Perdhunohet ne qeli, ne cmendine i mituri

[Altin111]

E Diele, 06 Janar 2008

FIER - Nje i burgosur i moshes 15-vjecare dyshohet se eshte perdhunuar per dite te tera nga “shoket”, me te cilet ndante qeline. Skandali mesohet se ka ndodhur me shume se nje vit me pare, ne dhomat e paraburgimit te Drejtorise se Policise se Qarkut te Fierit. Lajmi konfirmohet per “Koha Jone”, nga nje ish-i denuar dhe nga nje prej uniformave blu, qe kerkon te mbetet anonim. Sipas dy deshmitareve, i mituri me iniciale A.H., nga rrethi i Fierit (per arsye etike “KJ” nuk jep te dhenat e plota), eshte bere prè e dhunes seksuale nga disa te denuar. Krimi i shemtuar, dyshohet se ka ndodhur ndersa mbysnin me zerat e tyre, britmat e 15-vjecarit.

I mituri, me iniciale A.H, ne fillim te vitit 2006, pas nje grindjeje te meparshme, qelloi per vdekje nje 18-vjecar. Familjaret e tij treguan perpara oficereve te policise gjyqesore se djali ishte dhunuar disa dite me pare nga viktima, ndersa u vertetua se edhe ne momentin e krimit viktima dhe dy shoket e tij ishin duke rrahur me grushte dhe shkelma te miturin. Autori u vetedorezua ne polici. Mbrojtja kerkoi “arrest shtepie” duke pretenduar se ai ishte ndodhur ne kushte te nje sulmi te pabarabarte nga tre persona me te rritur ne moshe ishte i mitur, dhe u pendua per krimin e kryer. Gjykata e Rrethit te Fierit nuk e pranoi atehere kerkesen per nje mase me te lehte sigurie. Per gati nje vit me radhe, i mituri u detyrua te ndante qeline me disa te rritur ne dhomat e tejmbushura te paraburgimit te Drejtorise se Policise se Qarkut te Fierit.

Ish-i burgosuri nga qyteti i Fierit me iniciale P.Xh., 20 vjec, eshte liruar nga burgu rreth nje vit me pare, me dekretin e amnistise te shpallur nga ish-Presidenti i Republikes, Alfred Moisiu. Ai tregon per “Koha Jone” se ne fillim te vitit 2006, ndodhej ne qeline me numer 9, ne paraburgimin e Fierit. “I mituri eshte perdhunuar nga dy te rritur ne qeline me numer 13. Kete e them me siguri, pasi kjo qeli ndodhej perballe asaj ne te cilen ndodhesha une. Ishin dy te paraburgosur, njeri nga qyteti i Fierit dhe njeri nga nje fshat i afert, te cilet ushtruan per dite te tera dhune seksuale mbi 15-vjecarin A.H. I mituri qante, por shoket e qelise bertisnin qe te mos degjohej zhurma”.

Deshmia tronditese e ish-te burgosurit nuk perfundon ketu. Ai tregon se disa dite me pas, aktet e konsumuara ne qeline numer 13 filluan te “bien ere”. “Nje dite, efektivet e policise te ngarkuar per ruajtjen e dhomave te paraburgimit, erdhen dhe dhane urdher qe i mituri te transferohej. Ai u soll ne qeline me numer 8, qe ishte ngjitur me timen. Edhe ketu e njejta histori. Disa te burgosur te tjere abuzonin seksualisht me 15-vjecarin”. Ai tregoi se kjo histori zgjati me muaj te tere, derisa i mituri u denua dhe u dergua per te vuajtur denimin ne burgun e Rrogozhines.

Djali shkoi dy here ne psikiatri

Dhuna seksuale, fizike dhe psikologjike e ushtruar mbi te riun, qe tashme ka mbushur 17 vjec, mesohet se ka shkaktuar tronditje psikike tek i burgosuri me iniciale A.H. Familjaret e tij, te kontaktuar nga “Koha Jone”, kane treguar se djaloshi ka filluar te behet shume agresiv dhe i mbyllur ne vetvete. “Gjate 5 muajve te kaluar ne burgun e Rrogozhines, i kemi cuar tre here medikamente per qetesim nervor. Kur i kerkonim ndonje shpjegim, ai na thoshte: “Me lini te qete. Per kete keni ardhur?”. Tashme ai eshte larguar nga ky burg ku ishin vetem te rritur dhe eshte stabilizuar ne nje institucion tjeter te vuajtjes se denimit, ne Tirane, ku ndodhet me bashkemoshatare te tij. Familjaret tregojne se i riu eshte derguar dy here ne spitalin psikiatrik te Vlores, pas krizave nervore qe e kane mberthyer. Ne te dyja rastet, ai ka marre trajtim mjekesor te specializuar, por nuk eshte mbajtur per periudha te gjata. “Kemi shkuar disa here ne spitalin e Vlores se bashku me prinderit e tij per t’i cuar ushqime dhe rroba”, tregojne familjaret e 17-vjecarit.

“Frika nga reforma, heshten gardianet”

Nje efektiv i uniformave blu ne Drejtorine e Policise se Qarkut te Fierit tregon per “Koha Jone” se abuzimet seksuale me te miturin A.H. ishin nje argument i perfolur ne ambientet policore ne fund te vitit 2006. “Di se djalin e transferuan nga qelia numer 13 per ne nje qeli tjeter ne dhomat e paraburgimit, tregon polici qe kerkon te mbetet anonim. Nga koleget e mi qe punonin ne dhomat e paraburgimit, mesova se i mituri ishte perdhunuar nga te burgosur te tjere. Ishin fjale qe fliteshin nen ze, pasi askush nuk rrezikon vendin e punes”. Efektivi i policise thote se nuk mund te konfirmoje vertetesine e atyre zerave qe qarkullonin, pasi askush nuk thoshte dicka te sigurt, ne kushtet kur efektivet e policise ishin ne prag te reformes. Polici i intervistuar tregon se perfaqesues nga institucioni i Avokatit te Popullit kane ardhur tre here per te ushtruar kontroll ne dhomat e paraburgimit te Drejtorise se Policise se Qarkut te Fierit. Ata kane kerkuar te kontaktojne me te burgosurit, per te verifikuar kushtet ne te cilat jetojne, por nuk jane lejuar nga drejtuesit, te cilet jane justifikuar se jane shume te zene dhe se kane shume pune.

Mjeket konfirmojne, drejtoresha: “No comment”

Krizat nervore qe ka kaluar 17-vjecari me iniciale A.H., konfirmohen nga disa mjeke te Spitalit Psikiatrik ne Vlore. “Po, eshte e vertete. Pacienti 17-vjecar A.H. eshte shtruar dy here ne pavijonin tone, madje ka ketu edhe nje kartele mjekesore. Por me urdher te drejtoreshes, nuk mund te japim asnje te dhene”. E kontaktuar ne linje telefonike nga “Koha Jone”, drejtoresha Antonela Aga ka kaluar gjithcka me nje “No comment”, duke thene se te dhenat bejne pjese ne sekretin e punes dhe u tregohen vetem prinderve te tij dhe autoriteteve shteterore te autorizuara.

Vrau 18-vjecarin qe po e rrihte

I mituri me iniciale A.H. ishte vetem 15 vjec kur vrau me thike 18-vjecarin me iniciale E.B. Ngjarja ndodhi ne vitin 2006 ne rrethin Fier, ndersa viktima dhe dy shoke te tij kishte sulmuar te miturin me grushte dhe shkelma. Sipas policise, ngjarja kishte ndodhur per shkak te nje konflikti te meparshem per motive te dobeta. Prinderit e 15-vjecarit kane treguar ne polici se djali i tyre ishte dhunuar fizikisht edhe disa dite me pare nga viktima, duke kerkuar te verifikoheshin shenjat e zeza mbi trupin e tij. Brenda disa muajve, Gjykata e Rrethit te Fierit dhe ajo e Apelit ne Vlore perfunduan gjykimin e ceshtjes dhe e denuan te miturin me 14 vjet burg, nga te cilet do te kryeje shtate, per shkak te moshes.

[ReniX]

Shume ngjarje e rende

[kuklla]

ka raste ku cdo fjale, cdo resht, cdo faqe apo gazete eshte pak per te shprehur dhimbjen dde meshiren ndaj atij adoleshenti.

[fati54]

Jam dakord me kukllen