Stop kontrollit ndaj FSHF-së

[daku323]

FIFA e UEFA: Stop kontrollit ndaj FSHF-së

Penalizim për Shqipërinë, nëse deri më 21 shkurt nuk sheshohen problemet

FIFA dhe UEFA urdhërojnë Ministrinë e Sporteve që të ndalë në mënyrë të menjëhershme kontrollin e brendshëm për Federatën Shqiptare të Futbollit. Me një faks të dërguar në MTKRS, dy institucionet kryesore të futbollit ndërkombëtar kanë bërë të qartë qëndrimin e tyre dhe kanë parashtruar tri pika, të cilat duhet të zbatohen. Sipas përmbajtjes, nëse kjo nuk ndodh, "Shqipëria do të penalizohet".

Në "raundin" e tretë në histori të konfliktit qeveri-FSHF, FIFA dhe UEFA kanë vendosur të përdorin autoritetin e tyre. Tentativat për marrëveshje u kanë lënë vendin kërkesave të bëra në formë urdhri. Gjithçka, ka ndodhur dje, pas një faksi të dërguar në zyrën e drejtuesit të MTKRS-së, Ylli Pango. I firmosur nga sekretari i FIFA-s, Xherom Valke i FIFA-s dhe nga homologu i tij tek UEFA, Dejvid Tejlor, përmbajtja me tri pika nuk linte vend për dyshime dhe as për interpretime. FIFA dhe UEFA kanë kërkuar ndalimin e menjëhershëm të kontrollit të brendshëm të FSHF-së, për fondet që ajo merr nga "qeveria" botërore dhe ajo evropiane e futbollit. "Të ndalohet auditivi i brendshëm në FSHF për fondet e UEFA-s dhe FIFA-s", lexohej në dokumentin zyrtar. Më tej, faksi vazhdonte duke kërkuar fakte për akuzat për shitje ndeshjesh, që qeveria ka bërë kundër kreut të FSHF-së, Armand Duka. Pas dy ndeshjeve të fundit eliminatore në Euro 2008 (humbja 4-2 në Tiranë me Bjellorusinë dhe 6-1 në Bukuresht me Rumaninë), Kryeministri Sali Berisha dhe ministri i Sporteve, Ylli Pango, kanë thënë se rezultatet ishin të diktuara nga "grupe mafioze" (duke iu drejtuar Dukës). Në atë periudhë, zyrtari më i lartë i MTKRS-së kishte pohuar se kishte fakte për ekzistencën e këtyre pazareve me fanellën e kombëtares. Rreth kësaj çështje faksi kërkonte shprehimisht: "Të përpilohen me fakte akuzat ndaj kreut të FSHF-së për trukim të ndeshjeve eliminatore në Euro 2008". Pika e tretë e faksit lidhej me statusin e FSHF-së dhe pengesat që vazhdojnë të nxirren nga ministria. "Të firmoset statusi i FSHF-së, të cilin MTKRS ka premtuar që do ta zbarojë në qershor 2007, ishte kërkesa e tretë e faksit. Statusi duhet të firmoset në mënyrë që të mos pengohet puna e Federatës së Futbollit". Pas tri urdhër-kërkesave ka ardhur edhe ultimatumi. Me sa duket FIFA dhe UEFA nuk pranojnë më justifikime dhe kanë lënë si afat përfundimtar datën 21 shkurt: "Nëse FIFA dhe UEFA nuk marrin konfirmimin e kërkuar me shkrim, brenda afateve të caktuara, dhe duke e konsideruar vazhdimësinë e masave të marra kundër FSHF-së, ashtu si edhe klimën e vazhdueshme të ndërhyrjeve në futboll në vendin tuaj, administrata e FIFA-s dhe UEFA-s, nuk kanë rrugë tjetër përveçse të drejtojnë një raport në mbledhjet e ardhshme të Komitetit Ekzekutiv të FIFA-s dhe UEFA-s, për të ndërmarrë hapat e nevojshme, të cilët mund të çojnë drejt pezullimit të FSHF-së".

[ingal]

KE TE DREJTE DAKU

[daku323]

Lale, kshu shkru gazeta! Un kam mendim tjeter!

Ose me mire me thon, nuk e kom lexu fare ca shkru aty!