Drogat që “shkurtojnë” dënimet e të burgosurve

[Erinaa]

Bioteknologjia e së ardhmes mund të përdoret për të mashtruar mendjen e të burgosurit kinse ata janë duke vuajtur një dënim me burg prej 1 mijë vjetësh, ka pohuar një grup shkencëtarësh.

Filozofja Rebecca Roache është në krye të një ekipi që është fokusuar në teknologjitë e së ardhmes që mund të ndryshojnë dënimet. Ajo pohon se dënimi me burg për krime të rënda mund të bëhet edhe më i tmerrshëm duke ua zgjatur jetën të burgosurve.

Duke folur për revistën Aeon, Roache ka thënë se drogat mund të përdoren për të çrregulluar mendjen e të burgosurve, duke shtyrë ata që të mendojnë se koha po kalon shumë më ngadalë.

“Ka shumë droga që njerëzve ua çrregullojnë sensin e kohës. Pra, imagjinoni sikur të zhvillohej një tabletë që do ta shtynte dikë që të mendonte se ata po vuanin një dënim prej një mijë vjetësh”, ka thënë ajo.

Teoria e dytë e Roaches është që mendjen e njeriut ta lidhin me shpejtësinë e kompjuterëve, kështu që ajo të punojë më shpejtë.

“Nëse kjo do të arrihej, atëherë një milenium do të arrihej për tetë orë e gjysmë”, ka thënë ajo.

Për të shkarkuar mendjen e një të dënuari dhe ta bësh që ajo të punojë një milion herë më shpejt sesa mendja normale, do të ekzistonte mundësia që i burgosuri të mendonte se ka vuajtur dënim prej një mijë vjetësh brenda tetë orëve.