E Enjte, 07 Shkurt 2008

Ministria e Arsimit korrigjon vonesat e krijuara gjate vitit te kaluar me Maturen Shteterore. Gjithcka sivjet do te jete gati me heret sesa vitin e kaluar, madje duke filluar nga data 1 shkurt, kohe kur MASH hartoi rregulloren e procesit te pranimeve ne universitete. Megjithate, maturantet do te kene mundesi ta marrin sot ne dore nje rregullore te tille, e cila percakton qarte te gjitha procedurat qe duhet te ndjekin maturantet per te marre pjese ne provimet me zgjedhje dhe detyrim. Ndersa gjate vitit te kaluar, hartimi i formulareve filloi ne fund te marsit e duke vazhduar ne prill, sivjet gjithcka do te jete gati brenda shkurtit.

Nje gje te tille e sanksionon rregullorja e Matures Shteterore 2008, e cila hyn ne fuqi per kete vit shkollor. Ajo urdheron qe komisioni i Matures Shteterore prane DAR (RDrejtorive Arsimore Rajonale) dhe ZA (Zyrave Arsimore) te jete gati brenda dates 5 shkurt, gje qe tashme eshte realizuar. Ndersa rregullorja e vjetshme parashikonte afatin deri me 6 prill, pra dy muaj me vone se ne kete vit. Ministria e Arsimit duhet te kete gati deri me date 10 shkurt Formularin A1 (te dhenat e kandidatit dhe kerkesa e tij per provimet e lendeve me zgjedhje) dhe udhezuesin e formularit A1. Ndersa Agjencia e Vleresimit dhe Arritjeve duhet t'i dergoje ato neper shkolla deri me 20 shkurt. Ndersa gjate vitit te kaluar, ky afat ka qene me i vone, deri me 30 mars. Edhe per sa i perket formularit A2 do te pergatiten deri me 1 prill, i cili duhet plotesuar brenda dates 30 qershor. Risite e kesaj rregulloreje do te mund te korrigjojne vonesat e shkaktuara gjate viteve te kaluara me provimet si dhe me shpalljen e rezultateve. "Gjithcka do te jete me shpejt gati, dhe po ashtu edhe procesi i pranimeve ne universitete", u shprehen dje burime nga Ministria e Arsimit dhe Shkences.

Rregullorja e Matures Shteterore, e vlefshme per kete vit shkollor, paraqet me detaje te gjitha te drejtat dhe detyrimet e maturanteve, procedurat qe duhet te ndjekin administratoret e provimeve, sanksionet qe do te ndermerren nese ata kapen duke kopjuar. Por, jo vetem kaq. Rregullorja me e re per Maturen Shteterore i njofton nxenesit se ata mund te ankohen nese verehen shkelje ndaj tyre. Neni 22 i rregullores se Matures 2008, percakton se cdo nxenes ne vitin e fundit te shkolles se mesme, pavaresisht nese jep apo jo provimin me zgjedhje, ploteson dhe dorezon formularin A1 ne KSHMSH-ne e shkolles ku ai meson, brenda dates 10 mars. Formularet e plotesuar dergohen zyrtarisht nga shkolle ne DAR-it dhe ZA, brenda dates 25 mars, se bashku me fotokopjen e tabeles se regjistrimeve dhe me tabelen e plotesuar permbledhese te te dhenave te formulareve.

Rregullat qe duhen zbatuar gjate provimit:

Ndalohet te mbajne celular gjate zhvillimit te provimit

Ndalohet nderrimi i vendeve te percaktuara nga administratori

Nuk lejohet asgje pervec stilolapsit dhe certifikates personale ne tavoline

Ndalohet ngrenia, zhurmat, kopja ose komunikimi me njeri-tjetrin

Cdonjeri duhet te shikoje nga i njejti drejtim

Ndalohet largimi nga mjedisi i provimit pa realizimin e procesit te sekretimit

Nuk duhet demtuar bar-kodi

Ndalohet shfletimi ose shenime ne materialet e provimit

Kandidati paraqitet ne shkolle 1 ore para fillimit te provimit

Administratoret:

Kujdesen qe te mos shkelen pikat e mesiperme

Nuk lejojne ASNJE nxenes/kandidat te kete kohe shtese per provimin

Ndalon hyrjen e individeve te tjere te paautorizuar ne mjedisin e provimit

Kryen procesin e identifikimit te cdo nxenesi/kandidati

Hyrja dhe ndarja e cdo kandidati neper klasa, behet duke ndjekur rendin zbrites te listes emerore te derguar nga AVA

Nxenesi diten e provimit, ka me vete dokument identifikimi

Lejohet hyrja ne provim vetem e nxenesit/kandidatit te shpallur ne liste

Sistemimi i cdo nxenesi behet nje nga nje, sipas rendit te hyrjes se tyre

Ne ato shkolla apo mjedise ku provimi administrohet vetem ne nje klase, sistemimi i nxenesve behet sipas rendit alfabetik

Provimet me zgjedhje

Maturantet e para 2008, si duhet te veprojne

Sipas rregullores me te re te hartuar nga Ministria e Arsimi, te gjithe nxenesit qe ne vitet shkollore 2005-2006 dhe 2006-2007 qe kane dhene vetem provimet e detyruara, por jo provimet me zgjedhje te Matures Shteterore, per t'u regjistruar ne deget e shkollave te larta publike, kete vit duhet te japin provimet me zgjedhje, prane shkollave te mesme ku kane dhene provimet e detyruara. Per kete, ata duhet te bejne kerkese prane Komisioneve te Matures Shteterore te DAR/ZA perkatese, duke paraqitur Deftesen origjinale te Pjekurise. Ndersa mesohet se ata mund te regjistrohen ne shkollat ku keta persona kane kryer shkollat e mesme dhe ne drejtorite arsimore dhe zyrat arsimore ku ka figuruar shkolla e mesme, nese shkolla e mesme apo profili i shkolles se mesme qe kane kryer eshte mbyllur. Ne kete rast, keta persona paraqesin ne kete komision mature vertetimin qe kane mbaruar shkollen e mesme, shoqeruar me notat e 4 ose 5 viteve te shkolles se mesme, leshuar nga drejtori i shkolles perkatese, bazuar ne regjistrin themelor (amza). Gjithashtu, rregullorja percakton edhe dorezimin e 2 kopjeve te noterizuara te defteses se pjekurise, nje kopje te dokumentit te identifikimit te noterizuara, pasaporte ose certifikate lindjeje me fotografi, leshuar jo me vone se tre muajt e fundit si dhe nje kerkese me shkrim per dhenien e provimit me zgjedhje. Komisioni i Matures Shteterore te DAR/ZA-se perkates cakton shkollen e mesme ku keta persona do te plotesojne formularet A1 dhe A1 dhe do te japin provimet me zgjedhje. KMSH i DAR-it apo ZA-se percakton per keta nxenes, ne baze te dokumenteve te paraqitura, noten mesatare te viteve te shkollimit si edhe notat e provimeve te detyruara D1 e D2 dhe ia percjell ato zyrtarisht shkolles ku i cakton.

Procedurat

Maturantet jashte shtetit, si do te aplikojne

Nxenesit shqiptare qe kane kryer arsimin e mesem jashte shtetit, kane te drejte te vazhdojne studimet e larta. Nese kjo kategori nuk i ka dhene provimet ekuivalente me Maturen Shteterore (provimet me detyrim D1 dhe D2 dhe ato me zgjedhje Z1 dhe Z2), per t'u pranuar ne shkollat e larta publike duhet te japin provimet me zgjedhje. Per ta, do te ngrihet nje Komision i Posacem per te shqyrtuar kerkesat e tyre. Megjithate, ata duhet te paraqesin nje sere dokumentesh. Behet fjale per kerkesen me shkrim per te vazhduar shkollen e larte publike, deftesen origjinale me notat e mbarimit te shkolles se mesme, te perkthyera dhe te noterizuara dhe pasaporte ose certifikate lindjeje me fotografi. Sipas rregullores se Matures 2008, paraqitja e dokumenteve behet nga data 1 deri 15 prill 2008. Komisioni, pasi njeh vlefshmerine e defteses shkollore, percakton mbi bazen e dokumentacionit te paraqitur nese provimet e dhena qe figurojne ne kete deftese jane ekuivalente me Maturen Shteterore. Per kete kategori nxenesish, per te cilet Komisioni vlereson se dokumentet shkollore te tyre nuk deshmojne per dhenien e provimeve ekuivalente me Maturen Shteterore, ky komision perllogarit noten mesatare te viteve te shkollimit dhe notat e provimeve te detyruara D1 dhe D2. Keto nota, Komisioni ia percjell zyrtarisht KMSH-se DAR/ZA-ve, ku nxenesi ka vendbanimin, deri ne daten 30 prill 2007. KMSH e DAR/ZA-ve cakton shkollen ku kandidati do te kryeje provimet me zgjedhje dhe ku do te plotesoje formularet A1 dhe A2, duke i percjelle kesaj shkolle dhe notat qe ka percaktuar Komisioni i Posacem. Formularet A1 te plotesuar nga nxenesit per te cilet ben fjale ky nen dorezohen zyrtarisht si edhe ne forme elektronike ne AVA, se bashku me permbledhesen e te dhenave te nxenesve, brenda dates 5 maj.

Ndryshimet

Certifikata e Matures, hiqet neni qe e parashikonte

Neni 6 i rregullores se Matures Shteterore 2008, nuk e permban me piken e cila fliste per pajisjen e maturanteve, kandidate per studente, me certifikaten e Matures. Kjo perben nje risi krahasuar me vitet e tjera. Ne rregulloren e vitit te kaluar, nje gje e tille ishte parashikuar ne nenin 6 pika 10, ku thuhej shprehimisht: "AVA, lidhur me zhvillimin e provimeve te Matures Shteterore, kryen detyrat e meposhtme: "Pajis cdo nxenes/kandidat me certifikate per rezultatet e provimeve te Matures Shteterore, brenda 40 diteve pas shpalljes se rezultatit te provimit te fundit te Matures". Ndersa duket se per kete vit, eshte pare e tepert nje pike e tille, pasi ajo nuk ekziston me. Ne fakt, edhe gjate vitit te kaluar, specialistet e drejtorive arsimore dhe zyrave arsimore e kane gjykuar te tepert kete specifikim, per shkak se te dhenat qe do te jepeshin ne mature, jepen edhe ne deftesen e Matures. Keshtu, ne fakt, dhenia e certifikates me shume i ka ngaterruar sesa u ka zgjidhur pune specialisteve te Ministrise se Arsimit, te cilet kaluan dite te tera per te gjetur certifikata qe kerkoheshin kryesisht per studimet jashte shtetit.