Allahu i Madhëruar

[abdullah92]

Allahu i Madhëruar

Allahu i Madhëruar është Zoti i botëve, Krijuesi i qiejve dhe yjeve, Krijuesi i tokës dhe çdo gjë që gjendet në të, Krijuesi i deteve dhe lumenjve, Rrotulluesi i natës dhe ditës, thotë Allahu i Madhëruar: Vërtet, Zoti juaj, All-llahu, është Ai që krijoi qiejt dhe tokën brenda gjashtë ditësh, pastaj qëndroi mbi Arshin, Ai e mbulon ditën me natën, që me të shpejtë e kërkon atë (mbulimin e dritës së ditës), edhe dielli, edhe hëna e edhe yjet i janë nënshtruar sundimit të Tij. Ja, vetëm Atij i takon krijimi dhe sundimi. I madhëruar është All-llahu, Zoti i botëve. (A`raf, 54)

Thotë Allahu i Lartëmadhëruar: S’ka dyshim, All-llahu është zbërthyes i farës (i kokrrës së saj) dhe i bërthamës (së pemës). Ai nxjerr të gjallin nga i vdekuri dhe Ai është nxjerrës i të vdekurit nga i gjalli. Ky është All-llahu, e si atëherë shmangeni (nga besimi)? Ai është krijues i dritës së mëngjesit. Natën e bëri kohë pushimi, e diellin dhe hënën për llogaritje të kohës. Ky (rregull) është caktim i të plotfuqishmit, i gjithëdijshmit. Ai është që krijoi yjet për ju që me ta të orientoheni në errësira kur jeni në tokë ose në det. Vërtet Ne i shpjeguam argumentet tona për një popull që di të mendojë. Ai është që ju krijoi (filloi) prej një njeriu; aty (mbi tokë) jetoni (qëndroni) dhe nën të do të pushoni. Ne ia sqaruam argumentet një populli që di të kuptojë. (En`am, 95-9

Allahu është Krijuesi i njeriut në formën më të bukur dhe më të përsosur, thotë Allahu i Lartësuar: Vërtet, Ne e krijuam njeriun në formën më të bukur. (Tin, 4)

Dhe thotë Allahu i madhëruar: A nuk i dhamë Ne atij dy sy? Edhe gjuhë e dy buzë? (Beled, 8-9)

Allahu është Krijues i çdo gjëje, Atij i takon Sundimi dhe Falënderimi, Ai ka mundësi për çdo gjë, e din të padukshmen dhe të dukshmen.

Ai i ka emrat më të bukur dhe cilësitë më të larta, askush nuk është sikur Ai, Ai ka mundësi për çdo gjë, s`ka të adhuruar tjetër me meritë përveç Tij, thotë Allahu i Madhëruar: All-llahu ka emrat më të mirë, andaj Atë thirreni me ata e hiquni nga ata që bëjnë shtrembërime me emrat e Tij. Ata kanë për t’u shpërblyer (me dënim) për veprimet e tyre. (A`raf, 180)

I pastër është Allahu nga ajo që ia përshkruajnë se ka grua dhe fëmijë, ortak dhe të ngjashëm me të, thotë Allahu i Lartësuar: Thuaj: Ai, All-llahu është Një! All-llahu është Ai që çdo krijesë i drejtohet (i mbështetet) për çdo nevojë. As s’ka lindur kë, as nuk është i lindur. Dhe Atij askush nuk i është i barabartë. (Ihlas, 1-4)

Dhe thotë Allahu i Madhëruar: Dhe se lartësia e madhëruar e Zotit tonë nuk është që ka as grua, as fëmijë. (Xhin, 3)

Allahu i Madhëruar është i përsosur në të gjitha vetit e Tij, Ai e meriton lavdërimin dhe madhërimin, vetëm Ai e meriton adhurimin dhe askush tjetër përveç Tij nuk e meriton adhurimin, Ai është afër (me dëgjimin dhe shikimin e tij) ndaj robërve të Tij, i dëgjon ankesat e tyre dhe iu përgjigjet lutjeve të tyre, kush merr ndonjë ndërmjetësues prej idhujve apo ndonjë njeri në mes tij dhe Allahut dhe mendon se në këtë person ka diçka të veçantë në të që ai ndërmjetëson tek Allahu për të, ai ka bërë shirk në adhurimin e Zotit të Tij, sepse adhurimi është e drejtë vetëm e Allahut të Madhëruar dhe e askujt tjetër prej krijesave të Tij, ashtu siç vepruan mushrikët në kohën e kaluar dhe ashtu siç veprojnë disa nga injorantët e kësaj kohe duke i adhuruar njerëzit e mirë duke i marr ndërmjetësues mes tyre dhe Allahut për tu afruar tek Allahu.

Shumë njerëz kanë devijuar në të drejtën (hakun) e Allahut të madhëruar, disa grupe ia mveshën se gjoja Allahu ka fëmijë këtë e thanë jahudit dhe krishterët, kurse disa të tjerë ia mveshën se gjoja Allahu ka vajza këtë e thanë disa idhujtarë arab, disa të tjerë krijimin ia potencuan dikujt tjetër përveç Allahut dhe thanë se ka krijues të mirës dhe të keqes, këtë e thanë mexhusit (zjarrëputistët), grupi tjetër e mohun ekzistimin e Allahut dhe e mohuan se Ai ka krijuar diçka në ekzistencë, po ashtu disa të tjerë e mangësuan Allahun nga cilësitë e Tij të përsosura sikurse jahudit që shpifën për Allahun dhe thanë se Allahu është koprrac, kanë thënë dora e Allahut është e shtrënguar, pastaj kanë thënë se Allahu kur e ka krijuar universin është ulur për të pushuar, i pastër është Allahu i Lartësuar nga të gjitha këto që ia mveshin jobesimtarët.

Pastaj, ekzistojnë disa grupe që mbahen si musliman që e cilësuan Allahun me disa veti që Allahu është i pastër prej tyre, i mohuan cilësitë e Allahut për të cilat kanë ardhur argumente në Kuran dhe Sunnetin e vërtetë, disa prej tyre shkuan aq larg saqë ia mohuan Allahut çdo cilësi, kurse disa të tjerë shkuan në ekstrem kur e përngjasuan Allahun me krijesat e Tij, besuan se Allahu është i ngjashëm me krijesat, i pastër dhe pa të meta është Allahu i Lartëmadhëruar nga këto bindje të prishura, Allahu ka cilësi të përsosura dhe të larta, emrat e bukur të Tij janë të vërtetuar me Kuran dhe Sunnet, ne nuk shtojmë asgjë dhe as nuk pakësojmë asgjë nga ajo që na ka treguar Allahu në Kuran dhe i Dërguari salAllahu alejhi ve selem në hadithet e tij. Kurani fisnik dhe sunneti i të Dërguarit salAllahua lejhi ve selem janë të mbrojtur nga devijimi, ato janë dy burime që na njoftojnë për Allahun e Madhëruar dhe për emrat e bukur të Tij, na mësojnë për fenë e Tij dhe sunnetin e të Dërguarit të Tij, e lusim Allahun që të na forcon në të deri në atë ditë kur do ta takojmë Atë, Ai ka fuqi për çdo gjë.

O Allah bëri që veprat tona të fundit të jen veprat më të mira, bëre ditën tonë më të mirë ditën kur të takojmë Ty, na bënë që të takohemi me ata që i begatove me të mira afër Teje dhe paqja dhe shpëtimi i Allahut qoftë mbi të Dërguarin e Allahut Muhammedin salAllahu alejhi ve selem.

Përgatiti: -Ebu Merjem-

Bota Islame
www.kurandhesunet.net