Prodhohen enët që s’kanë nevojë për t’u pastruar

[Erinaa]

Një lajm i mirë vjen për gjithë ata që janë lodhur nga pastrimi i enëve në Suedi. Studioja për dizajn „Tomorow machine" ka prodhuar pjata dhe gota që kurrë nuk duhet të pastrohen.







Ky prototip i enëve të pazakonta janë bërë në bashkëpunim me kompaninë hulumtuese „Innvetia“ dhe Institutin Mbretëror të Teknologjisë në Stokholm, me kërkesë të Federatës suedeze të Industrisë së Pyjeve.

Produkti i ri ka për qëllim të tregojë cilësinë e materialeve të reja të zhvilluara në bazë të celulozës, të cilat janë shumë të lehta, të ngurta, por edhe elastike.

Ky produkt kursen ujin dhe nuk ka nevojë për asgjë për t’i pastruar, thonë disenjatorët, transmeton Los Angeles Times.

Disenjatorët Ana Bilkvist dhe Anna Glansen, të specializuara në paketimin e ushqimit, thanë se enët janë bërë me teknologji të re që janë rezistente ndaj ujit dhe yndyrës. Pas përdorimit të tyre është e mjaftueshme për t’i lënë anash dhe do të pastrohen vetë.

Inovacioni do ta bëjë jetën më të lehtë jo vetëm për njerëzit, por do të ndihmojë në mbrojtjen edhe të mjedisit, për kursim të ujit e të energjisë dhe nuk kërkon përdorimin e pastruesve. Kjo është një teknologji e re që është ende në zhvillim dhe nuk është gati për prodhim industrial, thonë në kompaninë suedeze.