Windows XP është i pashkatërrueshëm

[vaaldr1n]

Kompania analitike Net Applications ka publikuar të dhënat sipas të cilave prej fillimit të këtij viti praktikisht është ndalur rënia e hises së Windows XP mes shfrytëzuesve të sistemeve operative Windows.

Të rikujtojmë që Windows XP është paraqitur në vitin e largët 2001 dhe në mesin e shfrytëzuesve të kompjuterëve është ende shumë i popullarizuar pasi që punon, nuk mërzit, ka opsione të qasshme lehtë, interfejs të qartë, është relativisht stabil dhe i shpejtë. Përkrahja zyrtare, gjegjësisht publikimi i arnimeve të sigurisë për këtë sistem operativ do të ndërpritet pas 8 prillit të vitit 2014. Por, ashiqare që shumë shfrytëzues do të mbesin në të edhe pas skadimit të këtij afati.

Supozohet që prej numrit të përgjithshëm të atyre që kanë sisteme operative Windows, tani për tani madje rreth 40 për qind shfrytëzojnë Windows XP, ku bien edhe shumë kompani (rreth 40 për qind). Kjo e bën Windowsin e dytë më të popullarizuar në botë, pas Shtatëshit të shkëlqyeshëm.

Sa do të bjerë kjo përqindje, mbetet të shihet pas skadimit të përkrahjes zyrtare të Microsoftit në vitin e ardhshëm.


Burimi: Koha.net