Logot e mbretërve të rrugëve

[kuklla]

Logot e mbretërve të rrugëve
Shkruar nga Aulona Kadillari

Nëse një njeri ka emrin dhe foton për t'u identifikuar, makinat kanë emrat dhe logot që i dallojnë nga njëra-tjetra. Por për të arritur këtë famë që kanë sot u është dashur një rrugë e gjatë si dhe histori nga më të çuditshmet për të marrë emrin e tyre. Duke nisur që nga "Mercedes"-i, që mbahet si "zonja e vjetër" e makinave, "Fordi", i cili ka mbajtur prej 50 vjetësh të njëjtën stemë të pandryshuar e duke ardhur më pas te makina e cilësuar si më e mira në botë, "Ferrari". Por gjithashtu, duke mos lënë pas as makinat japoneze që kanë shëtitur gjithë botën. Por si e kanë marrë emrin dhe çfarë do të thotë logoja që është mbi to. Kush janë dizenjuesit e tyre dhe pse u është stampuar stema që mbajnë prej shumë vitesh.
Logot
Që nga simboli me katër rrathë që mban makina "Audi", te ajo e yllit me tre cepa, e cila do të thotë tokë, qiell dhe det. E duke vazhduar më tej me stemën e "Citroen", e cila ngjan me gradat që mban mbi supe një punonjës i ushtrisë dhe i policisë. Por gjithashtu edhe të dizenjuesit të "Fiat", i cili rastësisht kaloi poshtë fabrikës së tij dhe teksa pa një ndërtesë të lartë dhe qiellin blu, i lindi ideja e vizatimit të shkronjave FIAT me një sfond blu. Por jo vetëm kaq, ndriçimi i hapësirave midis shkronjave krijoi më vonë edhe ngjyrën e argjendtë që është mbi shkronjat e stemës së FIAT. Gjithashtu dhe emri i makinës "Mitsubishi", si dhe stema e saj. Emri "Mitsubishi" i referohet emblemës prej tre rombeve. "Mitsubishi" është kombinimi i fjalëve "mitosu" dhe "hishi". "Mitsu" do të thotë tre. "Hishi" do të thotë ujë me ngjyrë kafe dhe japonezët e kanë përdorur këtë fjalë për një kohë të gjatë për të treguar formën e rombeve. Japonezët shpeshherë e përdorin kur janë jashtë vendit të tyre shkronjën "h" dhe "b" kur flasin. Kështu që ata kanë bërë kombinimin e "mitosu" dhe "hishi", duke nxjerrë "Mitsubishi". Madje edhe makina "Jaguar" e cilësuar dhe e klasifikuar si makinë luksi. Por historia e krijimit mban mend dy protagonistë, motoçiklistë të pasionuar, William Lyons dhe William Walmsley, dhe e ndryshuan emrin duke e vendosur "Jaguar" në 1945. E për të mos lënë pas dore as logon e makinës së cilësuar si më e mira në botë, "Ferrari". Të gjithë fansat e garave me makinë tashmë janë mjaft të familjarizuar me simbolin e famshëm të "Ferrari"-t, "kalin e krekosur". Simboli i "Ferrari"-t është një kal i zi i krekosur me një fushë jeshile dhe në fund të saj ka dy iniciale, S dhe F ose ndryshe "Skuderia Ferrari". Kali është simboli origjinal i kont Francesco Baraça, njëshi legjendar i Italisë në ajër, gjatë Luftës së Parë Botërore, i cili e kishte këtë simbol të vizatuar në avionin e tij. Baraça vdiq shumë i ri, më 19 qershor të vitit 1918, nga një gjuajte vdekjeprurëse, por pas ka lënë 34 fitore në duele, si dhe skuadra të shumta fituese. Djali i tij u bë hero kombëtar. Baraça e donte kalin e krekosur në avionin e tij sepse skuadra e tij "Battaglione Aviatori" ishte e regjistruar në trupat e kalorësisë dhe gjithashtu edhe ai vetë ishte kalorësi më i mirë i skuadrës së tij.

"Audi"
Simboli i "Audi"-t është "Katër rrathë", emblema e një prej makinave më të vjetra të prodhuara në Gjermani. Ajo simbolizon shkrirjen e katër motorëve të makinës "Audi", DMK, "Horch and Wanderer". Së bashku me markën e NSU, më të cilën u lidh në 1967, këto kompani janë zanafilla e "AUDI AG" të ditëve të sotme. Pas luftës emri i "Audi"-t, i cili në gjuhën latine do të thotë "Dëgjoj", u zhduk, por ai u rikthye në vitin 1965, duke përdorur katër rrathë ose unaza si logo. Gjithashtu emri "Hoerch", është një lloj fjalësh ose ndryshe emri i një prej themeluesve. Kompania vetë është e vjetër më shumë se një shekull. Logoja me katër rrathët ose unazat nuk kanë të bëjnë fare me rrathët "Olympik". Logo e "Audi"-t është shenja dalluese e korporatës "Audi".

BMW
"Bayerische Motoren Werke" ose kompania e makinave bavariane, shkurt BMW. Kompania u krijua në vitin 1913 me bazë në Munich, Gjermani. Nisi punën me prodhimin e motorëve të avionëve. Logoja përbëhet nga katër kuadrate duke u alternuar në dy ngjyra, bardhë dhe blu. Është një stilizim duke paraqitur helikat tjerrëse të aeroplanit dhe në sfond të tyre qiellin e pastër blu. Logoja përfaqëson helikat prerëse në qiellin blu. Është imazhi i origjinës së BMW, si krijuesi i motorëve të avionëve ushtarakë gjatë WWI. Gjithashtu, e bardha dhe bluja janë ngjyrat tradicionale të Bavarisë.

"Citroen"
Logoja e makinës "Citroen" ju ngjason si diçka që ju mund të keni parë në një film vizatimor amerikan me ushtarë - dy Vs, të përmbysura. Andre Citroen, - imagjinoni një fotografi bardhë e zi, me një burrë të moçëm, i cili ka një mjekër të bardhë. Ky është edhe krijuesi i "Citroen"-it. Ai e filloi biznesin me tregtinë e motorëve, më pas nisi ndërtimin e rrotave të mëdha duke hapur më edhe degë të shitjes së autoveturave. Kompania famoze e "shiritit të gradave 2-fishe", me logo të krijuar nga André Citroen, që në fillim ka qenë një biznes me shitjen e rrotave, tashmë kjo kompani ka për prioritet prodhimin e rrotave me dhëmbëza.

"Ferrari"
Të gjithë fansat e garave me makinë tashmë janë mjaft të familjarizuar me simbolin e famshëm të "Ferrari"-t, "kalin e krekosur". Simboli i "Ferrari"-t është një kali i zi i krekosur me një fushë jeshile dhe në fund të saj ka dy iniciale, S dhe F ose ndryshe "Skuderia Ferrari". Kali është simboli origjinal i kont Francesco Baraça, njëshi legjendar i Italisë në ajër, gjatë Luftës së Parë Botërore, i cili e kishte këtë simbol të vizatuar në avionin e tij. Baraça vdiq shumë i ri, më 19 qershor të vitit 1918, nga një gjuajte vdekjeprurëse, por pas ka lënë 34 fitore në duele si dhe skuadra të shumta fituese. Djali i tij u bë hero kombëtar. Baraça e donte kalin e krekosur në avionin e tij sepse skuadra e tij "Battaglione Aviatori" ishte e regjistruar në trupat e kalorësisë dhe gjithashtu edhe ai vetë ishte kalorësi më i mirë i skuadrës së tij.

FIAT
Makina FIAT e ka emrin nga inicialet e Fabbrica Italiana Automobili Torino, e cila u themelua nga një grup investitorësh më në krye Giovanni Agnelli në vitin 1899. Logoja aktuale e FIAT ka një letër në të cilën është shkruar F-I-A-T dhe sipër saj janë vija me ngjyrë argjendi. Vijat janë shtuar nga shefi i dizenjimit, kur një ditë ai kaloi poshtë fabrikës, ai vuri re se qiellin në sfond dhe të shkruar me të mëdha mbi të FIAT në maj të një ndërtese. Ndërsa vijat e shtuara janë në të vërtetë hapësira që ai pa mes gërmave të shkruara në ndërtesë dhe vendosi t'i mbajë ato. FIAT u krijua në Turin në korrik të 1899-n.

"Ford"
Makina "Ford" ka shenjën dalluese ovale, e cila është një nga simbolet më të njohura të korporatave në të gjithë botën. Dhe ajo ka qenë një nga më të vjetrat dhe më të rregulltat nga simbolet, pasi ka mbi 50 vjet që përdoret e pandryshuar. Dorëshkrimi i shenjës dalluese të kësaj makine fillon me emrin e Henry Ford, një asistent inxhinier, i cili zhvilloi dhe krijoi versionin e fjalëve "Ford Motor Company". Kjo logo është ovale dhe me një fushë blu nga ku në vitin 2003 Fordi mori një çmim, si kompania më e mirë e 100 viteve. Kjo logo ishte quajtur edhe "100-vjetori i ovalit blu".

"Hyundai"
Kompania e makinave "Hyundai" (HMC)është një kompani koreane e prodhimit të automjeteve. Makinat e tyre janë në të gjithë botën. Në vitin 2003 ishte krijuesi me i madh korean i makinave, si dhe i shtati në të gjithë botën. Slogani është "Drive your way". "Hyundai" është një sektor i grupit të makinave "Hyundai", i cili gjithashtu drejtohet nga Kia Motors. Logo e "Hyundai"-t është një H ovale(simbolizon "Hyundai"). Gjithashtu supozohet që është simboli në ndikimin e zhvillimit të kësaj kompanie. Forma ovale dhe e pjerrët tregon se kjo është kompani me shtrirje të madhe, stilizimi i "H", është simboli i dy njerëzve që tundin duart.

"Jaguar"
Makina "Jaguar" është kufizuar si një makinë luksi e prodhuar në Britani, fillimisht me zyrat qendrore në Browns Lane, Coventry, Angli, por tani në Whitley, Coventry. Është themeluar në kompaninë Swallow Sidecar në 1922, nga dy motoçiklistë të pasionuar, William Lyons dhe William Walmsley, dhe e ndryshuan emrin duke e vendosur "Jaguar" në 1945. Kompania u zotërua nga "Ford" qysh në 1989. Logoja e "Jaguar" është një logo tigër jaguar që kërcen mbi emrin e kompanisë. Jaguari që kërcen mund të jetë krijuar për të përfaqësuar shpejtësinë, fuqinë dhe suksesin e makinës. Emblema e "Jaguar" qëndron para makinës.

"Mercedes-Benz"
Logoja e "Mercedes-Benz" është një nga më të njohurat në të gjithë botën. Logoja e "Benz"-it është shumë e thjeshtë, një yll me tre cepa që do të thotë se është dominuesja në tokë, det dhe ajër. Ylli me tre cepa është dizenjuar nga Gottlieb Daimler, për të parë fuqinë e motorit të tij në tokë, ajër dhe det. Më pas kjo shpikje e Daimler në 1909, u kombinua me kurorën e dafinave të "Benz" në 1926, duke treguar bashkimin e dy firmave. "Mercedes-Benz" është një nga fabrikat më të vjetra të prodhimit të makinave.

"Mitsubishi"
Grupi "Mitsubishi"-t është bashkimi i disa degëve autonome të biznesit japonez me një stemë të përbashkët, atë të "Mitsubishi"-t. Ky grup në përbërjen e tij ka liri veprimi. Emri "Mitsubishi" i referohet emblemës prej tre rombëve. "Mitsubishi" është kombinimi i fjalëve "mitosu" dhe "hishi". "Mitsu" do të thotë tre. "Hishi" do të thotë ujë me ngjyrë kafe, dhe japonezët e kanë përdorur këtë fjalë për një kohë të gjatë për të treguar formën e rombeve. Japonezët shpeshherë përdorin kur janë jashtë vendit të tyre shkronjë "h" dhe "b" kur flasin. Kështu që ata kanë bërë kombinimin e "mitosu" dhe "hishi" duke nxjerrë "Mitsubishi".

"Peugot"
Luani i logos së makinës "Peugot" është një markë e fortë për këtë automjet. Luani i parë dizenjuar për një qëllim, për të parë tehun sharrës prerëse e çelik të produktit. Kjo simbolizon tre cilësitë e makinës "Peugeot": Fortësinë e dhëmbëve, përkulshmërinë e tehut të sharrës dhe shpejtësinë e të prerit. Në 1850 imazhi i luanit u shfaq për herë të parë në "Peugeot Bros". Në fillim u vendos sharra prerëse, kjo logo u regjistrua në 1858 dhe kjo u mbajt për shumë vite si logoja e "Peugot" deri në ardhjen e luanit.

"Toyota"
Unë zotëroj një "Toyota Camry" dhe asnjëherë nuk e kam vrarë mendjen për të mësuar së çfarë kuptimi ka logoja. Nga larg ajo të ngjason me një T, e cila do të thotë "Toyota". Kur unë kam bërë kërkimin për të zbuluar se çfarë do të thotë kjo logo, unë gjeta, se ajo tregon tre elipse që përshkojnë zemrën e blerësit, zemra e produktit dhe ndonjëherë edhe zgjerimin dhe avantazhet e teknologjisë dhe mundësi të pafundme. Dhe në fund, unë kam gjetur dhe zyrën shpjeguese nga "Toyota", faleminderit nga JoAnn Paules.

"Volsvagen"
Ideja e krijimit të "Volsvagen" nuk ishte e para. Në Gjermaninë e viteve '30 pati edhe shumë makina të tilla "popullore", por askush s'ia doli. Kështu, në vitin e largët 1930, Ferdinand Porsche sapo kishte krijuar një kompani ndërtimi makinash, e cila filloi të njihej si "Porsh". Është shumë e dallueshme se çfarë është në logon e "Volkwagen" është V mbi W në një sfond blu të rrethuar nga një rreth. Mendohet se zanafilla e saj është shumë e rëndomtë. Logoja është rezultat i konkurrimit nga ku u zgjodh kjo që e përfaqëson tani. Fituesi mori 50 marka dhe ishte inxhinier Franz Reimspiess.

[ReniX]

flm per keto informacione

shume titull interesant