.

Sidoqoftë, nëse dëshironi të provoni këtë softver duhet të kini parasysh që tani për tani nuk punon me Windows 8 dhe që vuan nga shumë bugë në interfejs.


Burimi: Koha.net