Celularët nuk e rrisin rrezikun për kancer

[EMAUS]

Celularët nuk e rrisin rrezikun për kancer


• Studimi u krye mbi 1 mijë pacientë me tumor në tru
• Studime më të thella në këtë drejtim do të bëhen gjatë këtij viti

Përdoruesit e celularëve nuk përballen me një rrezik me të madh të zhvillimit të kancerit të trurit, se sa njerëzit që nuk e kanë përdorur kurrë atë. Në këtë përfundim ka arritur një studim i detajuar i kryer mbi pacientë të sëmurë me kancer.

Studiuesit morrën në pyetje më tepër se njëmijë persona, 322 prej të cilëve ishin diagnostikuar me kancer në tru, dhe nuk gjetën asnjë lidhje midis kancerit dhe kohëzgjatjes së përdormit të celularit.
Ky program, i financuar nga qeveria japoneze dhe nga shoqëritë e telefonisë së lëvizshme, arriti në përfundimin se celularët nuk kishin pasoja afatshkurtra për shëndetin e të rriturve, por ngritën disa shqetësime mbi përdorimin në periudha të gjata, pasi zbuluan një rritje të lehtë të numrit të tumoreve malinjë, pas një harku kohor prej 10 vjetësh përdorim.

Studimi i fundit është novator, pasi merr në konsideratë variacionin e niveleve të rrezatimit që është thithur nga pjesë të ndryshme të trurit. Sipas grupit të studiuesve, nuk u vu re ndonjë shtim i numrit të tumoreve në ato pjesë të trurit që kanë thithur më shumë rrezatim.
Shkencëtarët japonezë intervistuan pacientë me lloje të ndryshme tumoresh në tru. Përvojat e tyre me telefonat celularë u krahasuan me ato të 683 vullnetarëve të shëndetshëm, të cilët kishin moshë, gjini dhe mënyrë jetese të njëjtë me ato të pacientëve.

“Nuk pati ndonjë rritje të dukshme midis përdoruesve të rregullt të celularëve, as midis atyre që nuk e ndanin telefonin nga dora”, deklaruan studiuesit.
Tumori i trurit është relativisht i rrallë. Në vitin 2003 në Britani kishte rreth 4100 të sëmurë, më pak se 2% e të gjithë të diagnostikuarëve me kancer.
Studimi shkon edhe më tej duke vënë në pah se disa pjesë të trurit janë më të ekspozuara ndaj rrezatimit të celularit se të tjerat, dhe si pasojë mund të jenë edhe më të rrezikuara për zhvillimin e tumoreve.

Shkencëtarët matën nivelet e rrezatimit në katër lloje të ndryshme celularësh dhe llogaritën ekspozimin ndaj tij të çdo pjese e trurit për secilin lloj.
Në këtë mënyrë grupi i studiuesve arriti të kuptonte nëse tumori i trurit ishte zhvilluar në ato zona që kishin thithur rrezatimin më të madh. Ata zbuluan se niveli i rrezatimit në tumor ishte shumë më pak se kufiri i sigurisë.

Studimi është pjesë e një programi më të gjërë mbi rrezikimin e shëndetit nga telefonia e lëvizshme, i quajtur Interphone.
Ky program do të mbledhë studimet e kryera në 13 vende të botës dhe do të nxjerrë një përfundim brenda këtij viti. Rezultati i tyre do të ketë një rëndësi të madhe.
Megjithëse në të shkuarën ka pasur mosmarrëveshje për sa i përket efekteve të celularëve, kjo sasi e madhe provash mesa duket tregon se nuk rrezik për kancer.

Copyright © ZERO