Lojtarët e Kombtarës a luajn me zemër

[Kampioni99]

mendoj se te gjithë duhet te shprehim nacionalizmin pse jo edhe ne sport shumica e lojtarve te kombtares luajn pa zemer ne fush le te marrin shembul nga lorik cana se si luhet

[daku323]

O shoku! Per mendimin tim ata nuk duan te thyejne kembet ketu per ca pare te vogla! I rujn kembet per jashte se morin pare te madhe!

[PoLiGrAfIkSi]

nacionalizmi nuk varet ke parja por thuj qe sot nuk ka nacionalizem ka pare.

kur jane te rinj lujne se dun me bo emer , pastaj kur fillojn lujn me skuadra qe u japin shume, kom pershtypjen se i paralajmerojne kujdes mos u vrisni.

mos me dal nga tema ca lujn ca nuk lujn

[daku323]

Po pra! Te isha une mendoj se do luaja me mish e shpirt vetem per tifozat te pakten!
Mbaj mend qe me greket kane lujt fort cunat e kombetares! Aty kan lujt tamom me nacionalizem!

[ReniX]

Po dhe per mua e vetmja ndeshje qe kane luajt me zemer eshte ajo e 4 shtatorit kur mundem Greqin kampione.

Ne ndeshjet e tjera vlera monetare ka te beje shume per mos te thene nje 99% te mire.

[daku323]

Reno jam shume dakord me ty! Ne cdo fjale!

[Altin111]

Ndeshja me e bukur e zhvilluar pas Greqise ka qene kjo me Hollanden

[LAKJA]

I ketij mendime jam dhe une Altin

[daku323]

Kete nuk e pash une daku! Sa vone e pashe ate linkun qe kishe vene ti Altin?!!!

[Altin111]

Bariç: Në kombëtare, 2 lojtarë shisnin ndeshje

Erdhi në krye të kombëtares shqiptare në korrikun e vitit 2007 dhe që kur kishte bërë listën e parë, kishte marrë vërejtje për të mos futur disa lojtarë, të cilët mbanin "firmën" e të dyshuarve për manipulime të ndeshjeve. Gjë që nuk thuhet nga një person i zakonshëm, por nga vetë Oto Bariç, ish-trajner i kombëtares shqiptare, i cili në një rrëfim të djeshmin në të përditshmen kroate "Jutarnji List" është zhveshur nga dozat e diplomacisë. Bariç ka pranuar se kishte marrë porosinë që disa futbollistë, të cilëve u kishte dalë emri për keq, të mos i thirrte në kombëtare. Por kroati pranon se nuk ishte nxituar dhe kishte larguar vetëm disa prej tyre, por nuk kishte arritur të shmangte dy të tillë. Rrëfimi i djeshëm ngre vërtetë pikëpyetje, ndërkohë që shumë i rëndë është edhe deklarata e Bariçit, se ai e kishte marrë vendimin për t'u larguar që përpara ndeshjes me Bjellorusinë.

Akuzat

Oto Bariç nuk përmend emra, por di shumë gjëra në lidhje me lojtarët që i drejtoi për 16 muaj. "Unë e di se dikush nga lojtarët ka qenë pjesëmarrës në përfundime të çuditshme të ndeshjeve. Madje, mua më kanë sugjeruar që t'i largoj nga kombëtarja, mirëpo dy nga të dyshuarit për përzierje nuk arrita t'i eliminoja", ka thënë Bariç për "Jutarnji.hr", të premten. "Megjithatë, falë Zotit, aventura ime shqiptare është e përfunduar", ka shtuar më tej ish-tekniku kuqezi. Në lidhje me deklaratën e dhënë nga Kryeministri Berisha, që tha se kombëtarja drejtohej nga një grup mafioz e që shet ndeshje, Bariç shprehet se "nuk e di këtë, por nëse Kryeministri apo ministri i Sporteve në Shqipëri kanë fakte, atëherë le t'i nxjerrin".

Dorëheqja

Pas humbjes 6-1 në Rumani, Oto Bariç dha dorëheqjen, por në të vërtetë një vendim i tillë duhet të kishte ardhur që përpara ndeshjes me Bjellorusinë, më 17 nëntor në Tiranë. Por, ka qenë takimi me Presidentin Topi ai që i ka kthyer mendjen kroatit. "Para një muaji pata vendosur ta braktisja detyrën e trajnerit të Shqipërisë, mirëpo më patën thirrur sërish, ndërkohë që unë kisha arritur një marrëveshje me Dinamon për t'u bërë skaut i tyre. Më caktuan një takim me Presidentin e Republikës, një fans i futbollit, i cili kishte respekt për mua dhe më këshilloi që të qëndroja edhe dy vjet të tjera", ka rrëfyer Bariç. "Unë pata vënë tri kushte, njëri nga të cilët kishte të bënte me përmirësimin e kushteve financiare për ndihmësin tim Slavko Kovaçiç. Kur pas tri javëve u ktheva në Tiranë, asnjëra nga kushtet nuk ishte respektuar", është shprehur më tej Bariç.

Katër të larguarit në epokën “Bariç”

Në intervistën e tij të djeshme, Bariç thotë se disa prej futbollistëve për të cilët kishte sinjale, i kishte larguar ngadalë-ngadalë nga ekipi, por i kishin mbetur vetëm dy. Në fakt, që nga koha kur ai mori pankinën kuqezi, ishin katër futbollistë që u hoqën prej tij ndeshje pas ndeshje. Në fillim, ai nisi me Taren, të cilin nuk e thirri që pas ndeshjes miqësore me Maqedoninë në Shkodër. Ndërkohë që Aliaj ishte larguar vetë pa zhurmë, duke mos ardhur më. Në të njëjtën kohë nuk u thirr më as Besnik Hasi, i cili kishte një dëmtim për ndeshjen me Slloveninë, por u la gjithnjë jashtë pastaj. Ndërsa i fundit ishte Murati, që ndeshjen e fundit pati miqësoren me Anglinë.

[Altin111]

Fati i hidhur i trajnerëve të huaj në Shqipëri

Italiani Dosena u arratis, gjermani Brigel u largua me “puç” dhe kroati Bariç u tradhtua. Historia e tre trajnerëve të parë të “erës” Duka, Dosena, Brigel dhe Bariç është shumë e trishtueshme. Të gjithë e nisën punën në Shqipërinë e “varfër” dhe modeste në botën e futbollit me ceremoni të mëdha, por e mbyllën në mënyrën më të hidhur, edhe pse Brigel edhe sot e kësaj dite mban rekordin absolut të 13 pikëve të arritura ndonjëherë në fazën e eliminatoreve. Në fakt, të vetëlarguarit dhe të shkarkuarit në presidencën Duka janë katër, përfshirë edhe trajnerin shqiptar Sulejman Demollari, i cili u shkarkua pasi Kombëtarja në dy nga pesë ndeshjet e miqësore të drejtuar prej tij barazoi me Luksemburgun (0-0) dhe humbi me Andorrën (2-0). Gjithsesi, për fat të mirë, “aristokrati” Oto Bariç nuk ka përngjasime karakteri me “mafiozin” Xhuzepe Dosena, që pasi mori nga arka e FSHF-së 100 000 euro (ktheu më pas 70 mijë euro), zhvilloi dy ndeshje (një barazim me Zvicrën dhe një humbje me Rusinë), u zhduk pa lënë gjurmë në kontinentin afrikan, ashtu siç bëri më pas edhe “korrekti” Brigel, i cili pas punesimit ne Bahrein e Turqi, tani e ka adresen në zyrat e punës.

DOSENA – “Dosena, i pari trajner i huaj pas viteve 2000 dhe i pari nga renditja kohore, ishte një trajner i mirë, madje do ta përcaktoja pa hezitim një trajner shumë të mirë”, - u shpreh Duka gjatë një interviste për “Albania”- n (qershor 2007). “Kishte një disiplinë thuajse diktatoriale, të hekurt dhe kërkonte një mbyllje totale të skuadrës për të mos pasur kontakte me jashtë, që fillonte nga mbyllja e telefonave dhe shumë privimeve të tjera. Në përgjithësi ishte për t’u lavdëruar si teknik. Për nga mënyra e drejtimit në fushë të ekipit shumë pak e pamë, pasi qëndroi si trajner vetëm dy ndeshje. Në pikëpamjen e marrëdhënieve të tjera nuk qëndroi korrekt”, - shton Duka. Italiani Xhuzepe Dosena “tradhtoi” Shqipërinë pas vetëm dy ndeshjesh (madje edhe një pjesë e parave iu mor me gjyq).

BRIGEL - Edhe kur italiani Xhuzepe Dosena braktisi Kombëtaren shqiptare, pas vetëm dy ndeshjesh zyrtare në drejtimin e saj (Shqipëri-Zvicër 1-1, Rusi-Shqipëri 4-1), bosit të FSHF-së, edhe pse iu bë presion i jashtëzakonshëm nga media dhe specialistët shqiptarë (edhe nga ish-trajnerë të futbollit), ai nuk hoqi dorë nga pista e huaj. Midis italianit Antonio Kabrini ai zgjodhi gjermanin Hans Peter Brigel. Ish-kampioni i botës (1982) refuzoi nënshkrimin e kontratës së tretë me FSHF-në, edhe pse kishte vendosur shtatë rekorde me Kombëtaren shqiptare, midis tyre: 13 pikë të grumbulluara e 32 ndeshje të drejtuara në vazhdimësi (18 zyrtare, 14 miqësore). Gjermani Hans Peter Brigel ra parimisht për nënshkrimin e kontratës së tretë të tij me FSHF-në, por nuk firmosi zyrtarisht kontratën për shkak të një “puçi” të disa zyrtarëve të lartë të FSHF-së, të cilët propozuan klauzola të papranueshme. “Brigeli? Superkorrekt si njeri. Trajner i mirë, me aq eksperiencë sa kishte në atë kohë. Super i ndershëm si njeri dhe bënte maksimalen për skuadrën. Krijoi një frymë grupi për t’u pasur zili”, - nxori përfundimin e tij presidenti Duka.

BARIÇ - Bariç me moshën e tij 75-vjeçare është trajneri me moshë më të madhe që ka drejtuar Shqipërinë, kur më parë këtë rekord e ka mbajtur legjenda Loro Boriçi që për të herë të katërt dhe të fundit e mori drejtimin e përfaqësueses në moshën 61-vjeçare. Presidenti Duka, përpara se të përzgjidhte kandidaturën e Oto Bariçit, kishte takuar e refuzuar emra të tillë si italiani Nevio Skala, gjermani Pier Litbarski, hungarezi Bickei, francezi Klod Lë Rua, me të cilët, përveçse nuk kishte rënë dakord nga pikëpamja financiare, nuk ishte bindur për staturën e tyre për të kryer “revolucionin” e pritshëm kuqezi. Me mbi 2 mijë ndeshje të drejtuara të karrierës së tij 40-vjeçare si trajner futbolli, 75-vjeçari Oto Bariç është kthyer në një legjendë në botën e futbollit, tepër i respektuar në Kroaci dhe në Austri. Trajneri i tre bankinave të ndryshme kombëtare: Austri (1990-1991), Kroaci (2002-2004) dhe Shqipëri (2006-2007) si dhe i 12 ekipeve të ndryshme rreth e qark Europës. Kroati ishte i punësuar si trajner i Shqipërisë deri më 21 nëntor 2007, kur mbaronte edhe kontrata e tij, pas përfundimit të ndeshjes me Rumaninë, e fundit në fushatën kualifikuese për Euro 2008. “Di ta shfrytëzojë në maksimum eksperiencën e madhe që zotëron, në drejtim të ndeshjes dhe ka ditur të fusë konkurrencën në skuadër”, - pohoi Duka përpara se Bariç të ndeshej me Holandën. Kroati Oto Bariç, edhe pse u paralajmërua për një “eliminim” në version më modern, u vetëlargua pas dy humbjeve me Bjellorusinë (e pamenduar) dhe Rumaninë e vendit të parë. “Bariç ka fituar zëmrën time”, - kishte thënë presidenti Armand Duka, në prag të bisedimeve me Bariçin për rinovimin e kontratës së tij. Bariç merrte në Shqipëri 300 mijë euro, më shumë se parardhësit e tij Dosena e Brigel, por FSHF-ja nuk i dha rrogën e fundit, atë të muajit dhjetor, me argumentimin se ai nuk kishte punuar atë muaj për Shqipërinë pasi kishte dhënë me dëshirën e tij dorëheqjen. “Si trajner më pëlqen aq shumë sa nuk do ta ndërroja kurrë”, - kishte nxjerrë konkluzionin e tij Duka, disa ditë para ndeshjeve me Bjellorusinë dhe Rumaninë. Bariç nuk është më trajner i Shqipërisë, madje në intervistën e tij të fundit të dhënë për mediat shqiptare akuzoi si të paaftë Komitetin Ekzekutiv të FSHF-së.

TRAJNERET E HUAJ

Italiani Xhuzepe Dosena, i “arratisur”

(12.10.2002-16.12.2002)

Gjermani Hans Peter Brigel, refuzoi kontratën

(29.03.2003-30.05.2006)

Kroati Oto Bariç dha dorëheqjen pasiu ndje i tradhtuar

(01.07.2006-01.06.2007)

[Altin111]

Han prezantohet zyrtarisht si trajneri i Shqipërisë
Trajneri i ri i Shqipërisë, Ari Han u shpreh entuziast për punën e tij me kombëtaren kuqezi gjatë konferencës së tij të parë për shtyp të dhënë sot në hotel “Rogner Europark”, ne oren 15:00 ne pranine e shume mediave dhe gazetareve sportive.

Ish-trajneri i Kinës dhe Kamerunit pohoi se pret nga skuadra e tij të njëjtin impenjim si ndaj Portugalisë ashtu dhe ndaj Maltës. “Mos më kërkoni të dal kampion bote me Shqipërinë, pasi ndryshe do të largohem qysh tani”.



Nga ana e tij, presidenti i FSHF-së, Armand Duka pasi uroi të pranishmit për vitin e ri 2008 deklaroi se Shqipërinë e sheh në vend të katërt, pas Hungarisë dhe Maltës, pasi sipas tij tre ekipet e tjera Portugalia, Suedia e Danimarka janë ekipe të mëdha.

Në fund edhe një shall kuqezi për holandezin. I pranishëm ishte edhe avokati shqiptaro-austriak Skënder Fani.

[daku323]

Ky Afrimi, ishalla na del i hajrit!

[Altin111]

Baric: 2 lojtare shqiptare, te lidhur me bastet

E Merkure, 30 Janar 2008

Per here te dyte qe kur ka dhene doreheqje, 75-vjecari ne menyre te vecante ze ne goje dy lojtare te dyshuar te Kombetares se Shqiperise, por ngurron t’ua beje publike emrat

Ish-seleksionuesi i Kombetares se Shqiperise, Oto Baric, i frustuar me ate qe i ndodhi ne dy ndeshjet e fundit eliminatore per “Euro 2008”, ka akuzuar lojtaret shqiptare se ishin te lidhur me bastet. Per me teper, 75-vjecarit Baric i mbetet merak se si per “hater” te skuadres kuqezi refuzoi oferten e bosit te Dinamos se Zagrebit, Zdravko Mamic, per t’u bere skauti kryesor i skuadres. Ne nje interviste per “Jutarnji list”, Baric ka hedhur dyshimin per manipulim te ndeshjes me Rumanine, sidomos ne dy lojtare qe ai nuk i nxjerr me emer.

“E lakmova Shqiperine, por shpejt e pashe se atje nuk mund te ecet para. Kjo u deshmua ne takimin e fundit, kur dy lojtare kishin manipuluar ndeshjen. Eshte qesharake qe nje perfaqesuese, ne tete takime humb me nje apo dy gola, ndersa nga Rumania peson gjashte gola”, ka thene Baric per gazeten kroate “Jutarnji list”. “Per keto ka reaguar edhe kryeministri i shtetit, Berisha, duke sulmuar kryetarin e Federates qe lejoi te largohem, e nderkohe sulmoi edhe lojtaret te cilet ishin te lidhur me ndonje kompani bastesh”.

Kjo nuk eshte hera e pare qe kroati akuzon skuadren te cilen e drejtoi gati dy vite. Pak pas doreheqjes se tij, ai pati rrefyer se si nga njerez te afert me Kombetaren eshte keshilluar te largoje disa lojtare te “specializuar” per manipulime te ndeshjes. “Une pata arritur te largoj disa nga ta, por per dy nuk me premtoi koha”, ishte shprehur muaj me pare kroati.

Shqiperia ne drejtimin e Baricit, pati zene vendin e peste ne grupin eliminator me vetem dy fitore nga 12 ndeshje. Baric ne kater prej tyre nuk ishte fare ne stol. Ne njeren mungoi per shkaqe shendetesore, kurse ne tri te tjerat per shkak te pezullimit nga UEFA.

[ingal]

Sa me shume lek tu japesh aq me shume zemer luajn