Sëmundjet nga të cilat vdesin shqiptarët

[kuklla]

• Sëmundjet e gjakut dhe tumoret marrin më shumë jetë

Sëmundjet nga të cilët vdesin më shumë banorët shqiptarët janë sëmundjet e gjakut, tumoret dhe ato të rrugëve të frymëmarrjes. Sipas një studimi të INSTAT për shkaqet e vdekjeve në varësi të sëmundjeve, nga 3404 raste të regjistruara 1016 raste kanë pasur një moshë mbi 80 vjeç, ndërsa 187 raste kanë qenë të moshës nga 15-39 vjeç. Gjithashtu një numër i madh i sëmundjeve mbetet të papërcaktuara duke shënuar në këtë tabele plot 147 raste.

Studimi

Instituti i Statistikave ka realizuar një studim për sëmundjet që u marrin më shumë jetën banorëve të kryeqytetit. Sigurisht që lista është shumë e gjatë, por nëse disa sëmundje nuk kanë fare pasoja fatale për jetën e kryeqytetasve, një kategori tjetër qëndrojnë në krye të listës pasi marrin me mijëra jetë njerëzish në harkun kohor të një viti. Kështu, studimi i INSTAT-it tregon se në krye të listës qëndrojnë sëmundjet e gjakut, tumoret si dhe sëmundjet nervore. Kështu nga 3404 persona që kanë ndërruar jetë brenda një viti në kryeqytet, për 1900 prej tyre sëmundjet që lidhen me qarkullimin e gjakut kanë qenë fatale. Menjëherë pas sëmundjeve të gjakut renditen tumoret, megjithëse me një shifër shumë më të vogël, me 615 raste. Në vend të tretë renditen sëmundjet që nuk kanë arritur të përcaktohen me plot 147 raste, ndërsa sëmundjet që kanë origjinë nervore u kanë marrë jetën plot 100 personave. Ndërsa nga shtatzënia dhe sëmundjet e lëkurës kanë ndërruar jetën përkatësisht vetëm 1 person, në ndryshim me shumë kohë më përpara kur këto sëmundje merrnin shumë jetë njerëzish.

Mosha

INSTAT është fokusuar edhe në moshën e 3404 personave që kanë vdekur gjatë harkut kohor të 365 ditëve. Pjesa më e madhe e tyre, plot 958 persona i kanë kaluar të 80 vjetët, ndërsa 1015 persona i përkasin grup-moshës nga 70-79 vjeç. Numri më i vogël i vdekjeve është regjistruar në grup-moshën 30-39 vjeç me vetëm 93 raste, ata të grup-moshës 15-29 vjeç me 94 raste, grup-mosha 0-14 vjeç me plot 153 raste, grup-mosha 40-49 vjeç 183 raste, grup-mosha 50-59 vjeç me plot 259 raste dhe kanë ndërruar jetë 648 persona që kanë një moshë nga 60-69 vjeç.