Nëndrejtori i çon letra ngacmuese gjimnazistes

[Altin111]

07/02/2008 “E dashur nëse ke dëshira të parealizuara....”

Një letër e shkruar me dorë nga vet mësuesi i një shkolle të mesme dhe që i është adresuar një nxënëseje të klasës së dytë të arsimit të mesëm, ka vënë Drejtorinë Arsimore Rajonale të Durrësit përballë situatës së vështirë për të zbuluar të vërtetën. Një ditë më parë prindi i vajzës ka shkuar vet në shkollë dhe në katin e dytë, në kohën që nxënësit futeshin në mësim, është përballur me ngacmuesin e gjimnazistes. Shkak për të nisur polemika në prani edhe të nxënësve është bërë dyshimi i vajzës dhe më pas i prindërve të vajzës lidhur me përmbajtjen e letrës, e cila më shumë sesa kërkesë për të ofruar ndihmë u është dukur si ngacmim. Mosha e mësuesit që ka ushtruar edhe detyra të tjera në arsim nuk ka bindur dhe as nuk ka mundur të tërheqë pretendimet e prindërve dhe më pas edhe të drejtuesve të arsimit.

Letra

“E dashur F. nëse ke ndonjë dëshirë të parealizuar mund të më telefonosh në një nga numrat e mi të telefonit”.

Kjo është përafërsisht përmbajtja e letrës së drejtuar adoleshentes 16-vjeçare, e cila ka sjellë edhe bujë e pështjellime në shkollë dhe në institucionin e arsimit në qarkun e Durrësit. Vajza së pari thuhet se e ka biseduar me një shoqen e saj dhe së bashku kanë vendosur të vënë në dije edhe prindërit. Ajo ia ka bërë të ditur të ëmës, e cila i ka kërkuar vajzës të mos e diskutojë me të atin, por pagjumësia deri në mëngjes e ka shtyrë gruan t’ia tregojë dyshimet lidhur me letrën edhe burrit të saj. Ky i fundit nuk e ka zgjatur shumë dhe pasi ka urdhëruar të bijën ta presë, është bërë gati dhe së bashku me vajzën kanë shkuar në shkollë. Në katin e dytë të godinës ai është ndeshur me nëndrejtorin që thuhet se ka shkruar letrën ngacmuese. Pikërisht në kohën që nxënësit i janë drejtuar klasave prindi ka kërkuar shpjegime për përmbajtjen e letrës, ndërkohë që replikat janë dëgjuar nga shumë nxënës. Për incidentin dhe pretendimet e prindit si dhe të bijës së tyre është vënë në dijeni Drejtoria Arsimore Rajonale.

Reagimi

Drejtori i Drejtorisë Arsimore Rajonale Vaso Papai ka pohuar se është vënë në dijeni lidhur me një incident të pretenduar në një shkollë në qytet. Me urdhër të institucionit nëndrejtori 55-vjeçar i shkollës është urdhëruar të ndërpresë mësimin dhe të paraqitet urgjent në DAR për të dhënë shpjegimet. Burime të sigurta thonë se ai e ka pranuar se e ka shkruar vet letrën, por se nuk ka pasur asnjë qëllim tjetër përveç vullnetit të tij për të ofruar ndihmë. Por nëndrejtori ka heshtur teksa është pyetur se çfarë e ka shtyrë që këtë kërkesë për ndihmë të mos ia ofronte edhe të tjerëve apo në prani të të gjithë nxënësve, ndërkohë që ka heshtur edhe për shpjegimin e numrit të celularit të ofruar. Papai është deklaruar se do të ndjekë me përgjegjësi incidentin, por shpreson se më së shumti të jetë një keqkuptim.

Drejtori i DAR Vaso Papai

Masa më e vogël, largimi i nëndrejtorit nga shkolla

Drejtori i DAR Vaso Papai ka pranuar se në një nga shkollat e mesme të Durrësit ka ndodhur diçka e pazakontë dhe burime nga ky institucion bëjnë me dije se shumë shpejt mësuesi që ka edhe funksionin e nëndrejtorit të shkollës do të largohet nga ajo shkollë. Kjo thuhet se do të jetë masa më e vogël ngase edhe prindërit e vajzës mësohet se presin fillimisht reagimin e Drejtorisë Arsimore dhe më pas do të vendosin. Me urdhër të Drejtorisë Arsimore nëndrejtori 55-vjeçar i shkollës është urdhëruar të ndërpresë mësimin dhe të paraqitet urgjent në DAR për të dhënë shpjegimet. Atje ai ka theksuar se është ofruar për ndihmë ndaj 16-vjeçares, por nuk ka mundur të gjejë shpjegim të qartë për veçimin në dhënien e ndihmës dhe vënien në letër të numrit personal të telefonit.

[X-man]

nuk eshte as i pari e as i fundit

[daku323]

Do e kete dashur shume besoj!

[ReniX]

per mua nuk mjafton vetem largimi nga shkolla