Lindjet e para, 2008 "vit mashkull"

[Altin111]

Nga 12 bebe të lindura natën e ndërrimit të viteve, 8 ishin djem

Viti 2008 do të jetë viti i meshkujve. Pjesa më e madhe e bebeve që kanë lindur fill pas orën 00:00 kanë qenë çuna. Bebja e parë që lindi si në maternitetin "Mbretëresha Geraldinë", ashtu edhe në shtëpinë e gruas "Koço Glozheni", ishte djalë. Edhe gjatë tri ditëve të para të vitit, shumica e lindjeve kan qenë e gjinisë mashkullore. Sipas statistikave të maternitetit më të madh të Tiranës, "Mbretëresha Geraldinë", në datën 1 janar të vitit 2008 kanë lindur 12 fëmijë. Plot 8 prej tyre kanë qenë djem dhe vetëm 4 nga të lindurit kanë qenë vajza. Ndërsa për tri ditët e para të vitit, deri dje në mesditë, kanë lindur plot 30 fëmijë. Të njëjtat shifra raportohen me përafërsi edhe në spitalin "Koço Glozheni".

Kështu, sipas një mesatareje aritmetike, çdo ditë kanë lindur mesatarisht nga 10 fëmijë, shumica prej të cilëve djem. Për sa i takon "kampionatit të lindjeve" të vitit 2007, mes meshkujve dhe femrave rezultatet priten të bëhen publike pas datës 15 janar. Kjo pasi gjatë këtyre ditëve sektori i statistikave po mbledh të dhënat dhe shifrat e lindjeve të një viti më parë.

"Vetëm në datën 1 janar kanë lindur plot 12 bebe, mes tyre 8 meshkuj dhe 4 femra, ndërsa për tri ditë me radhë janë bërë mesatarisht 10 lindje çdo ditë", sqaroi dje sektori i statistikës për gazetën "Shqip". Në këto bilance raportohen të lindurit në total, numri i meshkujve, femrave, numri i vdekjeve amtare dhe foshnjore, numri i të lindurve binjakë, trinjakë apo katërnjakë, si dhe statistika të tjera vjetore, të cilat arkivohen në regjistrat përkatëse. Ndërsa Bashkia e Tiranës ka bërë publike iniciativën e re të shpërblimit të bebeve.

Shpërblimi i lindjeve

Bashkia e Tiranës ka vendosur të shpërblejë të gjithë fëmijët që do të lindin. Këtu bëhet fjalë për të gjithë fëmijët e regjistruar. Pas "legalizimit" të tyre, Bashkia e Tiranës depoziton plot 5 mijë lekë të reja për të çelur kështu një llogari për çdo fëmijë të lindur. Ka qenë vetë kreu i Bashkisë së Tiranës, Edi Rama, i cili i ka dhënë personalisht çekun fëmijës së parë të lindur në maternitetin "Koço Glozheni". "Kështu çojmë një shumë për llogari të fëmijëve të porsalindur", sqaroi Rama. Në shumicën e rasteve, ky çek nuk ka shkuar për llogari të të porsalindurve, por për të përmbushur disa nga nevojat e tyre fillestare. Shumë pak familje në Shqipëri kanë menduar kaq "herët" për krijimin e një llogarie personale për fëmijët.

Megjithatë, Bashkisë së Tiranës për datën 1 janar 2008 i është dashur të depozitojë në disa "llogari" shpërblimin prej 5 mijë lekësh të reja, pasi pothuajse të gjithë të lindurit kanë qenë të regjistruar. Megjithëse në spital nënat, të cilat u kanë dhënë jetë fëmijëve në natën e ndërrimit të viteve, kanë pasur 2 gëzime në një ditë. Gëzimi i parë ai i lindjes së fëmijëve dhe i dyti një kujtim për kalimin e natës së ndërrimit të viteve në maternitet.

Festa

Nuk ka qenë ndonjë festë e madhe data 31 dhjetor për ata mjekë që lapsi iu ka rënë të rrinin në punë në datën 31 dhjetor-1 janar. Për ta ka qenë një natë si gjithë netët e tjera, një ditë pune e cila edhe vlerën e pagesës e ka pasur të njëjtë. Secili mjek, specialist, punonjës teknik, është shpërblyer me shumën 10 mijë lekë të reja për gjithë punën e bërë në vitin 2006.

Ashtu sikurse u mor edhe vendimi i dhjetorit, e gjithë administrata do të shpërblehej për Vitin e Ri me shumën 10 mijë lekë të reja. Si pjesë e kësaj administrate u përfshinë edhe mjekët e punonjësit e spitaleve, një pjesë e të cilëve la familjen dhe kaloi Vitin e Ri në punë si çdo ditë tjetër normale të vitit.

[kuklla]

TE TE RROJNE ALTIN

[Altin111]

TE TE RROJNE ALTIN

Si kam bere un me

[kuklla]

E PO TI RROJNE ATEHERE

[ReniX]

hajt tu rroje! dhe sa me te bukur e me inteligjent!