Nje tjeter problem me te cilin haset sot Shqiperia, eshte vdekshmeria e larte foshnjore dhe amtare. Megjithese tendenca sipas Ministrise se Shendetesise eshte ne ulje, ky indikator mbetet ende larg shifrave te vendeve te BE-se. Sipas te dhenave me te fundit, ne vendin tone vdekshmeria foshnjore mendohet te jete 13 vdekje per 1 mije lindje te gjalla ne nje vit. Zonat me problematike sipas MSH-se jane rrethet verilindore, si Dibra, Malesia e Madhe, Mirdita, ku ne krahasim me zonat e tjera ne vend, kjo vdekshmeri eshte dy here me e larte. Por sipas MSH, vdekshmeri te larte foshnjore kane edhe ne rrethet e medha te vendit, si Tirana dhe Elbasani. Nga ana tjeter, tendenca e vdekshmerise se nenes ne Shqiperi eshte zvogeluar me nje shkalle te konsiderueshme. Megjithate, shifra prej 16.7 per 100 mije lindje te gjalla mbetet e larte krahasuar me mesataren e vendeve te Bashkimit Evropian. Rreth 93 per qind e lindjeve ndodhin ne institucionet shendetesore, ndersa 7 per qind e lindjeve ne shtepi, ku keto te fundit kane edhe shkallen me larte te vdekjes foshnjore dhe amtare.