Vizat me Maqedonine, arrihet marreveshja

[Altin111]

Shqipëria dhe Maqedonia kanë rënë dakort për të hequr në mënyrë tërësore sistemin e vizave mes tyre por edhe taksat që paguhen në kufij. Kjo marrëveshje është arritur në bisedimet dy ditore që u zhvilluan në Shkup mes ekspertëve të ministrrive të jashtme respektive. Ky raund bisedimesh ishte në vijim të bisedimeve të zhvilluara në Tiranë më 14 Dhjetor 2007 për të njëjtën çështje. Delegacionet diskutuan me hollësi dhe u morën vesh për një marrëveshje të re, e cila do të sigurojë një regjim të lirë pa viza dhe taksë hyrëse ndërmjet dy vendeve. Mbi bazën e këtij teksti për të cilin është rënë dakord, shtetasit e të dy vendeve do të mund të udhëtojnë dhe qëndrojnë lirisht në vendin tjetër, për një periudhë kohore prej 90 ditësh brenda një afati kohor prej 180 ditësh. Gjithashtu, delegacionet diskutuan dhe ranë dakord për një tekst të përmirësuar, i cili do të bëhet protokolli i ri dhe pjesë përbërëse e kësaj marrëveshjeje mbi lëvizjen e shtetasve që jetojnë në zonat kufitare që ndodhen brenda një distance prej 20 km larg kufirit. Ky draft do ti paraqitet tashmë institucioneve të të dyja vendeve për të marrë vendimet dhe më pas marrëveshja do të nënshkruhet nga dy kryeministrat Berisha dhe Gruevski gjatë vizitës që kryeministri maqedonas do të zhvillojë në Tiranë. Po shkon drejt mbylljes kështu një krizë tërësisht artificiale e cila lindi nga pala maqedonase që kërkonte të vendoste një rregjim vizash shumë më konservator me vendet fqinje.

[ingal]

Ky ishte tamam nje lajm i mire..

Iken ne Maqedoni rehat tani.

[fati54]

Po shyqyr qe iu mbush mendja edhe pse kemi Malin e Zi ku shkojme sa here te duam
e te kenaqet syu dhe shpirti me shume.

[daku323]

Mos re se na iku biznesi nga duart!