E Merkure, 23 Janar 2008

Pamundesia per te siguruar me shume te ardhura me qellim rritjen e djalit te saj te mitur, e ka detyruar qe, pervec detyres se kamerieres ne lokal, te ushtronte edhe zanatin e prostitutes. Agjentet antitrafik te Tiranes kane arrestuar afer Universitetit Bujqesor te Kamzes pronaren e lokal “Mirdites”, Dava Beleshi, 43 vjece dhe punonjesen e saj 29- vjecare, Brunilda C., per venie te ambienteve per prostitucion, shfrytezim dhe ushtrim prostitucioni. Per cdo klient te lokalit hynte si ndermjetese pronarja, ndersa cmimi per cdo akt seksual shkonte ne 5 mije leke. Arrestimi eshte kryer oret e para te mengjesit te djeshem ne zonen e Kamzes, nen kodin “Mirdita”, pasi ambientet survejoheshin prej me se dy javesh nga policia. Policia tha se 29-vjecarja nga Korca, kishte pranuar te bente edhe prostituten per te mbijetuar ekonomikisht, kurse fitimet i ndante se bashku me pronaren e saj.

Menjehere pas ndalimit, dy te dyshuarat jane percjelle per ne Drejtorine e Policise se Tiranes, ku dhe jane marre ne pyetje. Burime zyrtare thane se gjate deshmise se saj 29- vjecarja ka pranuar veprimtarine e kryer, por me tej ka shpjeguar se ushtronte kete profesion, pasi duhej te rriste djalin e saj te mitur, 4 vjec. Por, gjate investigimit te kryer, agjentet zbuluan se Brunilda C., perdorte nje dhome, qe gjendej ngjitur me lokalin per te ushtruar zanatin, ose motele e hotele rreth e rrotull Universitetit Bujqesor te Kamzes. Pazari ka qene i njejte per cdo klient dhe gjate momentit te ndalimit i jane sekuestruar 5600 leke, qe sapo kishte marre nga nje klient, dy telefona celulare dhe sende te tjera. Lokali gjendej fare prane rruges kryesore, por ky fakt nuk i ka penguar dy grate per te siguruar perfitime.

Agjentet kane mbikeqyrur levizjet e dy te dyshuarave pergjate dy javeve te fundit. Sipas hetimeve te kryera, Dava Beleshi, pronarja e lokalit “Mirdita”, dyshohet se siguronte klientelen e 29-vjecares dhe mbyllte pazarin me te interesuarit. Pasi merrte leket dhe perfundohej puna, nena e nje femije merrte gjysmat e parave. Per te siguruar komoditet ishte mobiluar nje dhome prane ambienteve te lokalit, ku futeshin klientet qe shkonin ne bar-kafe. Po diten e djeshme, lokalit i eshte vene dryni deri ne nje vendim te dyte te policise dhe shprehjen e gjykates. Dy te dyshuarat banonin ne zonen e Universitetit Bujqesor.

Policia:Agjente te infiltruar per aksionin

Agjentet e seksionit te Luftes Kunder Trafiqeve, prane Policise se Tiranes, do te mbanin nen mbikeqyrje levizjet e te dyshuarave, ndersa te tjere te infiltruar do ta vinin veten ne vend te klienteve. Sipas te dhenave te policise, mesohet se gjithcka eshte organizuar fale metodave speciale te hetimit, ne kuader te operacionit me te njejtin emer te hotelit, “Mirdita”. Me prova te forta ne duar, agjentet e policise kane nderhyre ne befasi oret e vona te mbremjes se te henes duke zene me “presh ne duar” 29-vjecaren. Ne cilesine e proves u sekuestruan edhe dy pasaporta, dy cope profilaktik, si dhe nje derdhje bankare.

Te arrestuar:

Dava Beleshi, 43 vjece, pronare e lokal “Mirdita”

Brunilda C., 29 vjece, kameriere dhe prostitute

Sekuestruar:

5600 leke

2 telefona celulare

2 pasaporta

1 derdhje bankare