Frederik Ndoci dhe ndarja nga Aida

[kuklla]

Asnjëherë nuk ka dashur të flasë për martesën dhe problemet e lidhjes së tij me Aidën. Edhe pse Frederik Ndoci është
përpjekur ta mbajë larg mediave këtë pjesë të jetës, mungesa e Aidës në kryeqytet dhe ditët e tyre larg njëri-tjetrit
nuk mund të mos tërhiqnin vëmendjen tonë. Aq më tepër pas pjesëmarrjes së çiftit në Festivalin Evropian të Këngës,
ku përfaqësuan Shqipërinë. Kanë kaluar disa muaj, që nga koha kur njoftuam lajmin e ndarjes së tyre pikërisht në momentin, kur Aida e la Tiranën për të udhëtuar sërish drejt Shteteve të Bashkuara të Amerikës. Ndërsa
Frederik Ndoci qëndroi në Shqipëri. Dhe duket, se secili ka nisur tashmë një jetë të re, larg tjetrit. Është kjo arsyeja
për të cilën marrim shkas të shkruajmë sërish rreth këngëtarit të njohur, ndonëse ai vetë refuzon të japë shpjegime. Megjithatë kohët e fundit e kemi parë të angazhuar në shumë projekte artistike dhe në shoqërinë e femrave, që për të
duket se do të mbeten kalimtare. Riku vazhdon të jetë i heshtur, sidomos përsa iu përket raporteve me Aidën dhe nuk preferon të flasë me mediat rreth këtij argumenti. Edhe për femrat aktuale dëshiron të mbetet misterioz. Ndërsa miqtë e
afërt të artistit, guxojnë të shprehen tashmë për jetën e tij të re. Me sa duket këtë pjesë larg Aidës, Riku siç e thërrasin miqtë e ka mbushur me punë. Ndoshta është kjo mënyra më e mirë, që një artist të rigjejë veten dhe fyrmëzimin. Dhe sigurisht kështu do të ndodhte edhe me Rikun, artistin e talentuar dhe mashkullin xhentil. E gjen çdo fundjavë në një prej
lokaleve të njohura në kryeqytet, “Bulevard Caffe”. Është ai vendi, ku Frederik Ndoci shpalos përmes të kënduarit live, jo vetëm vokalin, por edhe repertorin e gjerë të muzikës së zgjedhur. Më tej vijojnë edhe koncertet e organizuara në qytete të
ndryshme të vendit, në të cilat ai nuk mungon. Përpos punës ai ka shumë miq, të cilët i takon shpesh, e madje edhe i ndihmon m idetë e tij. Nga ana tjetër thuhet, se Riku komunikon shpesh në telefon me Aidën, sepse ata nuk janë ndarë si armiq. Por duket se në jetën e tij nuk mungojnë as femrat edhe pse Aida është e pranishme përmes telefonit. Ndoshta
asgjë serioze, por megjithatë na ndodh, që në shoqërinë e Rikut të shohim edhe ndonjë femër, që siç thuhet momentalisht
përbëjnë vetëm marrëdhënie kalimtare për të. E kjo është arsyeja, për të cilën këngëtarin e shohim shpesh në shoqërinë e femrave të ndryshme. Madje miqtë thonë, se Riku deri diku e ka humbur besimin tek seksi i dobët dhe ndoshta tani nuk po i merr gjërat shumë seriozisht. Nuk dihet se çdo të ndodhë në të ardhmen dhe cilat janë projektet e artistit. Flitet se shumë
shpejt ai do ta lërë Shqipërinë dhe do të niset drejt Shteteve të Bashkuara të Amerikës, të paktën për një periudhë disa mujore. Nuk dimë nëse ky udhëtim do ta kthejë përsëri tek Aida, apo ky është një kapitull i mbyllur për të, duk i dhënë në
këtë mënyrë fund edhe lidhjes së tyre të gjatë. Nga ana tjetër çfarë ka ndodhur me Aidën? Mësojmë, se ajo vazhdon të jetojë në SHBA, ku është duke kryer edhe studimet. Marrëdhënia e saj me këngëtarin flitet se shënoi fundin, në momentin kur ajo kishte rigjetur një dashuri të humbur të disa viteve më parë, plot 15 vite, ndonëse nuk është bashkuar me mashkullin në fjalë pasi thuhet se tashmë ai është i martuar.

[kuklla]

Sa kam qeshur kur lexova kete artikullin ne gazete. Aiden e njoh personalisht, here pas here flasim dhe ne telefon, pasi jemi rritur bashke, njoh dhe kete "ish dashurine e saj 15 vjecare". Nuk besoj se arsyeja qe jane ndare te jete ajo e rikthimit te dashurise se vjeter, pasi, Aida ka pasur raste te tjera te takohet me "ish-in" e saj, gjate kohes qe ish e martuar me Frederikun dhe ne nje fare menyre ka qene ne kontakt me te nepermjet miqve te ndryshem qe kane te perbashket.