Sekretet e Ciljetës

[ReniX]

INTERVISTE ME CILJETA XHILAGA



Mos vallë Çiljeta ka bërë ndonjë gabim, që kërkon me çdo kusht falje?! Mos u trembni. Është vetëm titulli i këngës së saj të
fundit. “Falma ti, falma”, është hiti i ri i këngëtares seksi, që do të na shoqërojë këtë verë. Një hit i nxehtë, ku bukuroshja shfaqet
si kurrë ndonjë herë. Nën petkun e një ciganeje, ajo kërkon ciganin e saj. Por vetëm në këngë e kërkon, ama. Pasi ajo
Romeon e saj e ka gjetur qysh prej dy vjetësh, mes dallgëve të detit të Jonit, aty ku ajo këtë verë do të festojë dyvjetorin e
lidhjes së saj. Çiljeta Xhilaga

rrefen për herë të parë projektet e kësaj vere mjaft intensive për të. Këngë, klipe, album, koncerte të shumta në qytete të
ndryshme dhe në fund, pushimet dhe përvjetorin e lidhjes, që i ka dedikuar një festë mjaft speciale. Të gjitha këto i zbulojmë
së bashku.


Jeni duke punuar për klipin tuaj të ri. Mund të na zbuloni diçka më konkrete rreth tij?


“Falma ti, falma”, është një këngë që i dedikohet dashurisë, ku i kërkoj falje të dashurit. Klipi është një stil tërësisht cigan, ku unë
eci ne një rrugë me një makinë kabrio. Humbas rrugën dhe një nga këto rrugë me çon në një kasolle, ku aty ndodhet një
cigane magjistare. Ajo rrotullon globin dhe vendos gishtin në një pikë të tij dhe me magji më çon tek cigani që unë dashuroj.
Ai ndodhet në një grup njerëzish, në një festë dhe aty zhvillohet gjithë ngjarja, ku është ndërtuar komplet skenografia si cigan.


Përse cigane? E kujt është kjo ide për t’u shfaqur në këtë mënyrë?
E kam ideuar tërësisht vetë. Është realizuar nga “Max Prodaction”. Në të vërtetë kemi punuar mjaft për këtë klip. Gjysma e
xhirimeve janë bërë qysh në shtatorin e kaluar dhe përfundimin e kemi xhiruar tani, në qershor. Pasi ka qenë një klip me
shumë personazhe dhe na është dashur mjaft kohë që t’i vendosnim të gjithë këta personazhe së bashku në klip. Dhe në fakt,
ka qenë pak e vështirë.



Mendon se kjo këngë do të kthehet në një klip vere?

Pse jo, është një këngë për masivitet, dhe jo për një grup të caktuar. Është një këngë që do të pëlqehet nga të gjitha
grupmoshat. Jam e sigurt që ka për t’u përqafuar menjëherë.


Flitet për disa bashkëpunime me këngëtarë të tjerë. Mund të na zbuloni diçka?


Po, sigurisht. Unë jam duke bërë edhe një klip tjetër. Është një këngë që titullohet “Je i papam”, një këngë që tashmë publiku e
njeh dhe e pëlqen shumë. Pastaj është një bashkëpunimi me Ingrid Gjonin. Ndërkohë, diku nga vjeshta kam një
bashkëpunim me Stine. Megjithatë, më i rëndësishëm për mua është albumi, që mendoj se do dalë në mes të korrikut.

Mjaft këngëtarë kanë nisur turnetë me koncertet verore. Ju a do të aktivizoheni në këto evenimente?

Edhe këtë verë, ashtu si edhe vitet e tjerë, unë do të jem e pranishme në shumë qytete të vendit, kryesisht bregdetare, duke
parë që njerëzit tashmë janë të përqendruar pikërisht pranë detit. Do të jem në Sarandë, Vlorë, Durrës, etj.


Ndërkohë, a keni bërë një plan për pushimet e verës?


Akoma jo, por po i mendojmë pushimet. Këtë verë, sikurse e thashë, në fakt kam mjaft punë. Jam sa andej-këtej me
koncerte, kështu që kam pothuajse çdo javë nga dy-tre koncerte. Kam mjaft punë në fakt këto kohë, për të menduar për
pushimet.



Kjo do të thotë që ju nuk do të pushoni?


Faktikisht koha e ngjeshur nuk më ka lënë shumë të merrem me veten time dhe me punët e mia. Por mendoj se do bëj një
pauzë dhe do pushoj edhe unë, për të kompensuar lodhjen e koncerteve. Mendoj se do të shkoj në Sarandë. Unë gjithmonë
kam shkuar në Sarandë me të dashurin tim.

Kjo ka ndonjë arsye?

Eh, sigurisht. Kemi një arsye të fortë që shkojmë aty, sepse është vendi ku jemi njohur. Është pikërisht aty pikënisja e
dashurisë sonë. Vjet, po në Sarandë, kemi festuar njëvjetorin e lidhjes sonë. Dhe këtë vit kemi edhe një motiv më të fortë,
sepse kemi dyvjetorin. Dhe ndoshta diku nga shtatori do të bëj edhe ndonjë lëvizje tjetër. Ende nuk e kam menduar për të
planifikuar diçka, pasi është ende herët.